المشكله والعنيد

البارت الرابع

البارت الرابع
#المشكله _والعنيد
منه محمد
في التلفون
ريهام: اهلا منار...صباح الخير..
منار ابتسمت: صباح الخيرات..فينك يا بنت؟..لي كم يوم ما شفتكيش؟
ريهام: وليه تشوفيني وتعكري مزاجك ..ها لحد دلوقت نفسك تشوفيني؟؟هههههههه
منار:انتي حبيبتي والله..أجهزي بس انا قريبه من عندك..
ريهام: هههه انا اللي بحبك ..يالا مستنياكي..باي..
منار: باي..
منارلفت لاخوها: عبده اطلع لبيت ريهام.
ابتسم عبد الرحمن ابتسامه واضحه: من عيوني..
منار ضحكت من جواها على اخوها بس حبت تستعبط:مالك شكلك انبسط ؟؟
عبد الرحمن بيحاول يكون طبيعي: يعني بلاش انبسط..واحد مروق دي فيها ايه؟
منار ابتسمت:طيب صدقتك..
وقفت العربيه برا القصر لانه محدش يقدر يدخله بدون علم مسبق عند الحرس..
ريهام: السلام عليكم..صباح الخير..
عبدالرحمن بينه وبين نفسه اتلحلح والمره دي اتجرأ شوي"..:وعليكم السلام صباح النور ريـ...احم..ريــهام.
منار نفسها تضحك: وعليكم السلام..ريهام ابشرك انفكت العقده اللي عنده..
عبد الرحمن بتهديد وهو محروج: مناااار..اعقلي..
ريهام الي بتحاول تخفي ضحكتها: منار سيبي اخوك في حاله..
عبد الرحمن طار من الانبساط..ياجمالو ريهام تتكلم عنه..بس اتحرج بنفس الوقت بطعبه الحيوي موووووت..
ريهام لحظت و غيرت الكلام: منار..بقولك شفتي المريض غرفته رقم(...)
وبدأت تتكلم عن الشغل..وعبد الرحمن متابع بدقه كل كلمه بتقولها ..ومستمع بصمت..كفايه عليه انه يسمع همسها على احلي صباح بالنسبه له صباح ربيعي..
.....................
فـــي البــاص..
على غير العاده..ابتهال قاعده بمكان غير مكانها..حاسه ان مالهاش وش تقابل بيه شهد..وخصوصا مرام..دايما ابوها يسبب لها الذل بسمعته..وطبعا دلوقت هتلاقي نظرات الشفقه بعيونهم واحسسها ان نظرة الشفقه والرحمه زياده عليها..
ركبت شهد الباص..دورت علي ابتهال بمكانها بس ما لقتهاش.وأأعدت باي مكان..
مرام نفس الشئ مالقتش ولا واحده منهم..
.........................
فــــي المدرســــه..
ابتهال لمت ادواتها بسرعه واخدت شنطتها تروح الفصل..
شهد شافتها: ابتهال ...ابتهال...
ابتهال سمعت صوت شهد ووع طول اتكررت ذكرى ليلة امبارح قدام عيونها.."واتملت دموع"..وكملت مشي..
شهد جريت ومسكت ابتهال: ابتهال..ممكن تقفي...
ابتهال وقفت وعيونها فالارض ولا عارفه تبص لعيون شهد ولا اتكلمت بحرف..
شهد وقفت قدامها...ورفعت راسها..
شهد:ابتهال قلبي..ارفعي راسك...
ابتهال ولا كانها سامعه..
مدت شهد ايدها ورفعت راسها بالسبابه: ابتهال روحي..اللي حصل امبارح ما يستاهلش تنزلي راسك عشانه..بالعكس..
..............
ابتهال بصت بعيونها: شهد...بس ده امر مفتخرش بيه؟؟؟
شهد: كمان ما ينزلش الراس لتحت ...في كل بيت مشاكل..في كل بيت بلاوي عندي وعندك وعند كل بنت..بس احنا نرفع راسنا لاننا بنقدر نتغلب عليها..ولا ايه؟؟
ابتهال ضمت شهد..حست انها محتاجه لحضن يواسيها..محتاجه حضن تفرغ فيه كل الآمها..وجعها
حست باأيد على كتفها..
:ابتهال قلبي فينك؟؟
شهد خرجت ابتهال واستغربت انها جات..!!
ابتهال لفت عليها:مرآآآم؟؟
مرام ضمتها وهي حاسه بيها: ايوه مرام..اخبارك بعد لليله امبارح..؟؟
ابتهال بدء يرجع لها الامل..في ناس بتحبها وتهتم بيها وتسأل عنها..
