كرونيك💕 #العشق_الأسود💕

12

الحلقة 12
كانت واقفة مصدومه ... اول مرة تحس بلحماية ...بالامان ... اول مرة تحس انها مش خايفة منو ... حتى لو كانت مجرد كلمات ...دفتها من داخل ... عيونها دمعت ... طول عمرها تضرب على حقها وحدها ...حتى بوها عمرو ما دافع عليها ... كانت عايشة غريبة عليه ...اما اليوم حاسة انها تنتمي لأيهم  بطريقة مخيفة ... ماحست كان بإيدو شادة يدها ...طلعها للبيت ...وقفت قدامو مسهمة ...
_ معادش تخالطهم و الي حاجتك بيه يجيك لإيدك ... ( جاء باش يسكر الباب حس بيها وراه سكت و بقى واقف )
_ عيشك خاطر خذيتلي حقي بارك الله و فيك ...(تشوفلو بنظرة بريئة كنها بنوته صغيرة ) ...
_ يمشيش في بالك حبا فيك ( ضحكة صفرة المعهودة على فمو )... الي عملتو خاطر نكره نجوى كهو و ما نحملهاش ...كيفك هكة  ...لذلك ما تصدقش روحك ...
_ صبر يا ربي متنجمش تكون طبيعي و عادي حتى درج ..لازم تبخ سمك في وجهي و تفكرني قداكش انسان بارد و قاسي ... اوووف ...( دارت تنفخ مكتفة  ايديها )
_ كف على وجهك ... تنفخ في وجهي... مهرة اضبط روحك في بالك الخنثى الي لقيتك معاه و الله ...
_ والله شنوة ...اه شنوة نهار كل و انت تتحلف و تعاود ... تهنى مفماش حاجة ابشع و افضع تعملها فيا اكثر ملي عاملو ...
حقرها ترمى على الفرش باش يرقد ...
_ ماكش ناوي تبطل الغرض و تخليني نرقد على سرير ظهري وجعني من نومه لوطة ...( شادة لمخدة وواقفة )
_ لا ...وكان عينك سرير قدامك ايجا ارقد ...( نحى شلاكة و تغطى )

حقراتو فرشت كوفيرتا و رقدت ... او بالأحرى عملت روحها رقادة تفكرت نهارت تعدى
هزها من دارهم ... كانت تترجى فيه يسيبها ... يكرر فيها كنو خذا بقرة جديدة  لا حب يحس وجيعتها و لا يفهم ...  رماها في البيت و تعدى كيف الوحش بضبط ...
تلمت على لغطاء و بقت تشهق بلبكى ... حتى هزها نوم ...
نجوى لحقت راجلها تجري في مخها موال يعلم بيه كان ربي ...
_ الطاهر ولد خوك من لول  راكب و مدلدل رجليه و تو ركب مرتو ... انت الشايب تمشي بكلام شنتي ... ( عرفها باش تبدى موال العادة حسب روحو راقد  )
_( جبدت عليه كوفيرتا )عارفاتك مكش راقد ...يا وخياني اعطيني من برودت دمك ... كفاش عاطيك قلبك وجايك نوم ...
_( قعد بلقاعدة حط ايدو على خدو  )..تفضلي ...اش تحبي ... خرجي ها الحمصة الي خانقاتك ...
_  مرتو لازم تطلع للي خلقها ... لازم نلقولها تصريفة ... ( قعدت جنبو تفرك في ايديها )
_ جرب يا نجوى خلي ايهم يسلخك و يسلخني هو من عند ربي مش طايق حتى ريحتنا و انت قوليلي... هاك سكين ...اذبح ...( جبد شعل سيقارو و تكى على سرير )
_ هي القى حل للوضع ... تحبنا نبقو معفسين علينا ..مالنا و رزقنا في ايدو ...و عينينا تتفرج ...(وقفتلو حاطة ايديها في مسلانها )
_ شكون حطنا فيه ها الوضع ... شكوووون مش انت بقيتي كيف الوسواس الخناس لين اعملت الي في راسك ...  و في لخر اعطى الختم لأيهم ... هكة و لا .. تو اشرب و سيبني خلي نرقد ... ( طفى سيقارو و عاود جبد تغطى )..
_ مالة اي حاجة خايبة حطها في ظهر نجوى ...( عاودت جبدت لغطى )...باهي اسمعني منقتلوهاش ...اما نخلوها تحت رجلينا كيف الكلبة ...
_ نجوى باش تخليني نرقد هاةليلة كلبة و لا نهج و نخليهالك واسعة ..( حوجبو تعقدو و فد _ مرقد ...مرقد و خليني تو انا ندبر راسي عارفاتك ماكش باش تفلح فيةحاجة كيفك كيف ولدك ...( خرجت تتمشى و تخطط مطلعة راسها لبيت مهرة ...مضيقة عينيها و تضحك )