تكلمه البارت 35
#المشكله والعنيد
منه محمد
طارق زاد استغربه ..لما هي خايفه عليه وهو خايف عليها ليه ما اخدهاش معاه !!
رد: برى !!
فتون: طيب يالا نمشي.
طارق قرب منها يمسكها..
فتون خافت منه: لا عادي اقدر امشي لوحدي
طارق ما فكرش ولا جه على باله ان فتون ممكن ترفضه....على باله انها بس رفضت لانها محروجه تتعبه..
: لا عادي.. كلها مساعده..
فتون وقفت: بس هل انا سمحت لك تمسكني..
طارق بعد عنها مصدوم: احم...اوكي امشي ..وانا همشي جنبك..
مشت فتون بخطوات مش ثابته..اتحركت تتسند على الجدار اللي جنبها..
طارق ما قدرش يسكت ونادى نيرس تساعدها وطلعوا برى في الشارع..
كرم كان موقف عربيته عند الباب. ....نزل وفتح لها الباب..
فتون شافته وهو بيفتح الباب وعيونه بتعبر عن كميه وجعه بس بالدموع..ما تقدرش تركب معاه..وما فيهاش قدره لاتحس بألم او أي وجع تاني...كفايه
لفت على طارق: جيب عربيتك.
طارق حس نفسه غبي : ها ؟؟؟
فتون وهي ماشيه وراه بحزن السنين: ما اقدرش اركب معاه..
طارق بسرعه نفذ اوامرها وانطلق يجيب عربيته..
كرم واقف ينتظرها ..وهي لسه ماجاتش معاه..وبص لقاها واقفه استغرب مستنيه ايه ؟؟
وفي سره " ليه واقفه ؟؟ ... كلمها بصوت عالي:تعالي اركبي بسرعه"
وثواني شاف انوار عربيه ورى عربيته ..وفتون اتحركت ناحيتها ..
هنا ماتت فيه كل ذرة تفكير ممكن يفكر فيها ..بسرعه راح لها ..
: ما تروحيش معاه..
فتون ماشيه بضعف: المره دي بس..ما اقدرش اجي معاك.."ولفت عليه برجاء" كرم اتمنى من كل قلبي تفهمني..ما اقدرش اجي معاك..ارجوك خليني في حالي..
كرم وقف قدامها: قوليلي ليه ...؟ بس عاوز اعرف السبب ..."ولف لطارق اللي كان متابع الموقف"
فتون بكت: والله مش مني..غصب عني..ربنا يخليك ابعد ..محتاجه ارتاح شوي..
ومشت من جنبه وهو واقف زي التمثال..
وركبت ورى في العربيه مع طارق اللي انطلق بيها بسرعه متجهين للقصر..
كرم رفع راسه للسماء....وبكي بكاء يدمي القلوب...
" انا عملت ايه في حياتي غلط عشان يحصلي كدا !! انا كل غلطتي اني حبيتها واتجوزتها غصب عنها ... انا بحبها ولو بعدت عني بموت بنتهي،، بس خلاص تعبت مبقاش فيا حيل اتحمل اكتر من كدا !!!!!"
..............>>>>>>>>>>>>>>>>.............
بعربيه طارق
كل شوي رافع عينه عليها ومتردد يكلمها..
: ليه ما رجعتيش معاه..
فتون بحزن: نفسي ارجع معاه..
طارق: وايه اللي يمنعك.؟
فتون: شئ اقوى مني..لو عرفته كنت قلت لك عليه..
طارق سكت.مشعارف ايه الشئ اللي اقوى منها ..بس جه في باله فكرة ان ممكن يكون السبب ويخليها تتطلق من كرم !!!
.............>>>>>>>>>>>>...........
فالقصر..
اتفتح الباب..والكل وقف بسرعه واتحرك لعندهم الا سَيار وسالي
بس الكل انصدم ..فتون ومعاها طارق !!
ريهام اختفى لون الدم من وشها:فين كرم؟؟
اتوجهت كل العيون والانظار على طارق.
طارق ما ردش على حد وقرب من فتون: خلوها الاول تدخل وترتاح...
وبسرعه ابتهال اخدت اختها وسندتها عليها..نسمه وهبه حصلوهم
ريهام لسه واقفه قدام طارق محتاجه جواب!!
طارق طنشها ودخل..
ابتهال ئعدت فتون جنب سَيار
سَيار: الف سلامه عليك يا بنتي...ازيك دلوقت ؟
فتون حاولت تبتسم بس مقدرتش مرضها و المستشفى..واكتر من ده كلو وجعها والمها علي كرم !!!