ابتسمت لهم وعيونها متعلقه فيها دموع: يلا بقي...انتو واشكلكم ..للدرجه محتاجيني احضنكم واضمكم هو ايه حضني دافي للدرجادي..؟؟
ضحكوا كلهم وراحوا لفصولهم..
..................
....:ياربي شكلي أتاخرت...
وفضلت تجري بسرعه عاوزه تلحق الاسانسير قبل ما يتقفل.
...:لحظه لحظه..."وحطت ايدها.."
واتفتح ودخلت فيه..:اوه الحمدلله..
واتقفل الباب مره تانيه..
حست ان مافيش في الاسانسير الا هي وواحد...لحظه لحظه..ريحة البرفن مألوفه ليها..."وبلعت ريقها"
وهي حاسه بفرق الطول بينها وبينه..بما انه طوووويل..
كرم يبصلها وفي باله كلمه واحده"دي بنت عمي"
صمت غريب...والوقت فات طووويل..وكأن الدور الرابع بعيييد.
كرم يخفي ابتسامته: صباح الخير...انسه فتون..
فتون ارتجفت من صوته التقيل:صباح النور استاذ...
كرم وكأن الامر لا يعنيه: ان شاء الله تكوني مرتاحه بشغلك ومع زميلاتك....
فتون مازالت مرتبكه كون انها بتكلم ابن صاحب الشركه: ايوه الحمدلله..
واتفتح باب الاسانسير..وعدي كرم من جنب فتون وبعدين وقف ولف عليها
ووقف عند الباب:كويس...
وراح وسابها واقفه لوحدها
وقفت فتون في مكانها ما زالت متوتره..وترمش بعيونها..بلعت ريقها و كأنها بتجري الف ميل...
اتقفل باب الاسانسير وهي فيه: لااااااااااااا.....
...........................
نسمه: حرام عليكي مي عز الدين بفيلمها عمر وسلمى كانت تجنن لدرجه شفته قبل كام سنه بالسينما كام مره كدا
لمياء: هي حلوه بس كان تامر حسني احلى.. رومانسي مووووت..
نسمه: ههههههه مجنونه..بتدوري علي الرومنسيه..
وما حستش الا بصرخه جايه من وراها وفجأه واحده خبطت فيها واتمسكت بيها لحد ما لزقو في الجدار..
نسمه في اللحظات السريعه كانت مغمضه عيونها واخر حاجه شافتها  تعابير الصدمه على وش لمياء..
حست بانفاس عند رقبتها وقرفت..فتحت عيونها وانصدمت من اللي قدامها..
بصوت غليظ مع ابتسامه:صباح الخير..
نسمه بصتلها..عاوزه تتاكد انها في حضن المخلوقه الغريبه الي دايما سيرتها تسبب لها الاشمئزاز..
قربت منها البنت اكتر..وطبعت بوسه على خدها..
البنت:اسفه..يا قلبي ما كانش قصدي أأذيك..
نسمه بقرف: اوك...بس أبعدي عني..
بعدت عنها شوي وقرصت خدها: حلوه من قريب..اوك يا قلبي..صدفه سعيده..باي..
ولفت تمشي بعيد عنها لكن ماشيه مشيه  غريبه...
اتجمعوا صاحبات نسمه حواليها وهي ما زالت سانده بظهرهاعلى الجدار..وقلبها نازل  دق بقوووه عجيبه..
لمياء:oh my god.. البنت دي غبيه ولا ايه؟؟
بنت ما:نسمه اسم الله عليك..خلاص خدي نفس..راحت بعيد عنك..
بنت ما: نسوم..اجيب لك ميه....
وفضلو صاحباتها يهدوها..لانها بتلحق انفاسها بالعافيه..ومازالت حالة الصدمه مأثره فيها..
لمياء مسكتها من أيدها وقعدتها..
لمياء : نسمه خلاص حبي ..حصل خير..
نسمه: تفتكري قاصدتها...؟؟
لمياء بصت جامد ع البنت البوي: عاوزه الصراحه..
لفت عليها نسمه بحماس..
لمياء تكمل: انا لاحظتها كام مره بتبصلك وتشاور عليك..
نسمه خافت: لالا قولي غير كدا..
لمياء كشرت: سيبك منها...هتعمل ايه يعني؟؟؟
.....................
هبه: مي...!!
مي وهي حاطه راسها على التربيزه: ها
هبه: نفسي اعمل فيلم اكشن في حياتي..طفشت جدا روتين في روتين.
