البارت العاشر
#المشكله_والعنيد
منه محمد
فــي العيــــاده..
ريهام بتتمشي في ممر المستشفى من غير هدف..حاسه ان في شئ ناقص..اكتشفت ان اغلب وقتها بيروح مع سامي..
"للدرجه دي متعلقه بيه"..
عمرها ما فكرت انها توصل لمرحلة التعلق بسامي..في البدايه كانت بتفكر انه قعدها معاه مجرد كلام يتنفس من خلاله ...بعدين صداقه...واخر حاجه اعجبت بكم نقطه فيه...بس عمرها ما جه على بالها انها لو ما كلمتهوش يوم ممكن تضيع او حتي تحس بأن شيء ناقصها..صحيح الايام اللي قضوها تعتبر معدوده..بس في ناس من اول مقابله تحس انك تعرفهم من زمان وده اللي حصل بين سامي وريهام "تجانس ارواح"
لقت نفسها واقفه عند باب غرفته ماتعودتش انها تمر من عندها مرور الكرام..تخيلت ان وري الباب سامي قاعد بابتسامته مستنيها زي كل يوم..لكن مره واحده خنقتها الدموع وحست بالم وجرح عميق!!!!
اتفتح باب غرفة سامي...
ريهام تنحت في الشخص اللي طلع من وري الباب..
....:اهلا دكتوره ريهام اخبارك...؟
ريهام وكأن الدنيا وقفت حواليها ومافيش بالكون الا الشخص اللي قدامها..
ريهام مستغربه: انتي ايه الي جابك هنا...؟
.........:انا المسؤوله الجديده عن حالته..
ريهام ولعت نار: ومين سمح لك...؟
....:والله يا دكتوره ريهام دي اوامر جاتني وانا ما عليا الا التنفيذ...
ريهام: بس يا دكتوره فاطمه انا المسؤوله عنه..
فاطمه وهي رافعه حاجب: كنتـي....وكان فعل ماضي واحنا ولاد النهارده ...وانا بقيت المسؤوله عنه..اتمنى ما تدخليش وتزعجي الحاله لانه شوي ونديلو ابره مهدئه..
ريهام بغضب : مين قال انه محتاج ابر مهدئه..حالته مش مستعديه ..
فاطمه انفعلت:دي حالتي وانا اعرف ازاي اعالجه...وانا شايفه حالته تستدعي..
ريهام دفعتها:اوعي كدا شوي...."وفتحت الباب"....ســــــامي..
سامي اشتاق لصوتها بس ماردش عليها لانه مستغرب دخلتها المنفعله..
ريهام قربت لعنده : سامي...انك تكون كارهني ده شئ...بس انهم يدولك علاج انت مش في حاجته ده شئ تاني...
سامي ما فهمش حاجه ....ولسه ع نفس صمته..
ريهام حست انه مش فاهم: سامي الابر المهدئه ما تنفعلكش وممكن تدمن عليها وتخليك في خمول وهدوء دائم...حرام تدمر صحتك..بليز ارفض ده لمصلحة صحتك..
سامي حس انها دقيقه وهتعيط: اوكي...خلاص مش هاخد حاجه...
ريهام واخيرا اتنفست براحه: اوه..ايوه دلوقت ارتحت...عن اذنك...
وطلعت تاني لفاطمه..
ريهام بثقه:اظن سمعتي قال ايه..ابر مافيش.."ومشت"
سامي وجعه قلبه عليها...لهفتها عليه فيها حاجه....خوفها عليه مش طبيعي مش مجرد انه حاله وخلاص...نظرتها وطريقة كلامها معاه بيقول حاجات طيب ايه ممكن يكون تفسير كل ده وهي مخطوبه لخـــالد!!
..........((بقلم منه محمد))....................
بالفسحـــه..
نسمه بتحاول تتهرب من البوي وشلتها قدر الامكان مش حابه تقابلها ولا تكلمها..
لمياء: نسوم..ناويه توديني فين؟؟
نسمه وهي تلف يمين شمال.:عاوزه مكان بعيد محدش يشوفه..