سالي بدون نفس: الف سلامه
ابتهال ماسكه ايد اختها: ان شاء الله بقيتي احسن..ارجوك طمنيني !!
نسمه: والله من اول ما روحتي مبطلتش عياط ..
هبه برجاء: ريحي قلبها وريحينا..
فتون باستها بحنان: قلب اختك..ارتاحي انا بخير وكويسه..
ودخل بسرعه..وبخطوات اسرع وقف عندها وبص لوشها.: فتون !! فيك ايه ؟؟ ايه الي حصلك ..والله لسه عارف منهم.
سَيار ضحك: هههه ارتاح ياحببيب عمك..وخد نفسك الاول..
سامح معرفش يجامل: فتون فيكي ايه ؟؟
فتون ابتسمتله: والله انا زي الفل ريح قلبك يا اخويا..
سامح واخيرا قدر يتنفس ..وابتسم وحط ايده على قلبه: والله قلبي طار مني..حمد لله على سلامتك..اهم حاجه انك بخير دلوقت..
هبه ابتسمت ابتسامه حلوه لما شافت خوف سامح على اخته..
هبه: سامح مبقتش تئعد معانا..وفتون بتهمل نفسها ولا بتاكل.
سامح لف ليها: اه الحكايه كدا !! لا من هنا ورايح انا قاعد على قلبها
ضحكوا البنات..
طارق ساكت في أمر مش عجبه..وفي جانب من جواه مرتاح..مش عارف ليه من وقت ماقلتله فتون ان في حاجه بتمنعها عن كرم ارتاح ... بس اللي مش عجبه حس ان فتون لو احتاجت له حتكون مش من قلبها زي النهارده ..بس عشان ما تلجئش لكرم..
شوي ودخل كرم...وئعد معاهم..
سَيار استغرب: انت ما كنتش مع مراتك..
كرم مبصش لحد: كنت..بس روحت اخلص شغل وجيت!!
فتون وقفت: ابتهال الليله هبات معاكي..خديني للملحق اللي برى..
سامح وقف وهو بيستهبل: خليني اشيلك..
فتون: ههههه لا شكرا..
سامح: لا انا الي هأخدك..ابتهال روحي ظبطي سريرها بسرعه..
ابتهال بسرعه وقفت: حاضر..."وراحت"
سامح: يالا عن اذنكم ....كرم معليش اليوم هناخد مراتك منك..بس زي ما انت شايف محتاجه لاختها هههه
سامح كان الوحيد اللي ما يعرفش ان فتون اصلا لها كام يوم ما كانتش مع كرم
كرم حاول يبتسم وهو شايف فتون جنب سامح وعينها فالارض..وكلمتها " ابعد عني" ما فارقتهوش دقيقه..
بعد ما طلعت فتون..الكل اتفرق في جهه.
الا ريهام راحت وري كرم لحد غرفته..
: ايه الي حصل ؟؟
كرم بزهق: محصلتش حاجه ...
ريهام: طيب فسر لي رجعة فتون مع طارق !!
كرم ما صدق وانفجر: خليني انا اعرف بالاول..انا مش قادر افهم اي حاجه.. .محتاج حد يفهمني ليه بيحصل معايا كدا ...انا ما عملتش حاجه غلط..وكل ما احاول اصحح غلطي الاقي منها صد..ريهام انا ما غلطتش في حاجه والله وبحب فتون وعاوزها الا اذا كان ده كمان غلط ..
ريهام سكتت مصدومه ..ماتخيلتش كرم ينفجر ..
: طيب انت اهدا دلوقت..وخليني افهم شوي..
كرم ئعد بتعب على الكرسي: ريهام الله يخليك اطلعي..والله مافيا حيل حتي اتكلم..
ريهام حست بهمه: اوكي....بكره نتفاهم..
كرم سكت وريهام طلعت..
..............>>>>>>>>>>>>>>>.............
وهما بالطريق للغرفه..
سامح بجديه: فتون ..في حاجه حصلت بينك وبين جوزك؟
فتون منزله راسها وساكته..
سامح: فكري فيه يا فتون..وش كرم تعبان..باين انه خايف عليك وبيحبك.. حطي ده بين عيونك..
وطلعت لهم ابتهال..
: يالا بسرعه ادخلوا ...عاوزه افرح
سامح ضحك: يا هبله..بشويش على البنت تعبانه..
ابتهال جات من بعيد وحضنتها: من زمان ما نامتش جنبي ..اختي وحشاني الله..