رفعت مي راسها : وايه الي ناويه عليه؟؟؟؟
هبه بتفكير عميق: معرفش..بس الا ما الاقي حاجه تملا علي حياتي ويغير عليا جوي الخنيق
مي رجعت وحطت راسها وهي عارفه انها بتدخل بدوامات اكتر من الاول..
...........................
في مكتبه..وتفكيره ما وقف ولا لحظه..
"انا لازم اكتشف السر..ومستحيل اسكت..لو طلعت فتون بنت عمي اعمل ايه ..لالا..هي الي هتعمل ايه..؟؟..ومرات ابوي لو عرفت اني عارف اكيد هتنهار..اكيد"
ولمعت ابتسامه خفيفه على شفايفه..بعد النتائج اللي وصلها !!!!
.............
سامح طلع من شركه وهو بيجر اذيال الخيبه.. صدمته الجمله المعتاده"ما عندناش وظيفه"..
مشى شوي..مش عارف يروح فين.ازاي يلاقي وظيفه..ازاي يكون راجل ومسؤل عن اهله ويصرف عليهم..
فكر لو كان معاه دورة انجليزي ولا حاسب يمكن كانت الفرص اكتر..بس حتى دي بعيده عنه..منين يجيب فلوس المعهد..
قطع عليه تفكيره..نغمة موبيله..
:سامح رد: الو سامر...
سامر: ايوه يا سامح فينك يابني؟؟
سامح: والله بلف في الشوراع..
سامر: طيب تعال عندنا فالحاره..متجمعين الصحاب
سامح: اوك انا في الطريق.
وصل سامح..لقي سامر وكام واحد من الحاره...وتلاته او اربعه ما يعرفهمش..
سامر: اهلا سامح.."وسلم عليهم".ازي حالك؟؟ اعرفك على اللاصدقاء..مهند...رائد..محسن
بصلهم سامح اشكالهم ما تأهلش بس سلم عليهم..
سامح بيأجاز:اهــلا وسهلا.
مهند اكبرهم واعرضهم جسم: اهلا سامح..واخيرا شفناك..
سامح ابتسم بألش: هههه شفتوا ازاي..الشغل
ماخلاليش مجال احك صوباع رجلي الصغير ههههه
ضحكوا كلهم..
مهند: انت بتشتغل..؟؟
سامح: لا طبعا..انافين والشغل فين...شهادتي مسوده وشي..
مهنـــد: اها..طيب اشتغل اعمال حره زينا وريح نفسك..
سامح عقد حواجبه وكشر: اعمال حره..!!....يعني زي ايه؟؟
مهنــد ابتسم: يعني عاوز تيجي معانا...
سامح: ايوه عادي..بس ايه طبيعه شغلكم..؟
مهند بمكر: اصبر ادور لك ع شغله محترمه تليق بيك..وبعدين ابلغك.
........................
في المشفي
ريهام: ههههه هاتي اخبارك يا عاقله..
منار:والله قررت اتعلم الطبخ..تخيلي يطلب مني جوزي اكله واقوله معرفش فضيحه ..بيقولي انتي فاشله امال بتعرفي تعملي ايه..
ريهام: والله عندك حق..يابنت ايه الفلسفه الي نزلت عليك فجاءه..والله كبرتي وبقيتي عروسه هههه..
منار: اتريقي يا ستي انت خسرانه حاجه..عندك اللي بيحبك ولا يمكن يشوف عيوبك..
وقفت ريهام عن المشي في ممرات المستشفى: تقصدي ايه ؟؟ومين تقصدي بيحبني ؟؟
خبطتها منار بكوعها: يعني انتي مش عارفه....!!
ريهام عقدت حواجبها: افهم ايه..؟؟..اتكلمي ع طول..انتي بتفكري في ايه ؟
منار: يعني بالله ما لاحظتيش ان "وقالت بهمس"..الدكتور خالد ونظراته عليك..
ريهام تتوه: وانا على بالي عندك حكايه..لا ما لاحظتش حاجه ..وبعدين ايه الكلام ده ..عيب عليك يا منار تطلعي اشاعات على الراجل
منار مسكت ريهام: يا حبيبتي بس دي مش اشاعات دي حقيقه واضحه..اصلا لو سألتي المستشفى كلها ..خالد هيمان بمين..؟ بيقولولك وبالفم المليان ريهااااام.
ريهام حطت ايدها على بؤ منار: وطي صوتك يتقطع لسانك..وبعدين ..وبعدين..اقولك انسي الحكايه يا كارثه..دي كلها تهيؤات..
منار زقتها ايدها : طيب هنشوف..