لمياء وهي مستغربه: نسمه مالك؟...فين المكان البعيد والمدرسه مكشوفه على بعضها...
نسمه وقفت عن المشي : معرفش بس فكري معاي...
وحست بأيد على كتفها: صباحو يا قمر..
نسمه حست انها هتنهار في العياط...لا هي رايقه ولا فاضيه لها..بالها مشغول مع موضوع هبه وبتفكر ممكن تعمل ايه وتخلص اختها من براثين كرم...
مشى امير ووقف قدام نسمه:عامله ايه حبي؟؟!!!.نسمه وهي بتحاول قدر الامكان ما تفرد وشها: تمام الحمد لله..
امير: في مجال أأعد معاك النهارده...؟
نسمه: حاليا....لا..
امير: طيب أمتى اشوفك؟؟
نسمه: بكره...
امير برفض: لالا بكره ايه...انا عاوز اكلمك وأأعد معاك..
نسمه من غير نفس: زي ما انتي شايفه مافيش وقت...
امير: اوكي...مش مشكله..اشوفك في بيتكم..
نسمه بسرعه: لالا... بيتنا ايه...خليها وقت الخروج من المدرسه..
امير ابتسم:اوك حبي...اشوفك في نهايه اليوم باي.."وراحت"
نسمه: اووووووووووووف مقرفه.
لمياء ضحكت: نسمه...بصراحه الله يعينك..
نسمه وهي اعصابها تعبانه: يااااااااااااارب صبرني..
........................................
تمسح دموعها ترجع تنزل تاني....
ابتهال:خلاص يا حبيبتي والله قطعتي قلبي....
شهد: ابتهال...انتي مستوعبه اني هتجوز واحد معرفش اخلاقه عامله ازاي...يعني بابا لا يمكن يهتم ولا يفكر الا انه يتخلص مني وبس..
ابتهال تهديها: طيب مش جدتك قالت لك سيبي الموضوع عليها...
شهد: جدتي ضعيفه مفيش حاجه في ايديها..يعني لو ابويا غصبني مش هتقدر تقول له كلمه...
ابتهال احتارت معاها: لا شهود تفائلي بالخير..
شهد بألم: منين أتفاءل بالخير وانا لا شفت الخير من اقرب الناس لي وهو ابويا..
ابتهال: طيب يمكن يطلع راجل كويس..
شهد: منين يطلع كويس وهو يعرف ابويا...اصلا مافيش امل..
ابتهال: انتي اصبري..خلي الامور تمشي شوي عشان نعرف نتصرف..وصدقيني بأذن الله مش هيحصل الا كل خير.
شهد حاولت تقتنع بكلام ابتهال:يارب ..ربنا يسمع منك..
..............................
بعـــد ســـــاعـــه في الشركه
فتون بتجهز حاجتها...
علياء: مين قدها..هتطلع مع كرم سَيار بحاله
هويدا: اظن هتنسي الشغل وتتأمل فيه...
فتون: بصراحه معرفش ازاي بتفكرو...بس العيب مش عليكم..واحده مجننها جوزها والتانيه بتحلم بفارس الاحلام الورديه.."وقفت عند الباب"..يعني غاسله ايدي منكم هههههههههههههه باي..
علياء: هههههههه دلوقتي بتهربي..بس لما ترجعي عشان اعرف اتفاهم معاك..
هويدا: والله هزئتنا ست فتون ههههههههههههه
وقفت فتون عند الاسانسير وهي بتضحك على هبالهم..
شافت ضل طوويل وعريض..اصلا عرفت الشخص من غير ما تلف من ريحه برفانه النفاذه ومشيته التقيله..
لفت عليه اول ما وصل عندها..
فتون اتوترت شويه..تحس ان قربه ناار..
ومن كتر ماهي متوتره فضلت تضغّط ع الزراير بعنف منتظره الاسانسير يوصل بسرعه ..
كرم فاهم قصدها..وحب يشتغلها شويه...
كرم : بشويش على الزاير...وبعدين ضغطه واحده كفايه...يعني انتبهي لا يدخل ولا يطلعش مره تانيه...
