البارت السادس
#المشكله_والعنيد
منه محمد
منه محمد
اصوات الضحكات علت والفرحه على وشوش الكل.
شهد: مرام اوعي يفوتك موقف ابتهال..
مرام وهي بتحاول تاخد نفسها من الضحك: هههههه ايه الي وقعها والله بطني مش قادره..
ابتهال نطت وحطت أيدها ع بؤء شهد: هههههه لا شهود بالله ما تقوليي..
شهد خلاص وقعت على الارض من كتر ماهي بتضحك..
مرام:لالا ما ينفعش ياابتهال...خليها تقول..
ابتهال: هسبني منكم..اهم حاجه برستيجي..
شهد زاحت ايد ابتهال واخدت نفس جامد: اه يا بطني..مرام اليوم ده كنا طالعين من المكتبه وعند اول درجه جات بتنزل الاخت وهوب نزلت ع وشها ..تخيلي كان السلم زحمه وفجأه اتخضو الناس ميعرفوش الكائن الطاير ده جالهم فجأه منين هههههه
مرام ماسكه بطنها: هههههه ابتهال هههههههه لالالا مش معقوله الله يكسفك يا غراب هههه
ابتهال كتفت ايديها ومدت البوز شبرين: محدش فيكم يكلمني انا زعلت منكم وخصوصا انتي يا فقريه..
شهد: ههههه والله كل واحده قالت فضايحها اشمعني انتي..
ابتهال: لان انا غير..
مرام افتكرت حاجه: بنات هروح اجيب لكم حاجه تجنن"وطلعت"
شهد صرخت عشان تسمعها: شكلها حاجه حلوة كتري منها ههههه..
ابتهال نغزتها: انا هوريك يافهيمه
شهد: ابتهال عادي مالك بنضحك.
ابتهال: بلاش فضايحي تطلع قدام علاء حبيب ألبي..
شهد: والله بقي حبيب ألبك...اسكتي كدا
جات مرام وهي مخبيه حاجه ورا ظهرها..
شهد: ايه الي معاك؟؟
ابتهال: ايه؟؟
مرام: حزر فزر..؟؟
شهد: انا اتوقع حاجه حلوه كيكه مثلا..
ابتهال: اعتقد كدا هديه لي..
مرام :لا...."وقدمت ايدها وحطت الشيء على الارض"
شهد وابتهال شافوا اللي حطته وصرخوا الاتنين بصوت عااااااااااالي..
ابتهال: فـ....فـــ.....فاااااااااااااااااار.
شهد نطت فوق الكنب: لالا....حرام مرام ابعديه..
مشي الفار ناحية ابتهال..وابتهال تنطت وتصوت بشكل خيالي
صرخت بهستريا وطلعت من الباب وهي مش شايفه قدامها لحد ما وصلت للجنينه..
ابتهال بتجري وتصرخ:مرام كفايه واعقلي..
مرام تضحك: والله مايخوف"ومسكته وطلعت عند ابتهال"..تعالي المسيه والله ما بيعض..
ابتهال ترجع لورا: لالا مرام ربنا يخليك ابعديه مش عايزه الميه خديه بعيد
مرام تقرب منها: انتي جربي؟؟
صرخت ابتهال وكأنها هزت الكره الارضيه من صرختها...
شوي انفتح باب الشارع ودخل منه شخص باين عليه علامات الخوف وصرخ.
....:فيه ايه مالكم..؟؟.....ليه الصريخ...؟؟
الاتنين بصوو بعلامات دهشه..
مرام دهشه على خوف...اما ابتهال فهي دهشه مع اعجاب..
مرام دفعته: اطلع اطلع فيه بنات..
علاء لسه ماانتبهش لابتهال وبصلها ولف بسرعه..
علاء بتحذير:مره تانيه ان سمعت صريخكم والله هدخل أقطع لسانكم مفهوم
مرام كلتمه الضحكه بالعافيه: مفيش حاجه كل ده عشان فار..انت اطلع بس.."وقفلت الباب"
ابتهال ما زالت في حالة الصدمه" ده علاء ومن قريب.. حلووووووه..المهم شافني وانا شيك...وابتسمت"
مرام وهي رافعه حاجب: اخت ابتهال...اخت ابتهال..
ابتهال: خير..
مرام: ندخل يالا...
ابتهال بصت للي في ايد مرام: ياربي مرام بليز ابعدي البتاع ده عني.. زقتها
وراحت جري عند شهد