ريهام: طيب..انا رايحه اشوف شغلي..باي..
منار:باي.........معقوله ما صدقتش ولا بتستعبط عليا..والله الاعمى بيشوف ريهام مرسومه صورتها بعيون خالد..
ريهام لفت تمشي بالممرات على غير جهه محدده ..اهم شي تبعد الافكار دي عن راسها..ولا حابه تفكر فيها..
" اصلا الدكتور خالد مشرفي بالعمل وبس.."
لقت نفسها واقفه عند غرفته..
ريهام وقفت ووسعت عيونها:انا ايه الي جابني هنا..
قربت كام خطوه"لالا بتطمن عليه واروح مكتبي.."
خبطت الباب وفتحته..
:السلام عليكم ...ادخل؟؟؟
ابتسم: وعليكم السلام.."وعدل قعدته"..اكيد أتفضلي..
ريهام: ازي حالك يا سامي؟؟؟
سامي: تمام والله..اليوم الدكتور اجرالي فحوصات من اول وجديد..
أأعدت ريهام على الكرسي اللي عند السرير..
ريهام ببتسامه:حلوو... وده  لازم يعملوه انهم يفحصوك من جديد..
بصت ع التربيزه ..شافت الورد دبل..
ريهام رفعت عيونها
سامي :لكل شئ نهايه.."قالها سامي بدون ما يبصلها"
ريهام : لانك ما رعيتهاش..
سامي كشر: صاحبتها ما تستاهلش الرعايه..
ريهام شالت ورده واتفتت بايدها بسرعه: بس ما ظنش انه الورد له ذنب في الموضوع..
سامي: نسيت اقول للعامله تشيله وترميه..
ريهام نفضت أيدها: ايوه مش مهم الورد بداله ورد اجمل.."كانها حابه تشيل ذكراها تماما"
سامي ماعلقش على الموضوع..
ريهام: ممكن سؤال فضولي شوي..؟
سامي: اكيد أتفضلي..
ريهام: فين اهلك...؟
سامي: انا وحيد امي وابويا...وما عنديش الا اخت ومتجوزه وهي خارج القاهره وملهيه بجوزها وعيالها..ما عنديش حد..
ريهام: وامك وابوك ليه مش بيزوروك..ولا كبار فالسن ما يقدروش..
سامي: لا...."وسكت"
ريهام فضولها ما سمحلهاش تسكت: لا ايه كمل سامي؟؟؟
سامي: اقصد لا مش كبار..بس ما يعرفوش اني هنا..
ريهام بدهشه: ليه؟؟؟؟؟؟؟؟؟
سامي عيونه جمعت دموع بس بيحاول يخفيها: مش حابب يتعذبوا معايا..امي مستحيل تتحمل تشوفني وانا بموت وهي مفيش بأيدها شئ..وابوي نفس الشي..الموت حق..على الاقل اموت وانا مرتاح اني ما عذبتهم معايا..ولا يشوفو اللي انا شفته .."واتنهد بحزن"..واللي بشوفه..
ريهام حاولت تداري دموعها..مع الشخص بقت حساسه بزياده..هي واجهت مشاكل اكبر من دي واكتر ألم..بس مع سامي حست انها متعاطفه معاه..
ريهام: و قلت لهم ايه عن غيابك؟؟
سامي مسح دمعه خانته: قلت لهم اني مسافر..وما قلتش الا لحبيبــ..احم...اقصد طليقتي..اللي فكرت انها الوحيده اللي ممكن تقف جنبي لأخر لحظه..
ريهام ما حبتش سيرتها: خلاص هي مرحله من حياتك وعدت...والحمدلله انك ما ارتبطتش بيها عشان ما تنصدمش اكتر..
سامي بحالميه بس صوته مليان الم ووجع: كنا مخططين نتجوز....ومستعدين له بكل لحظه..قررنا هنعمل ايه فين هنسافر..وازاي هنعيش ايامنا..تصورنا انا وهي السعاده وحلمنا بيها وقررنا نعيشها..بس فجأه وبدون مقدمات..تتحطم الامال..ونتهدم الاحلام..وتبدد الفرحه والسعاده في لحظه..والله لحظه..عمري ما تخيلت اني هكون هنا في المكان ده ..ولا قدرت أتصور اني ممكن اصارع المرض...لكن قدر الله وما شاء فعل..ما اقدرش اقول اكتر من كدا.
كبر بعيون ريهام اكتر ...ما شاء الله الايمان مالي قلبه..جالها شعور ..نفسها تمسح على شعره الاسود..وتطبطب عليه..لكنها تراجعت وبعدت الافكار المجنونه بسرعه..