فتون الود ودها تاخد شنطتها وتنزل بيها ع دماغه تفقده النطق.
فتون بعصبيه:مالكش دعوه بيا ...اعمل اللي يريحني..
ووصل الاسانسير ..ودخلوا....واتقفل عليهم..
كرم بهدوء: فتون..انا مش بحب حد يكلمني بالاسلوب ده اوك..
فتون في نفسها:" والله وانا لا يهمني تحب ايه ومتحبش ايه "
فتون ردت: احــــاول..
سكت كرم..لانه عارف انها أعند واحده بالكون..
ثواني ووصل للدور الارضي..وزي العاده الحركه فيه مستمره..
بس طلة كرم المهيبه بدئت تخف الحركه..وكأن هيبته وريحه برفانه انتشر بينهم ويفرض ان الكل يقف للتحيه..
فتون حست بالهيبه وهي ماشيه معاه..واااااااااااثق من خطوته ومشيته...وما يبصش لحد ولا يلتفت لاي حد...حست بأحساس حلو وهي جنبه حست انه عطيها اهميه وان كل الانظار عليها..
فتون عقلها:الحمد لله ..علي تفكيري الغبي...
منه محمد:بس عندك حق ابن عمك مدير الشركه...
فتون بتريقه:اه اروح اكتب يفطه ع ضهري عشان الكل يعرف
منه محمد:بس ياوش الفقر يابومه ع راي اختك ابتهال ههههههههه"
عند بوابه الشركه كان في عربيتين..واحده عند الباب بالظبط والتانيه وراها..
فتون وقفت تشوف اي عربيه ممكن تركب...
كرم اخد باله من تفكيرها: انتي معاي..
فتون وهي رافضه: بنفس العربيه!!!
كرم لف عليها نص لفه: امال اخليك تركبي مع الراجل الغريب...
فتون: لا هاتلي عربيه لوحدي..
كرم اتخنق: فتون..انتي عارفه رايحين ع فين يعني مكان مستحيل يستوعب عربيات فا اركبي معايا وخلصيني..
فتون بينها وبين نفسها"معاه حق..حارتنا ما يدخلش فيها توكتك..بس اركب انا وهو في عربيه واحده ازاي...!!!"
جه السواق وفتح الباب لكرم..كرم طبعا بيحترم الجنس الاخر..
كرم لفتون:اتفضلي....
فتون ضحكت على نفسها وركبت..
كرم راح للناحيه التانيه وركب ورا..
فتون لفت عليه بقوه توقعت بيركب قدام زي سامح لما كانوا راكبين عربيه اجره..
كرم حس بنظراتها وطنشها ..
لزقت في الباب اكتر...محتاجه تدي اكبر مساحه بينها وبينه..
كرم زهق منها: فتون وبعدين معاكي...انا ابن عمك مش واحد غريب...
فتون: واذا ابن عمي...برضه مش محرم لي....وتبقى غريب..
كرم نفخ: انتي حره بس كدا بتتعبي..حاولي تكوني مرنه شوي...
فتون بعند: انا كدا وطبعي كدا ..."ولفت للشباك تتفرج ع الرايح والجاي"..
كرم طلع موبيله واتصل..:ياسر بالنسبه للاجتماع بكره حاول يكون متاخر اوكي...باي..
ياسر: باي..... وكلم نفسه بحيره بعد ما قفل فيه ايه عشان اكل كل يومين تهزيئه طويله عريضه...
#فلاش باك
مكتب كرم لما خرجت فتون من المكتب...رفع السماعه واستدعي ياسر..
كرم بصوت مصحوب بحده:ياسر..... تعال...
ياسر انتفض من صوته اللي باين فيه الشر: امرك..
ودخل على طول..
كرم: ياسر اظن انا حذرتك وانت ولا اهتميت لكلامي...
ياسر عقد حواجبه: عن ايه كرم بيه..
كرم وقف: عن البنات يا سيد ياسر..
ياسر: طيب والله نفذت اللي قلت لي عليه..
كرم: ووقفتك مع انسه فتون قبل شوي...
