كرونيك💕 #العشق_الأسود💕

08

الحلقة 8
واقف يوكل في حصانو في سكر ...طلع عينيه للبلكون يشوف فيها شادة تلفون تخربش ... شعرها طاير بنسمه ... كل شوي ترميه لتالي  ...  بقى مسهم فيها شوي ... طاحلو طابع سكر هبط يجيب فيه ...  يسمع في بناي وراه. ..
_ شوف ها اللقشت الحلقوم ااااااا يومه وخيتي تتزلط على شبع ... تهبط تمسح جواجي .... ( مطلع راسو يتفرج في مهرة )...
_ ( ماحسش بروحو كان شادو معلقو الفوق ) ...  زيد حل فمك ... وينه الحلقوم تو ... اه وينو ... حل رب فمك ... تكحل في عينيك مو لاباس ... نعميك تو ...نعميك ...
_ ( مغصور وجهو ازرق )...سامحني يا سيدي معادش نعاودها و الله .... ( سيبو جاء كدس اللوطة )
_ رجب ....رجحججججب ...( عاض على لسانو متشنج من غير ما يعرف سبب)... سي سخط وينك ....
_ نعم سيدي هاني هنا ..( وقف يستنى فيه يتكلم )..
_ هز عليا ها الهامل من هنا ... قول لرجال يربوه باش معادش يكحل عينو...و كيف يعود مروح اعطيه خلاصو معادش نحب نشوف رب منظرو هنا ....( شاد تلفون يطلب فيها و هي تعلق )
دز الباب و دخللها ...جبدها من مرفقها ... بقت تشوفلو عينيها مدمعة ... وقف عينيه فيها ... حواجبو تعقدت ... عروقو مكبوسة ...
_ كلب انا ... نطلب فيك علاش تعلق على ربي  .. اه ... ماكش مستنظفه تهز تلفون ... نعطيك كف نقلبلك فيه منظرك ... اه ...( يتهدد عليها ...طلع ايدو و هي غطت وجهها بيديها ...سخفاتو رماها فوق سرير )...
_ زايد حيوان و جبري بسيكوبات ... ياخي اش تحس كيف تعذب ناس الي دايرين بيك اه ... تحس روحك راجل كيف تمد ايدك على مرا ... تحس روحك واو حاجة كبيرة ... ( مطلعة راسها تشوفلو بحقد ما يعرف قرارو كان ربي العالمين )... تعرف مزلت تحاول تمد ايدك عليا ...
_ (هي مزالت تتكلم و هو خطفها لوالها ايدها )... اش باش تعمل تره قلي ... اش باش تعمل ... انا راجل بسيف عليك فهمت و لا ...ومن اليوم جرب سعدك صيح و علي صوتك عليا تو نوريك الوجه ثاني ...
_ سيبني ...سيب ...صار انت مزال عندك وجه اوسخ من الوجه  الي قدامي ... سيب قتلك ...( دزها ...بقت تشوف في ايدها ... تحرك فيها بشوي و تمتم )
_ مزال ما عندك ريت  مني ...( رفن عليها الباب و خرج )
بقت تمشي و تجي في البيت ... لازم تلقى حل ...لازم تهرب ...مستحيل تبقى هي وياه تحت سقف واحد البيبان كل تسكرو في وجهها  ... جاء على بالها عبد واحد  ممكن ينقذها ...نزار  ...
_(هزت تلفون دخلت لتوالات ...) الووو ...نزار ... ( دموعها سبقو صوتها )
_مهرة وينك بلاهي ...خمسة ايام نكلم فيك و نبعث في مسجات ... شبيك ...لاباس ...
_ منيش لاباس يا نزار ... منيش لاباس حتى طرف  ...صارو برشا حكايات خايبة ... نحب نشوفك ... ( من لبكى صوتها تقطع )..
_ باهي ...باهي غدوة صباح نتقابلو في بلاصتنا اوك ( علق تلفون وهي وقفت تطش في وجهها بلماء بالك تبرد شوي )
تسمع في الباب يدق ... خرجت حلت الباب ...لقتها طفلة محلاها ... باين عمرها بين عشرة و لا تسع سنين ...
_ عسلامة يا تحفونه ..( مدت ايدها تلعب على شعرها )... شكونك انت ...اش اسمك ...
_ عسلامة ...انا صفاء ...انت طاطا لعروسة ؟_( قالت في قلبها ايييه قول المرحومه المشومة... المنحوسه ...نجي كل شي كان عروسه بنيتي  ) .. انا مهرة ...ايا ادخل شبيك في الباب ...
_ ( عملتلها لا براسها )قالك عم ايهم ايجا تعشى ...طاولة حاضرة و العايلة تستنى فيك ...( صكرت الباب و خرجت )
هبطت لقت ايهم على راس طاولة بجنبو عمو ...شاورلها باش تقعد جنبو ...جبدت الكرسي و قعدت ... مرت عمو تقحرلها من تحت لتحت ... بناتها يبانو طيبين اول ما شافوها تبسمو في وجهها ... اما كنتها باينه أسم من حماتها ...شر يبخ من وجهها ... مركزتش برشا معاهم ...ديجا هي مش مطالبة تعرفهم خاطر بينها و بين روحها مش ناوية تبقى في ها دار ...