ريهام بحماس:سامي...ابدء خطوه جديده..انسى كل شئ بالماضي وابدء عيش الحاضر وبس..
سامي بزعل: بس محسوب عليا الحاضر,..
ريهام: مهما كان عمرك...عيشه بكل لحظه..مهما طال فيك الزمن او قصر..عيشه بكل حالاته..وبنظره جديده..خليها كلها تفاؤل وحياة..وامل وعطاء..شيل البؤس والحزن والالم ..وعيش الفرحه والسعاده..
سامي بصلها وهي بتتكلم..وعيونها فيها لمعه غريبه..حس بشي...لكنه استبعده.
............................
.....:فتون...!!؟
فتون: ايوه....
:انتي تعرفي صاحب الشركه...؟؟؟؟؟
فتون رفعت راسها تشوف علياء لثواني..بعدها انفجرت في الضحك...
علياء انقهرت: ليه بقي بتضحكي ..؟؟
فتون تحاول تسكت: لان سؤالك غريب..
علياء: مش غريب انتي وهو ليكم نفس لقب العيله..
فتون بغير اهتمام: عادي..يمكن عائلتنا كتار..بس اتوقع اننا ما نعرفهمش..الا اكيد ما نعرفهمش..هما فين؟ ..واحنا فين..؟
علياء بشك: يعني بالمره ما تعرفيهمش خالص..؟
فتون بإبتسامه: ما تحاوليش اتوسط لك هههههههه..
دخلت هويدا المكتب: ايه الي عندكم يا حلوين.
فتون: ان مدير الشركه يقرب لي ههههههههههه..
************************************************** ****************
فـــي طريق الرجوع
ابتهال: وااااو اليوم الأربعاء انبساط بكره الخميس ونرتاح
شهد وهي ترمي شنطتها بالكرسي اللي جنب ابتهال في الباص: عندك حق والله واخيرا....بصراحه الاسبوع ده مملل و طويل..
جات مرام: خير عندكم اايه النهارده..؟؟
ابتهال: انا ما عنديش اي حاجه ...
شهد: وانا كمان ماعتقدش عندي حاجه مهمه غير زيارة ابويا..
مرام: طيب ايه رايكم تيجو عندي..بلييييييز متكسفونيش لان انا كمان ما عنديش حاجه..
ابتهال ابتسمت لما افتكرت علاء اخو مرام: انا عادي اجي..
شهد اللي فهمتها : هههههههه وانا كمان..
مرام فرحت: والله...اهلا وسهلا مليووووون مرحبا
ابتهال: انتي يا فقريه وابوكي...؟؟
شهد تكابر حزنها وألمها: عادي الاربعاء الجاي اشوفه اذا افتكرني من اصله..
ابتهال سكتت لانها مش بتحب تكلم شهد في الموضوع ده لانها تنزعج منه..
"شهد بعد ما فقدت اغلى كنز في الوجود..اللي هو امهـا..ومفيش بعد الام من غالي..ابوها رماها على جدتها ام امها..كان بالبدايه يزورها كل يوم وبعدها كل يومين لحدما بقت زياره كل يوم اربعاء..ومرات ينساها بالاسابيع لحد هي ما تتصل بيه وتكلمه وتقوله يزورها عشان المصروف..
شهد حاليا اغلى شئ تملكه هو جدتها واخوها عبدالله اللي اكبر منها بتلات سنين..ولكنه للاسف ملهي بحياته ودنياه...ولابيسأل في حد فيهم..
جدتها انسانه رائعه..اتخلت عن كل حاجه عشان عيال بنتها.. ربتهم وتعبت عليهم من لما كانت اعمارهم 10 و13 ..اعتنت بيهم واهتمت بيهم..شافت مطالبهم..عيالها اللي هما اخوالهم أتخلوا عن مصروفهم وطالبوها ترميهم على ابوهم..لكنها رفضت ووقفت قدام الكل..واعلنت قدامهم الخمسه ان اللي يفكر بس يبعدها عنهم لاهي تعرفه ولا هما يعرفوها..
شهد كل الحب والحنان اخدته من جدتها الحنونه..كل الامان والطمأنينه..هي امها وابوها وجدتها واختها..موتها ولا تنغز جدتها شوكه.."
قطع تفكير شهد..
ابتهال:يالا باي شهوده اشوفك في بيت مرام اوك..
شهد: اوك..
نزلت ابتهال...واول ما دخلت بيتهم..
ابتهال:يمـــه...يمـــــه ..فين الغدا..؟
لفت يمين بالصاله شافت ابوها قاعد..باين عليه انه فايق..وهو نادر لما يكون بالوضع ده...
