البارت الخامس عشر
#المشكله_والعنيد
منه محمد
صحت من النوم اللي حسته تقيل على صدرها كله نوم كوابيس واحلام مزعجه..
: لا اله الا الله.."لفت حواليها وافتكرت المكان الي هي فيه" دعت بحرقه...الله يغفر لك يا يمه ويجعل مثواك الجنه..
شافت تامر وتمارا نايمين بكل برائه ..حسدتهم صغيرين مش فاهمين ايه الي بيدور حواليهم...اذا بكت بكوا معاها ..واذا سكتت سكتوا..بيلعبو ويضحكو ولاهما عارفين مخبيه لهم ايه الايام الجايه..
ومن ناحيه تانيه همها الاكبر...بنت في عمر الزهور عايشه حياة قاسيه..في البدايه ما عندهاش اب..وكانت بتعاني عدم وجود سند..دلوقت لا ام ولا اب..ازاي هتقدر تسعدها ولا تعوضها..ولا تنسيها جروحها والامها ..القدر قسى عليهم وزي ما يكون حالف ما يسبلهم فرصه يشوفو حياتهم زي باقي العالم والناس..
دخلت الحمام..عاوز تاخد شور بارد يمكن يطفي لهيب قلبها شوي..ويمكن الميه تزول كل احزانها وتفوق وتصحا من كابوسها الاعظم ..وتكتشف ان اللي جري لها مجرد حلم مخيف!!!
دقايق وطلعت لقت ابتهال أأعده وضامه رجولها لصدرها..ورايحه في تفكير عميق...خافت على اختها مش حباها تفكر بحاجه ولا تشيل هم حاجه..هي مستعده تشيل كل همومهم..مستعده تمسح دموعهم
قالت بسرعه: ابتهال..
ابتهال اتفجعت: نعم..
فتون: يالا قومي...روحي الحمام..
قامت ابتهال وهي ساكته..ودوبت قلب اختها بسكوتها..عامله زي الشمعه اللي دابت من كتر ما اتحرقت
دعت في سرها"يارب هون على الحزين ضيقته وفرج همومه......."
.............
دخل القسم..قاعد في غرفة الظابط ..مستني دخول سامح عليه...
جه سامح وهو مبتسم...حس ان كرم هو الوحيد اللي واقف جنبه ومعاه..وهو اللي يمده بالامل لو حس ان اليأس سيطر عليه..
: السلام عليكم..."وسلم عليه"
كرم: وعليكم السلام...اخبارك يا بطل...؟
سامح تمام..."وقعد قصاد كرم "...انت عامل ايه؟
كرم : بخير لما شوفتك..
وسكت...
اختفت ابتسامة سامح..لان كرم وشه ما يبشرش بالخير..واول فكره جات في باله..ان التهمه لبسته ومش هيطلع منها..
سامح بتوتر: كرم فيه حاجه..........؟؟
كرم أتنهد: والله ما اعرف اقولك ايه يا سامح..
سامح دق قلبه:خير!!
كرم: سامح انت راجل كبير وفاهم..مش محتاج اقولك الكلام ده..بس والله منا عارف ازاي ابدء.انت مؤمن بقضاءك وقدرك..وبتصلي وبتصوم وانت مش جاهل بدين ربك..
سامح مقدمة كرم خلت كهرباء تمشي بعروقه..: كرم اتكلم..معنديش صبر..
كرم رفع راسه فوق شوي...ونزله وحك راسه..مشعارف يقوله ايه ..صعب عليه جدا..يقوله فقد الحنان والأمان فقد الامل ماهي الام امل بكره وبعده وكل يوم يقوله فقدت اجمل نعمه اجمل بسمه فقدت الجنه ع الارض
سامح نغزه قلبه: اهلي فيهم حاجه....؟
لانه حس انه كرم تايهه وزي ما يكون بيجمع خبر ما..لان مفيش حاجه تلغبط كرم الا اهله
كرم: احم...امك وقعت من طولها..وووو نقلنها المستشفى ودخلت العنايه المركزه..