ياسر بلع ريقه ...وسكت ..لانه لو ناقشه عارف مصيره...
كرم بتحذير: ياسر..آآآآآآآآآخر انذار لانك غالي وعزيز عليا...البنات وفتون ما تقربش عندهم الا لما اقولك...وتقول لهم الكلام اللي اقولهولك انا وبس..بدون كلام جانبي..
ياسر وهو منزل راسه ومش عارف سبب لكل العصبيه الغريبه..
ياسر:أمرك.. تأمرني بحاجه تانيه حضرتك...!
كرم: لا تقدر تتفضل..
ياسر طلع واكبر علامة تعجب جواه ..اشتغل عند كرم من حوالي خمس سنين من اول ما رجع من فرنسا ومعاه الماجستير واتوظف بشركة ابوه..وهو كان اول سكرتير له..بس لا عمره قال له حاجه عن البنات..ولا علق..طيب ايه المعنى دلوقت!!!!
ياسر شك ان فيه بين كرم وفتون علاقه...بس الفارق بينهم كبير يستبعد كل الاحتمالات....
@@@@@@@@
طول الطريق ساكتين ولا واحد كلم التاني..
كرم قاصد ده بأول طلعه ليهم مع بعض...
وصلوا المصنع..وبدأ شغلهم بجد...اخدوا جوله فيه..عملوا احصائيه النقص بعدد العمال ..بكيفية الشغل وطريقة تقسيمه..واطمنوا على ان المصنع كامل بس ناقصه ايادي عامله تشغله وتدب فيه الحياة..
فتون اتحمست شوي...لان فعلا لو مشى الشغل بيعود عليهم دهب..
فتون اتنهدت وقالت :ربنا يوفق..
كرم وهو مبسوط بنتايج الجهد والتخطيط للمصنع: آمين..الحمد لله ..مش هتصدقي يا فتون قد ايه بابا تعب عليه ومش بس بابا الشركه كلها تعبت فيه..
فتون تخيلت شكل عمها"يكون يشبه كرم..ولا ابوها.؟؟"
فتون:ربنا يديكم على اد تعبكم..
لف عليها كرم:و الباقي عليك...
فتون افتكرت المسؤوليه اللي عليها: ربنا يقدرني..انا بحاول بكل جهدي..
كرم ابتسم لها وبانت غمازه واحده على اليمين: انا واثق فيك..<<قالها بكل احساسه..
فتون كلامه ضرب قلبها..حست بالخوف منه..ولفت وشها للناحيه التانيه..
كرم بعد عنها لا يتهور في كلامه معاها اكترمن كدا..وهو مش عاوز ده..
..................................
هبه وريماس قاعدين في كافيه شهير من الصبح...ما رحوش المدرسه..
هبه متوتره: ريماس خايفه..
ريماس: هبه..احنا ما نخافش من اكبر راس...خليك قويه..
هبه: انتي متأكده انك هتقدري تحلي المسأله..
ريماس : انا بحاول..بس انشاء الله اقدر..
ولمحوا اياد جاي من بعيد وراسم ابتسامه كبيره على وشه..
هبه بقرف: بكرهه..بحس اني هرجع في خلقته
ريماس: ما كانش ده رايك فيه..مش كان ستايل..خليني اروح اشوف حكايته..
قامت ريماس..وراحت له...وهبه بتموت في مكانها من الخوف وبنفس الوقت نفسها تعرف ايه الي بيدور بينهم..
اياد: صباح الخير على الحلوين..
ريماس: يا صباح خفة الدم ...
اياد: ممكن اعرف ليه انت متعصبه...
ريماس: المشكله ان احنا الصبح..ومحدش رايق لحد..
اياد: بس انا مرووووووق على الاخر...فين هبه..؟
ريماس: وانت مالك بيها ..وعلى فكره كانت ناويه تخليك تلف حوالين نفسك بس انا اللي رحمتك منها وقلت خلينا نشوف حكايتك..
اياد: بس انا عاوز هبه...
ريماس زعقتلو: انت مش بتفهم..هبه مش عاوزه تشوف وشك..