ابتهال اترددت: الســـ الســلام عليكم..
بصلها بهدوء ولا رد السلام..
راحت بسرعه للمطبخ.
ابتهال:يمه..يمه ماله فتحي صاحي وفايق يعني ؟؟؟
سلطانه: معرفش ماله..حتى انا مستغربه لا وهادي كمان..
ابتهال: ربنا يستر..بسرعه يمه الغدا..ميته من الجوووع.."وفتحت الحله"..لااا يمه رز بس..
سلطانه: الجود من الموجود..
ابتهال نفخت: اه الحمدلله..يالا اروح اغير هدومي ..
ودخلت غرفتها المشتركه..
ولقت اخواتها الصغيرين بيكتبوا ويشخبطوا..
ابتهال: ها يا حلوين..بتعملو ايه..؟؟
تمارا: ابتهال..ابتهال تعالي سوفي..رسمتك انتي و فتون ..
تامر: وانا كمان رثمت امي ..وسامح..
ابتهال ابتسمت: الله......"واختفت ابتسامتها"..ايه الدفتر ده ؟؟؟ جبته منين؟؟؟ ."وسحبته منهم."
تمارا شاورت: من هنا............
ابتهال صرخت: لاااااااااااااااا..ليه ده بتاع المدرسه.."وبسرعه قلبت الصفحات"..وملونين حتى الدروس..ياربي اقول ايه انا للمدرسه بكره..انتوا ما تعرفوش انها عصبيـــه ..الله ياخد الشيطان..يلا يلا بسرعه اطلعوا برا الاوضه وان شفت واحد منكم واخد دفتر من دفاتري يبقي يلوم  نفسه سامعين..
انتفضوا تامر وتمارا وطلعوا بسرعه..فاتو على الصاله شافوا ابوهم خافوا زياده..راحوا المطبخ على طول عند ملجأ الامان عندهم امهم..
طلعت ابتهال..وقعدت بالصاله جنب ابوها..
فضلت ساكته ما تكلمتش...بس كل شوي ترفع عينها وتبصلو وتبعدها بسرعه..ملامح ابوها هاديه مش شرسه ولا تخوف..واللي بيدقق فيه بيكتشف انه يملك من الوسامه نصيب وكأنه سامح اخوها..ابتسمت على حركاتها وكأنها اول مره تشوفه..
لف عليها ابوها وانتفضت وحاولت تخفي ضحكتها..
فتحي:انتي فتون...؟
ابتهال في نفسها"معقوله ميعرفش انا مين..؟"
ابتهال:لا مش فتون..
فتحي:تبقي ابتهال..
ابتهال: ايوه..
صغر عيونه لان النظر عنده ضعيف شويه: بتدرسي فين ..؟
ابتهال بغباء: فالمدرسه...
فتحي بنبره حاده شوي: عارف فالمدرسه..في سنه كام يعني..؟
ابتهال خافت: بسم الله الرحمن الرحيم..بثالثه ثانوي...
فتحي: وفتون..؟
ابتهال فكرت لو قالت بتشتغل يمكن ياخد منها فلوس بالقوه.
ابتهال:معايا في نفس المدرسه..
فتحي: انتوا توأم.؟؟
ابتهال ضحكت: هههههههه لا مش توأم..بس فتون فاشله بتسقط كتير.
"وسمعت فتحه الباب"..
....:السلااااام يا اهل البيت..
ابتهال ضحكت تخيلت شكل فتون وهي بتشوفها قاعده جنب ابوها ونازل فيها تحقيق
دخلت فتون: ابتهال ..يمه...انتم فينكم..؟؟
ابتهال: من كبر البيت..تعالي فالصاله..
ابتسمت فتون على تعليق ابتهال: السلاااااااااااااا.......................
وقفت وهي مبحلقه عيونها مش مستوعبه ابوها قاعد وصاحي وابتهال جنبه وتضحك كمان هي الصوره ماشيه بالمقلوب هههه..
:احم احم..السلام عليكم..
ابتهال باستهزاء: اهلا وسهلا وعليكم السلام..تعالي اقعدي معانا..القاعده عائليه..
فتون بصت لـ ابوها اللي ما علقش على حاجه.
وراحت للمطبخ..
فتون مستغربه:يمه ماله الوالد...؟
سلطانه ضحكت: مالكم يا بنات..الحمدلله ان بقي صاحي ..ويارب دايما فايق .
سكتت فتون وما علقتش ودخلت الغرفه وبدلت وطلعت مره تانيه للصاله..
