كرونيك💕 #العشق_الأسود💕

33

الحلقة 33
رجب يلقى  الباب محلول ... لوج عليها في دار ملقاهاش ...دق باب توالات ...حد ما جاوبو ... خرج عمل دورة بجنب دار و وراها شي ...كنها فص ملح و ذاب
_ سي ايهم ( وجهو مخطوف خايف من ردت فعلو )...المدام مش موجودة ...
_ اش معناها مش موجودة ... تكلم ... حل *** فمك ( صوتو يرعش من لعصب)... قتلك تكلم شبي *** ساكت...وين مشت ...
_ لوجت الداخل و برا مفماش ( مزال مكملش علق عليه )
_ برا  اسأل الجيران شوف بالك حد شافها و كلم رجال كل يجو يلوجو معاك متخلي حد نحب ناس كل تلوج و كان فمة حاجة قلي ( علق تلفون عينيه تقدح)
ركب في الكرهبة يجري وصل لشركة شد فران لين لعجالي دخنو خلاها محلولة ... دز الباب على عمو ... في ومية كان ملصقو في الحيط و حاطط الفرد في جبهتو ...
_ ( عروق ايدو مكبوسة )...باش نسأل مرة وحدة ...وين مهرة ... تكلم حل **** وينها ؟!
_ تهز في فرد على عمك يا ايهم هاذي اخرتها ...( عينيه مشركة يشوف للفرد خايف من هبال ايهم )...
_ عمي متخليش اعصابي تسيب اكثر من هكة و الله نهبطك جيفة و ما علباليش بيك ... تكلم ...وينهي ... ( لز الفرد لين طبع في جبينو )... الورقة كنت انت و لا سميح تنجمو تعملوها ...كنت قاصد تبعدني على دار ... اخر مرة و بعدها ورحمت امي لا نرحمك وين مهرة؟؟ ( حط صبعو على زناد  )
_ ايهم هبلت ( دخل سميح يجري دزو لتالي )... بعد عليه ... شفما علاش تتعاركو ...
الطاهر تخبى ورا ولدو و ايهم قحرلهم و خرج ينهج ... مشى لدارهم سأل امها ... لقاها هي بيدها في حالة خاطر عندها اكثر من جمعتين ما تعرف عليها شي ... رجع كلم رجب كيف كيف ... حس راسو وجعو ...وينهي ..اش صارلها مية سؤال في مخو و مش لاقيلهم حتى اجابة ...
دنيا تمست ..رجع لعين دراهم ... هو واقف يحكي مع رجب ...نداه عساس الغابة ...
_ اسي ايهم ... متفاضي شوي ..(هبط من فوق لبهيم و ربطو في شجرة )
_ عم النجعي منيش متفاضي تو بعد نجيك ( شاورلو بإيدو مغزل مش حامل روحو )
_ كنت باش نقلك شفت لمرا متاعك في كرهبة الحاكم اليوم و انا سارح بلغنم ... لاباس ياخي  ( واقف متعكز على لعصى )
_ ( تنطر جاء قدامو ) اليوم صباح شفتها ... متأكد ...
_ أليعتي باش تضيع عليا ... هي متوكد ...أهي شفتها بعينيا هضوما ...ربي يطمنك عليها وليدي ( ركب على لبهيمة و قصد ربي )