اياد: مش بمزاجها..خليها تيجي...ولا تحب تندم...
ريماس: انت مستقوي بأيه...؟
اياد ابتسم ابتسامه خبيثه: باخوها كرم..
ريماس بلعت ريقها من سيره كرم: عاوز ايه من هبه...
اياد: انا عاوز نرجع زي الاول حبايب...
ريماس: بس هي مش عاوزه..
اياد: ريماس...خلينا حلوين..وخليها تيجي اقولها كلمتين..
ريماس هتموت و تعرف ايه اخرتها معاه..طلعت موبايلها واتصلت بهبه ..
وردت:هبه...تعالي شوي..
هبه: لالا انا مش جايه.
ريماس: هبه..تعالي و ارحميني منه..بس هيقولك كلمتين..
اياد اتعصب من اسلوبها بس سكت اهم شي النهايه اللي عاوز يوصل لها..
هبه فهمت قصد ريماس وقفلت...وقامت لهم.
اياد ضرب قلبه لما شافها جماااااااااالها الخرافي..انوثي طاغي..مع انها كانت طبيعيه مفيش اي ميكب اب زي كل مره...بالعكس كأنها مريضه..بس حلوه بنعومتها وسطوة انوثتها..
وصلت لعنده وهي ساكته...
اياد ما قدرش يقول حرف...حس فعلا انها تعبانه..
ريماس لفت وبصت لـ اياد ...شكت فيه بيحبها ولا ايه؟؟؟"
هبه رفعت عينها في عينه ..خافت من نظراته ليها ونزلتها بسرعه..
هبه:خير يا سيد اياد..
اياد وكأن حد صحاه: اهلا ست هبه...فينك من زمان..
هبه بأستهزاء: هه..اظن اخره مره..لما اكلت علقه من اخويا كرم..
اياد انقهر: عشان كدا ..انا هنا..عشان ما تاكليش زيها..
عرف اياد يسكت هبه..
ريماس: اخلص بقي..وقول اللي عندك..
اياد:عاوز هبه لوحدها..
هبه :وانا عايزه ريماس معايا..مش تفكر أأعد معاك لوحدنا..
ريماس: انا مش متحركه خطوه ..ولو اتحركت فهو برا المكان وعلى بيتنا عدل!!!
اياد رضى بالامر الواقع: هبه...شوفي انا عشان اخلصك من المشاكل كلها مش عاوز منك الا شئ واحد بس...
هبه: ايه هو؟؟
اياد: نرجع زي الاول..
هبه استغربت..يعني للدرجه ميت عليها وعاوز يرجع العلاقه..
هبه: ليـــــــه؟؟
اياد: كدا...انتي عجباني وانا عاوزك.
هبه انجرحت من جواها..مهما كانت ما ترضاش حد يكلمها بالاسلوب ده..هي مش واطيه للدرجه ..صح بتتكلم وتطلع وتستهبل..بس عمرها ما اختلت براجل لوحدهم ..او تروح بيوت وشقق..كلها حركات هبل وعبط بس..
بس عمر اللي كانت بتعمله بيسعدها....صحيح في اللحظه بيسعدها..بس بعدها بترجع لها نفس الضيقه والملل والزهق..وتروح تدور ع شئ تاني يسليها ..عمرها مالقت الي يملي فراغها..ولا كانت عارفه ايه الي ممكن يمليه...وتجهل ان الذنوب وكترتها هي اللي وصلتها للي هي فيه..حطت الانحراف اللي بتعمله تحت مسميات خفيفه(هبل فرفشه)..لكن لو فكرت فيها لثواني بتكتشف انها زنا وفجور..وكبائر الذنوووب..
اياد قطع تفكيرها: هبه..يعني مش هتخسري حاجه لو رجعنا لبعض..لانك لو رفضتي صدقيني هتخسري كتير ..
هبه شدت اعصابها مش حابه تضعف ..ولا قادره تقوي نفسها لان موقفها اصلا ضعيف..
ريماس: هبه..شكله يصعب وافقي..وغمزتها
هبه فهمت ان مقدمهاش الا انها ترجع وتتخلص منه..