فتحي ضربها :دلوقتي انتي ليه بتسقطي وكتير ؟؟
فتون بلعت ريقها واللي مش فاهمه: بسقط!! وانا بسقط في ايه ؟؟
ابتهال ماتت من الضحك..
فتحي: ليه ما اهتميتيش بدراستك هاه..؟؟
فتون تبص لـ ابتهال وعرفت انها مهببه مع ابوها لان الضحك وراه مصيبه..
فتحي: اذا ما نجحتيش السنه دي والله بتنجلدي سامعه..
فتون ابتسمت: انشاء الله..
فتحي صرخ: سلطانه فين الغدااااااااااا؟؟
سلطانه وهي جايبه صينية الغدا مع الطبليه
سلطانه:اهو اللاكل وصل..
قامت فتون واخدت من امها الطبليه وفرشتها وحطوا الصينيه في النص..واتجمعوا حواليها..
سلطانه بهمس: فين سامح..؟
فتون : ولا اعرف..ما شفتهوش بالحاره..
ابتهال :ولا انا...
وعم السكوت المكان..
.....: كح ...كح ..كح.."وصرخ"...ميييييه..
فزت فتون تجيب الميه..
ابتهال اترددت تقرب منه....وبالاخير قربت منه وضربته على ظهره بخفه..
جابت فتون الميه وعطتها لـ ابوها وهي واقفه جنبه..احساس غريب مَر على الاتنين..اول مره يحسو بالجو ده..ابوهم معاهم فايق ..يهتموابيه..يسأل عنهم..لو كان دايما يبقي فايق بس على الاقل يسأل..بصو الاتنين لبعض وكأن كل واحده فيهم قرأت افكار التانيه..
أتمنوا اللحظات تكون دايمه..أتمنوا ان حياتهم تفضل بالهدوء والامان ده..ابوهم جنبهم وهما جنبه بدون خوف ولا رهبه منه
..................
دخلت شهد بيتهم.. لقت جدتها بتكلم الخدامه: يا ام ناصر انا مش كذا مره قايله لك حطي الفلفل على الرز..مش الشوربه الله يغنينا عنكم قولي امين.. دخلت شهد وهي مبتسمه على كلام جدتها اللي قاعده على الكرسي المتحرك فالمطبخ تشرف على الغدا.. شهد قربت منها:اهلا يا تيته.."وباست راسها."..عامله ايه ست الحبايب..؟؟
جدتها بحنان: اهلا يا شهود انا بصحه وعافيه طالما انتوا حواليا.. شهد اخدت ايد جدتها وباستها: ربنا يخليك لينا ..ها يا ام ناصر طمنيني عن الغدا..؟
ام ناصر: جاهز يا بنتي.
جدتها:روحي اوضتك وغيري لبسك اللي تقولي عنه لبس رجالي وتعالي..
شهد: ههه حاضر..والمريول ده النظام..
فاتت على الصاله لقت عبدالله اخوها ممد وبييكلم بالموبيل..
عبد الله:ههههه لا عربيتي الكزس بالورشه..ما عنديش الا الكامري..
شهد بصوت عالي: هه,..اه لكزس وكامري..انت لو معاك بسكلته كان زمانك بخير..
عبدالله حط ايده على الموبيل ويتكلم وهو ضاغط على سنانه: غوري لا اجي افقع لك عيونك..
شهد بحتقار: عيب والله عيب تبقي كبير وكداب
وعبدالله قام عليها...بس هربت لغرفتها..
عبد الله :الله يقرف البنات وحشريتهم.........ايوه كنت بقول ايه ..لا ياعمري حرام عليك مالها العربيه الكامري..
دخلت شهد غرفتها وهي بتدعي ان ربنا يخلي لها جدتها ويهدي اخوها عبد الله.اللي مخدوع بالمظاهر الكذابه.. رمت نفسها على السرير ..فجأه خطر على بالها سامح اخو ابتهال.. "ما شا الله لو اخويا عبدالله زيه كنت انا بخير وما احتجنا لابويا..واتنهدت بحالميه...ما شاء الله طول وعرض وقوه واخلاق وجمال..والله كل بنت تتمناه..ربنا يخليه لاهله.." وفضلت تراجع كل المواقف اللي بينهم من لما كانوا صغيرين لحد ما كبروا ازاي كان يدافع عنهم..وما يخليش حد يقرب منها هي وابتهال..يسأل عنها ويهتم بيها..ولا يقصر معاها باي حاجه
.................
بمكان بداخل احياء القاهره..أتجمعوا على اتفاق الشغل..
