السجينة رقم 327 | مكتملة

الفصل السادس

- بعد مرور شهر،،..
نزلات طائرة على الأرضي الفرنسية، مدة وتمات ميلاء خارجة بفستان طويل خفيف فالأسود، شعرها مطلوق على كلا كتفيها، ايديها اليسرى مهزوزة بواسطة حامل اليد ومتبث الكتف فالأزرق، بعد الإجراءات القانونية الروتينة خرجات من المطار،،.
خدات طاكسي عطاتو العنوان وتوجهو للمنزل، مدة طريق ووصلو خلصاتو ونزلات لمحات سيارتها مركونة فجنب الشارع، جبدات المفاتيح وفتحات الباب وهي مشتاقة أنها تشوف ميسم بعد غياب،.

غلقات الباب من وراها بهدوء، دخلات وهي كتقلب على ميسم بعينيها، كان سكون رهيب فالمنزل ظنات أنها غاتكون ناعسة لأنه يوم الأحد، طلعات للطابق العلوي وهي مبتسمة رغم غرابة الوضع،.
فتحات باب غرفة ميسم بهدوء ولكن كان فارغ والفوضى كتعم أرجاء الغرفة، تسلسل الخوف لقلبها وسرعات فخطواتها وتوجهات لغرفتها ونفس الشيء حس ميسم مكاينش،،.

نزلات مرة ثانية للأسفل كتتصل بها،،.
سمعات صوت رنين هاتفها، طلعات مرة ثانية كتبع صوت الهاتف دخلات لغرفتها وبدات كتقلب وسط السرير تالقاتو تحت من المخدة،. لاحتو بعصبية وجلسات شادة راسها بخوف وغير الأفكار السلبية لي طاحو على بالها، ممكن وقع ليها حادث ولا ممكن يكون وقع معاها مشكل ممكن وممكن، وقائمة الفرضيات السلبية مابغاتش تسالي،،.

ميلاء: (وقفات كتبعد الشعر بايديها الصحيحة) آووف تهدني أميلا تهدني ماواقع والو ،، غاتكون خرجات دير سبور مثلا ولا تفطر على برا ،، ماشي ضروري تكون واقعة ليها شي حاجة ماشي ضروري تهدني تهدني أميلا ،،

نزلات للأسفل وجلسات على الفوطوي ورجليها كتحركهم بتوتر، مرت ساعة ساعتين ولا خبر على ميسم، ساعة وساعة وساعتين والوقت كيمر ببطء قاتل، دورات عينيها للنافذة وشافت أن الشمس قربات تغرب وقلبها كيضرب بالجهد وتزير عليها، الدموع تجمعو فبؤرتيها كيتلئلؤ،..

ميلاء: فيينك أميسم فينك فينك ،، (وقفات) مانقدرش نبقى جالسة ماكاندير والو ،، مايمكنش ،،

وقفات وطلعات هزات تجاكيط من غرفتها لاحتها على كتافها، هزات مفاتيح السيارة ومفاتيح المنزل، وهي كتمر من جنب المطبخ وقفات للحظة كتستوعب آشنو لمحات، رجعات ببطء ودخلات وهي كتشوف سكين مرمي على الأرض بجنب الثلاجة، قربات كثر ونزلات مقفزة كاتشوف السكين فيه شوية ديال الدم، وقفات وخدات منديل هزات بيه السكين 🔪 كاتفحصو بعينيها، دورات عينيها فأرجاء المطبخ بتمعن، قربات من طابلة محطوطة فالجنب ونزلات كاتشوف بقعة دم فزاوية، دخلات للحمام وقلبات على علبة أعواد قطن الأذنين جبدات واحد ورجعات طلعات لغرفتها خدات واحد العلبة فيها بعض المواد الكيميائية، خدات لي بغات ونزلات للمطبخ مرة ثانية خدات عينة من الدم لي فالزاوية، وقفات كتحاول تحلل آش وقع فغيابها، رجعات كاتشوف فالسكين لي فيه دم لونو داكن وناشف شوية يعني أنه مر وقت مابين يوم ويومين على الأكثر،،..