هبه :رايك كدا ياريمو...للدرجه ميت علي..
اياد صح انقهر بس مثل البرود: وهيماااان فيك يا قلبي..
هبه حست انها هترجع عليه من شكله واسلوبه الرخيص..بس هي عارفه ده حصاد الي زرعته بأيديها!!!!...
هبه هزت راسها:اوكي ..هرجع شفقه عليك ورحمه مني...اوعاك تنساها مني.."ولفت بسرعه تخفي دمعتها.."...يلا ريموو..
ريماس: يالا..
اياد ابتسم ابتسامه واسعه: بتمون يا ألبي بتمون..اسمعي اغنية اليسا هوبا..باي..ورمالها بوسه في الهوا
......
في العربيه
كرم:اوصلك لبيتكم..
فتون: لا وقفني هنا..
كرم: وبعدين هتعملي ايه..؟
فتون: هاخد تاكسي..
كرم عطاها نظره...ووصف للسواق مكان بيتهم..
كرم اتك ع سنانه: يعني هسيبك يوصلك الاجنبي وانا موجود..
فتون"الاخ متعمق شخصية ابن عمي"
وردت :قلت مالوش داعي تتعب نفسك وتدخل حارتنا اللي مضيقك وجودها..
كرم ما ردش عليها..وطلع اللاب بتاعه ولهى نفسه فيه قبل ما يضربها بيه.
فتون في نفسها وهي متنرفزه"مغروووووووووووور..كمان محتقرني ولا بيرد علي...كرم بقولها بصوت عالي مش بهضمــــك.."
وقفت العربيه اول الحاره لانها مستحيل تدخل...
نزلت فتون: تشكر كرم بيه .."وقفلت الباب"..
اتفاجأت ان كرم نازل معاها: لا شكر على واجب..بس هوصلك لحد بيتكم..
فتون وهي ماشيه: على فكره..كل يوم برجع لوحدي..مش مستهله تتعب نفسك..
كرم: من اليوم ورايح وخصوصا وانا معاك ما بتكونيش لوحدك ..
فتون بتناكه: التعب عليك مش عليا..
كرم ابتسم: راضي بيه.
ووصل عند باب بيتهم..
فتون: كان نفسي اقولك اتفضل..بس بصراحه وجودك غير مرغوب فيه لا من ابويا ولا امي..اسفه ياابن عمي<<قالتها بستهزاء..
كرم انقهر من اسلوبها بس طبعا زي الجليد بااااااارد وكأن ولا شيء يهزه..
كرم ببرود:اصلا عندي شغل ...باي..
فتون لما شافته مشي:ما عندهوش كرامه خده ربنا.
ودخلت لبيتهم..وقفلت الباب..
الا ابتهال واقفه بوشها.:مين اللي كان معاكي..
فتون اتفزعت : بسم الله علي الرحمن الرحيم..وانتي ايه عرفك..؟
ابتهال: كنت بننشر الغسيل..مين؟؟ كرمله.؟؟
فتون ضحكت على هبل ابتهال: ايوه..
ابتهال عملت نفسها بيغمى عليها:كفايه يامجرمه ارحمينا يا جمااااااااااااااااااله.فتون ايه ده ...جمال صاروخي..
فتون: والله ولا فيه حاجه عدله..
ابتهال: طب انتي حوله وربنا مش شيفاه ولا امراءه بالغه عاقله تشوف الوسامه اللي كانت واقفه عند بابنا الا تجري تخطفه
فتون: الله يهنيك فيه خديه .."ودخلت تغير هدومها"
............................
وقـــت خروج المدرسه..
امير كان واقف مستني نسمه تطلع من فصلها..
نسمه اخدت شنطتها وطلعت ..اتفاجأت بامير اللي واقف عند الباب..
امير: هاي..
نسمه بملل: اهلا..
امير وقف جنب نسمه ومسكها من وسطها: ممكن..؟
نسمه انحرجت تقول لها لا بعد ما حطت ايدها..وسكتت..
أأعدو على دكه موجوده بالحوش..