مهند:شوف يا سامح...شغلنا مقسم لفروع وانت الي تختار اللي يريحك..
سامح وهو مش فاهم حكايتهم: ايووه..وازي التقسيم..؟
مهند:ناس شغلتهم ميكانيكه..يعني يفتحوا العربيه ويشغلوها وياخدوها في ثواني بسطيه ..ودي انت لسه صغير عليها..وناس شغلتهم بقوتهم..وهي اللي تنفع معاك..وهي فك الكفرات للعربيات بسرعه وناخدها بعربيتا ونحط رجولنا في السوق..ونبيعها في المحلات..
وفيه الشغله التالته اللي هي المراقبه وهي ابسط شي بس محتاجه ناس ما فلحوش لا في دي ولا دي..
سامح رفع حاجبه: يعني بتسرقو...؟؟
مهند بخبث: لولا الحوجه..والمثل بيقول الحاجه تبرر الوسيله..يعني لا انا ولا انت ولا رائد ولا محسن نرضى اخوانتا يصرفو علينا..
محسن اتك ع الوتر: انا لو اموت ما خد تعريفه من اختي وامي..عيب والله في حقي..
رائد كمل: انا عندي اعمل أي حاجه ولا اذل نفسي لحد..
بصلهم سامح باحتقار: الاشغال دي ليكم مش ليا انا
مهند: ياحبيبي المثاليات مش هتنفعك صدقني..وخلي زي البنات اللي يصرفوا عليهم رجلتهم..
سامح مشى وسابهم ولا عبرهم" معقوله انا اعملها ... مستحيل..لالا مستحيل ومستحيل كمان..الله ياخدك يا سامر ايه الي عرفك بيهم..؟"
مهند بثقه: صدقوني هيلف ويرجع لنا..وادي وشي.
..................
بعد اتصالات مهمه واسئله..وصل للي عاوزه.
واخيرا لقي الخيط الاول للموال اللي في دماغه.
كرم:شكرا..الف شكر .
الصوت :بس خد بالك كل الحارات قديمه جدا..انتبه لنفسك..
كرم:اوكي ..اوكي ...باي..
ركب عربيته الهمر ..وحرك للمكان اللي وصفهوله الشخص المكلف..
حارات واماكن ما توقعش وجودها بالقاهره..
كرم بينه وبين نفسه ....معقول فيه حد ساكن هنا....؟؟
البيوت وكأنها هتقع على اصحابها من كتر ما اكلها الزمن واهلكها..
كل شوي تضيق الحارات..لحد ما بالعافيه العربيه دخلت..او انها مستحيل تدخل..قرر يوقفها في مكان واضح عشان ميحصلهاش حاجه...
كان في اولاد بيلعبو كوره..وقفو عن اللعب..وعيونهم ع العربيه..اللي مستحيل تعدي زيها بالمكان العشوائي ده.
قربوا حواليه..اشكالهم مأساويه ومزريه جدا..
كرم شافهم اتجمعوا حواليه اتأثر: لا حول ولا قوه الا بالله .
قربوا منه اكتر كانت ريحتهم بعد اللعب واصله لحد عنده وكان هيغمي عليه فتح اول تلات زاراير من قميصه ..
كرم ابتسم بالعافيه :اسمعوا تحبو تاخدو فلوس...؟
الكل صرخ باصوات متفرقه: ايوه...اكيد...لا..
كرم: هديكم فلوس..بس ابعدوا عني الله يخليكم..
بعدوا كلهم كام خطوه لورى..
طلع كرم المحفظه من جيبه..وقسم عليهم اللي معاه كله..تقريبا كل واحد اخد 600 جنيه..نعمه كبيره بالنسبه لهم .
راحوا العيال فرحانين ومش مصدقين ان كل واحد منهم يملك المبلغ ده كله وبايده كمان..
مشى كرم كام خطوه..واتزلقت رجله بمستنقع ميه ما شافهاش...واتعصب جدا
كرم بنرفزه: بجد بجد لا اله الا الله..
قلع نظارته الشمسيه عشان يشوف كويس قبل ما يقع في بير..
مشى كام حاره..وهو يتأمل العالم الجديد اللي حواليه..في اطفال ما تعدا عمرهم سنه فالشارع..استغرب ازاي اهلهم ما يخافوش عليهم او ما انتبهوا لهم..يعني لو صدمته عربيه او حد اخده واختفي..محدش ولا هيحس...
وصل للعنوان المطلوب...
وقف يتأمل المكان..وهو مش قادر يستوعب
كرم بستغراب:معقوله عمي ساكن هنا....؟؟؟
........................... رايكم مهم