كرونيك💕 #العشق_الأسود💕

61

الحلقة 61
دمعتها ما كفتش ... وائل واقف يتفرج عليها قلبو عاصر عليه ...
_ مهرة عيش عشيري تعملش في روحك هكة ... شنوة صااار ياخي ... اش عملك ايهم ...( يحاول يفهم لحكاية )
_ ايهم ذبحني بسكين حافي ... ايهم خطب قدامي و رقد معاها قدامي ... قدامي يا وائل سمعتهم ..صوتهم مش حاب يخرج من وذني ( غطت وذنيها )...مش حاب يخرج يا وائل حاسةروحي بش نهبل   ... باش نموووت يا وائل باش نمووووت روحي فلعدة تتقطع... ( حملها وائل خباها في حضنو )... حبيت نفرحو حبيت نقلو قداش نحبو كنت طايرة في سماء بلفرحة  و هو سخطتي لسابع ارض   ما خلنيش لا  نشرحلو لا نفهمو  ...علاش ... لو سمعت اش قالي ..لو سمعت كلامو ... كنت حابة نموت و لا نسمع الي قالو ... باعني برخيص ...باعني ...كان قاسي و اناني برشا يا وائل ... اناني برشاااااااا( تتشغنف حتى نفس تقطع عليها وولت تكح )
_ باهي اسكت عيش اختي بالله يزي حممتلي قلبي ...و انت اش مهزك عند جد بوه الكلب من اصلو ....(  يشوفلها بإستغراب)
_ كنت ماشية باش نقلو  ( حطت ايدها على كرشها ) الي انا حبلة ... حبللللللة ...
_ باهي هدي روحك بصراحة انتم زوز عملتو عمايل في بعضكم ما يعملهاش ليهودي في المسلم ... ( جبد غطاها )...ارقد و صباح رباح ...
بقت مسهمة في الحتى شي ... حست راسها باش يطرشق ...كل ما تتذكر لحكاية تزيد تبكي ... ايهم حقرها من اليوم باش يتحول لعدو لا يجي معاه لا رحمة لا شفقة ... فجأة قامت لبست بوتها و الكابوط و خرجت تجري ...شلق بيها وائل لحقها يجري ...وقفت كرهبتها قدام دار العجز ... العساس محبش يحللها الباب ...رجعت للكرهبة و دهمت على البوابة طيحتها ... دخلت لبيت بية الي شافت مهرة كانت ممدودة وقفت  من غير ما تشعر ...
_ بية ...بية ...بيييييية قلي اش نعمل فيك ... نقتلك ...اما موتك مش باش يشفيلي غليلي ...لازمك خاجة ابشع و اكبر من الموت برشا ... اش ذنبي ...حبيت نعيش كيف ناس ...حبيت ننظاف ...استكثرتي النظافة عليا ... جبدت الفرد ... خلطو فرامل و وائل يحظن فيها و يجبد فيها و هي تتصكك
_ هاذي الي عطاتو سكين الي غدرني  بيها هاذي ...هاذي الي قاتلو برا طعنها في اكثر بلاصة توجع ...سيبننننننننننني ( صياحها قلب الدار )...
_ باش يجيبو الحاكم امشي ....( بقى يكركر فيها لبرة و هي كنها تزرعت في بلاصتها مش منجم يخرجها..رماها في الكرهبة  )..هبلت انت ...تحبي تجيب ولدك في الحبس و لا شنية ...
_ اااه راهم ...حرقوني و شولي كبدتي يا وائل وخي راهم سلخولي جلدي و عين تشوف ...يا ربي ...ياااااا ربي ....اسمع الي باش نقولو و يتنفذ بلحرف ... غدوة دبرلي فرملية من دار العجز ...تعطيها دوا اعصاب كل يوم ...نحب بعد شهر نلقاها مع لمهبلة ...فهمتني ولا ... من اليوم حتى دينار ممنوع يتعطالها ... ( تتهز و تتنفض)...تو نوريكم كل مهرة اش تنجم تعمل ...تو نوريكم ...
_( شعلت سيقارو فكهولها وائل )هبلت راك حبلة ...ياخي في بالك باش تعمل عملة بغشك عمرك كل يا جبل ما يهزك ريح ...تخطط على هادي و توصل للي تحبو اليوم ناوية تحرق روحك و ناس الي دايرين بيك على واحد ما يسواش زوز فرنك ...
_ و شكون قالك باش نخليها غدوة نمشي نعمل اجهاض...غدوة نتخلص من اي حاجة تربطني بيه اما وقتها صدقني لا نرحمو ...ما نعصر قلبو بيديا لين يطب ساكت ( ضيقت عينيها و ترمت لتالي  )
_هبلتي لا هبلتي ...باش تقتلي روح الي ربي هدهالك ...و الله يا تعمليها اقسم بالله وجهي هاذا لا عاد تشوفو ...( اعصابو تشنجت منها )
_ لشكون باش نجيبها ..باش تتعذب بركة ...( شيعت راسها )..
_ جيبها لروحك ...داويك و تسكرلك ها جراح المفتوحة ... تغسلك من داخل و تعلمك كيفاش تعيش ...( كلامو اثر فيها لكن مظهرتش)
_ اذا كلمك رد بالك تحكيلو على بلاصتي رد بالك ...