امير قعد وحط ايده علي خده يتأمل بسمه بأبتسامه..
نسمه اتكسفت من نظراته اللي ما سابتها لحظه..قعدت تظبط شعرها تلف يمين ..تلف شمال..تتصرف باي شكل بس تلهى نفسها عنها شوي..
امير:نسمه..انتي ارق بنت شفتها بحياتي..
نسمه وقفت ايدها عن الحركه فجأه وابتسمت بخجل: شكرا..
امير ضحك بصوت عالي: ههههههههههههه طيب عفوا ..وكمان مؤدبه..
نسمه ابتسمت: المفروض اقول ايه..
امير: أي حاجه منك حلوه..نسمه مش هتصدقي قد ايه ارتحت لك وحبيتك..
نسمه: والله مشعارفه اقولك ايه
امير: مش محتاج تقولي حاجه..انا كدا اخر انبسـاط طالما انك معايا..انتي موافقه على اننا نكون اصحاب..
نسمه: شوفي يا... اسمك ايه ؟؟
امير اتنرفز: قولي شوف يا امير..مش شوفي..
نسمه خافت: سوري..سوري..
امير: لا مفيش مشكله بس اتمنى ما تتكررش اوك..
نسمه: اوك..
امير: موافقه..؟
نسمه احتارت كتير..
امير: طلبي مش صعب..قولي انك رافضه وخلاص..
نسمه: لا مش كدا ..انا ما اقصدش..
امير فرح: يعني موافقه..
نسمه استسلمت للامر الواقع وما حبتش تجرحها: ايوه موافقه..
امير وقف وصرخ: وااااااااااااو نسوم...نسمه بجـــد..واخيرا والله بحبك..
نسمه اتحرجت قدام البنات والمدرسين ..وسكتت..
امير: المناسبه دي لازم نعمل لها حفله وانتي ضيفة شرفها..يوم الاربعاء عندي حفله انتي نجمتها..هتيجي مش كدا..؟
نسمه ما استوعبتش حركاتها عشان تستوعب حفلتها..:لا معرفش.
امير: ازاي متعرفيش..حفله صغيره وحلوه جدا ..واكيد هتعجبك..
نسمه: افكر..
امير: هي عشانك..اذا انتي ما بتحضريش مش هيكون في حفله..
نسمه: طيب اسأل مامي الاول..!
امير :يا قلبي للي بيستأذنو..اوك مش مشكله اسأليها مع انك كبيره وقرارك بأيدك..بس انتي حره..
نسمه: اوك..انا طالعه..جه السواق..
امير وقف معاها:هوصلك..
وعند الباب قرص خدها وباس أيدها: بحبك يا كيوت..باي..
نسمه خلاص شويه وتنهار مش قادره تستوعب اي حاجه ..طلعت ومخها مقفل..
.........
باللـيـــــل..
الساعه 12 بالظبط..كرم عمال يتقلب في سريره ودماغه شغاله تفكير
كرم نفخ: اوووووووووووووف والله مش حاله دي
وقعد على حيله: وبعدين معاكي..وبعديـن..فتون اطلعي من هنا اطلعي "ويضرب راسه بأيده..ورجع رمي نفسه على السرير"..والله ياكرم بقيت مراهق..انا حتي مش فاكر مراهقتي عملت فيها كدا.."وصرخ"..فتون ارحميني يرحم امك..
وغطى وشه بالمخده..
.......
في الليل..بدء شغل الاجرام واللصوص
اتجمعت الشله..في المكان المحدد..الكل عارف هيعمل ايه بالظبط...المحل على وشك انه يقفل..والدنيا هــاديه ومافيش مخلوق معدي علي الطريق ..
مهنـــد عطى اشارة التنفيذ وكل واحد اتحرك بسرعه...
#####
رايكم مهم تفتكرو امير ايه حكايته الشاذ ده مع نسمه؟؟؟
سامح ممكن ينقبض عليه؟؟؟
ريهام وسامي وخالد مثلث الحب؟؟؟
واخير كرم وفتون؟؟؟؟
كرم ايه رايكم فيه؟؟؟