سامح: هههههه قلت ابعدي عنها.. اختي مش حمل عبطك..
ابتهال حطت ايدها على وسطها: فتونه بجد مش حملي
فتون : هههه سامح دلوقت مين الي هيفكني من شرها ...
سامح مات ضحك..
ابتهال: يعني بجد مش عاوزاني زحلانه !!
ودخلوا الغرفه وهما بيتخانقو وسامح يزق ابتهال نفس الزقه وتضرب فيه
.............>>>>>>>>>>>..............
صباح اليوم الثاني...
صحت بدري وجهزت هدومها ..ورتبت شنطتها ..وئعدت فالصاله تنتظر حد يصحى ..
اول شخص صحى كان سامح ..طلع من الغرفه وانصدم من الشنط..
: لمين دي ؟؟ "ولما طلع من الصاله شاف جانيت وعرف انها ليها "
جانيت انتبهت ان في حد دخل عليها ولما لفت انصدمت انه سامح
: مستر سامح...!!
سامح سكت وما ردش عليها..
جانيت وقفت...وقربت منه شوي..
: كويس اني شفتك لوحدك..لان عندي كلام بدي أوله (اقوله) إلك...انا بعتذر عن اللي شوفتو مني ..ما كان بدي يصير هيك بس صار غصب عني..وبدي تفهم شغله ..انو انت انسان راقي وفعلا كل بنت تتمنى تكون من نصيبك..ما راح اخجل في اني يوم حبيتك او ملت إلك..انت شخص مستحيل حدا بالكون هيدا ما يفكر يحبك..جذاب وكتير مهضموم..وشخصيتك كتير أويه (قويه) وحلوه..سامح انا كتير سعيد ه اني تعرفت عليك وعلى إخواتك..وبدي تدير بالك ع حالك..وعليهن.. وتنبه لشغلك وتكون طموح..وكمان في شغله..اذا ما كنت منتبه إلها..هبه معجبه فيك وهالشي واضح بعيونها..وهي كمان بتستاهلك..بتمنى انك تأدر (تقدر) تسامحني على اللخبطه اللي عيشتك فيها ..اليوم راح يوصل خطيبي..وراح روح معاه كم يوم..وبرجع..لحد ما ينتهي العقد اللي مع مستر كرم..وكمان حط بالك ع الصغار منيح.. ما راح طول.. سلم علي على الصبايا..."وراحت تاخد شنطتها " أشوفك ع خير ..
وطلعت .....
سامح ساكت..جانيت عمرها ما كانت في حياته اصلا.بس على الاقل انسانه طيبه واهتمت بخواته الكبار والاطفال ..بس كل عيبها انها جريئه وعلى طول صرحت بمشاعرها ...وده شيء غريب علينا كا مجتمع محافظ.. لانه هو نفسه الراجل ما تجرء وقال اللي بقلبه للي حبها ..حسدها على جرائتها حتى لو كانت على غلط..بس على الاقل قدرت تعبر وما تخفيش مشاعرها ..
وصحاه من تفكيره صوت فتون..
: ليه واقف هنا ؟؟
سامح: جانيت مشت راحت لخطيبها وقالتلي اسلم عليكم..
فتون انصدمت: مشت!!! يعني مش ناويه ترجع ؟؟؟
سامح قعد: لا راجعه بس بعد كام يوم..في عقد بينها وبين كرم
قعدت جنبه فتون: اها اصلها كانت منتبه للاطفال..بس يا خوفي يصحو وما يلاقوها وينهارو..
وطلعت ابتهال: خير !! كأن حد ميتلكم ..
فتون: جانيت مشت..
ابتهال ئعدت جنبهم: ليه ؟؟؟ "وبصت لسامح "
فتون: سامح بيقول انها راحت مع خطيبها..
ابتهال لفت على سامح بشك: وهي قالت لك انت؟؟؟
سامح فاهم ابتهال: انا اول واحد صحى وشافتني وقالتلي..
ابتهال بدون نفس: وهترجع؟؟
سامح: ايوه.."ووقف" انا طالع شوي اتمشى بالجنينه ..حد يجي معاي!!
الاتنين: لا ..
سامح طلع وسابهم..
محتاج يفكر شويه بنفسه..دلوقت هو مرتاح من ناحية فتون مع كرم ويقدر يأمن عليها معاه. باقي ابتهال يجوزها للراجل اللي يستاهلها وبعدها يلتفت لنفسه..لحد امتى هيفضل يخفي مشاعره وحابسها ....
................>>>>>>>>>>>>>>>.........
