كرونيك💕 #العشق_الأسود💕

37

الحلقة37
وهي في حضنو كانت طالعة ... طايرة وصلت لسما السابعة ...  نظرتو كحلت عينها و ريحتو عطرت  روحها ...حاسة روحها  سالت من بين  شفايفو و تشكلت مرا تنض انوثة ...تشبثت فيه اكثر و زادت تداخلت شفايفها بشفايفو ... كنها تقلو انا محتاجاتك ...رد بالك تتخلى عني ... شد فيا مهما قتلك ابعد ... رد بالك تصدقني كيف نصدك ... انا ننتميلك ..انا ملكك حتى كان مكش حاسس بنار الي تاكل فيا  ...
ايهم كان كلو فيها بروحو و انفاسو و قلبو و عقلو ... بكل كيانو فيها ... حاسسها ... حاسسها علخر ... كان يقلها انت ملكي ...حتى حد ما عنده  الحق حتى يقربلك ... يمكن مكش عارفة لكن انت ملكي ... انا نعشقك و نعبدك لكن انت مكش عارفة اش تسوي عندي ... انا عاشقك و عاشق كل تفاصيلك ... ساكنه مخي ... كلي مسلم ليك ... انت في عينيا انا ...انعكاسي ... انت  لحن استثنائي حاجة  هكة تشبه لجنه ... سحرتني و تعلقت بيك لين تفنيت فيك ... اكرهني ... امقتني ... اما انا مستحيل نسمحلك تكون لغيري...
سيبها ... هبطت من حلمة وردية  للواقع المر  ... حلت عينيها بشوية  ...حواسها كانت راضخة لتأثيرو عليها ... بقت تشوف لعينيه بالك تلقى روحها فيهم ... تلوج على حروف تنظمهم على كلام تحكيه  ... اي تعبير اي حاجة تحسسها انها مسيطرة على روحها ... لكن وين ... كلو ضايع هارب ..متخبي عند ايهم ...
_ بدل دبشك ... نستنى فيك البرة ... ما تبطاش سمعت و لا ( نحنح و رجع لوعيو ... خرج مخلي على وجها تبسيمة ضوت دنيا )
تبدل في دبشها جت عينها على اسم امها  ... برشا ناس في بالهم موشمة في كتفها  مهرة لكن هي زهرة ... وجها تقلب و الشيخة طارت ...رجعت تبلع في الحقد و تعدي بلكره ...
_(ركبت بجنب ايهم دارتلو ) شوف الي صار الفوق كل ما عندو حتى اهمية مجرد لحظة ضعف لا اكثر و لا اقل ... رد بالك تتخيل حاجة اخرى ...خاطر الي يجمعني بيك يجي كل شي كان حب ...انت عمرك لا مثلت  حاجة في حياتي و مستحيل تمثل غير واحد اناني دمرلي حياتي ... ايهم ببساطة انت انسان ما تتحبش ...انت انسان تتكره اكا هو ...
ايهم وجهو تقلب حس بمرارة ... كلامها وجعو ...وجعو برشا ... لدرجة انو عجز حتى باش يجاوبها
دخلت خطوتها نار و دمار ... داخلة المرة هاذي مش مكسورة ...بلعكس اقوى و اعند مقررة تخلص حقها من كل واحد اذاها ....كانت نجوى تترشف في القهوى شرقت ... ..
_( مدتلها كاس الماء ) ... اللطف ..اللطف ان شاء الله فلي يكرهك ... يا ...يا حماتي ...( نجوى تشوف لمهرة عينيها مشركة ) .. شبيك مستغربة ...مكش في مقام حماتي ...رد بالك على روحك عاد مزال حاجتنا بيك ... تمشيش نهار تشربي قهوة تتسممي و لا تكوني راقدة تتخنقي ...ولا لا قدر الله يجيك واحد يغزك بسكين على غفلة  يجيب اجلك ... ( قعدت و حطت الرجل على رجل )
_ اااا ... ممم ... شش..( نجوى لسانها تلكون و ولت تمهمه)..
_ شبيك نجوى القط كلى لسانك ... شوي شوي ... احكي تره ههههه ... ( تضحك عليها  )  الدار ولت فيها برشا حاجات قديمه ..  باش نبدل شوي في ديكور ... و لقديم باش نخرجو ننفضو و نعاود نكبسو ... و نلوحو في زبلة ...
في لخر انا مرت الكل في الكل و  نعمل الي نحب ...دار داري ... مش هكة نجوى ( تقحرلها )
_ ( نجوى وقفت ) شنية يا لفعة ... طلعلك قرون وليت ترمي في المعنى ... في بالك باش نخاف منك ... انت كان الحس تبعبع ...اما انا نفعل ... فهمت ولا ... كيف ما خليتك مدمنه نجم نعمل برشا حاجات اخرى منغلبش ...
_ ههههه لقرون عندي من لول غير انت عمية ...وانا ننصحك خاف خاطر منيش باش نعديلك الي عملتو بساهل و الله ما نرجعهولك ثاني و مثلث ...و الله يا نجوى ما نشويك و نخرج فيك الحي و الميت ...كان حبيت راني حكيت الايهم ..امة اش باش يعمل يضربك رصاصة في قلبك ...لا ..لا ..منحبلكش موته ساهلة هكة ... موته هكة ما تشفيش غليلي منك ... انا نعرف ندبرك  خاطر لدغتي و لقبر ...انت لعبتي لعبتك ...تو دوري .. حظر روحك ...خاطرك مكش باش تعرف الضربة منين باش تجيك ...( خلتها وطلعت لبيتها ...)
مهرة وقفت تتفرج من شباك ... الكورة عندها ... سوسن و سماح اضعف حلقتين  تبدى بيهم ...