وقف سامح وهو يتابع شفايف كرم عاوزه يقف لهنا وخلاص..ما يكملش..
كرم: بس كان...كان يومها ....ادعي لها بالرحمه يا سامح..!!!
سامح سند ايده على مكتب الظابط حس انه بينهار..وفجأه فقد جسمه توازنه على الكرسي..وبص لـ كرم..
: امي.....امي انا.......ماتت!!
كرم وقف وراحلو : سامح انت مؤمن وموحد بالله..وده يومها..وربك كاتبه لها من يوم ما خلق الكون...
سامح رفع عينه في كرم المليانه دموع: كرم..انا دبحت امي...انا قتلتها انا
وصرخ: امي مات بسببي.."وقف بجنون" امي ماتت والسبب ابنها اللي حط راسها فالارض... امي ماتت واكيد وهي مش راضيه عني...اكيد...
كرم مسكه من كتافه وشده: سامح..ايه الكلام ده...امك تعبانه اصلا..وهي عارفه هي ازاي مربياك..انت راجل سمعتك زي الجنيه الدهب ومحدش يصدق فيك ..بمالك امك..!
سامح بكى :صليتوا عليها..
كرم نزل راسه: امبارح..
سامح بكى اكتر واكتر واكتر..عياط زي الحريم بنهنه وصوت..:الله يرحمك يا يمه..ربنا يغفر لك..الله يرحمك"وحضن كرم"
كرم حضن سامح وهو ضاغط عليه..حس بشعوره لما فاقد من الدنيا كل شي..ولا بقاله فيها شئ..
:خلاص يا سامح..صلي عليها صلاة الغائب..وادعي لها..انت كدا بتعذبها..
سامح: ازاي يكرم ازاي ..واخواتي مين ليهم بعد امي..انا يتمتهم يتمتهم..
كرم بعده عنه ومسح دموعه:سامح ما ينفعش الكلام اللي بتقوله..استغفر ربك..ده شي لا بأيدي ولا بأيدك..بأيد رب العالمين..
سامح حاول يمسك نفسه بس مش قادر ..دي امه عيونه اللي بيشوف بيها...قلبه اللي عايش عليه..قتلها بنفسه..قتل نفسه بنفسه..اخر شي سمعته عنه امه انه فالسجن...ياتري بتكون راضيه عنه.............؟؟
جه الظابط..ومعاه العساكر: معليش كرم بس الزياره انتهت..
كرم قلقان يسيب سامح في حالته: بس دقايق..
الظابط: معليش يا كرم اسمح لي..
قربو العساكر واخدو سامح وهو شبه منهار..حس ان الحياة انتهت عند لحظة وفاة امه..
ماشي بالممرات وحاسس بالضياع والوحده واليتم ..خلاص العمر عنده مالوش قيمه..الحياة بعد امه مالهاش طعم..كره نفسه وكره عيشته وحياته..والساعه اللي شاف فيها مهند...
وكأن على السيره لمحه...شاف مهند فايت من جنبه..والعساكر ماسكينه..
وبحركه سريعه وغير متوقعه فلت من ايدين العساكر وجري لمهند ولفه ناحيته بسرعه البرق وضربه بكل غل
: بسبك يا واطي امي ماتت..انت قتلت امي انت..اتفوه عليك ياحقير
كان منهار وبيضرب مهند بعشوائيه ومهند متفاجئ من اللي هجم عليه فجأه..
مسكوه العساكر...وهو بيحاول يتحرر منهم: هو السبب مش انا..والله مش انا اللي قتلت امي..والله هو الندل ..هو الحقير..هو الخسيس
وعيط وهما بيجروه للسجن ورموه فيه..ذل هوان..عيشه مقرفه ..ما تشرف..صاحب سوابق وسجن..قتل امه..سرق..متهم بقضية مخدرات..ايه احسن من كدا سيره..
..................
كرم طلع وهو حاسس انه بينهار ..صعب الموقف صعب مش قادر يتحمل اكتر من كدا وهمومه محوطاه من كل جهه ولا عارف يعمل ايه في كل ده دايره متهالكه لكن انت كرم سَيار قدها وقدود..
