كرونيك💕 #العشق_الأسود💕

18

الحلقة 18
قامت صباح خلوقها في خشمها ... دخلت للكوجينه لقت زينب تحظر في لفطور قالتلها تعمللها   قهوة و تجيبهالها لجنينه ...
دخلت نجوى وراها قحرتلها و خرجت معينهاش تحتك معاها و زيد كلام ايهم البارح مزال يرن في وذنها ... هبطت لينات على شمس و قعدت تتنفس بشوية ...
حطت زينب الفنجال و نجوى تراقب فيها من بعيد على وجهها ضحكة مسمامة ...
_ اشرب يا مهرة اشرب ... نهار و لا ثنين و تولي تبوس في ايدي عليه الفنجال هذاكة  هههه و الله ما نذلك و نخلي كلاب شوارع خير منك ( تعدت تضحك )
_( دخل سميح ولدها و مرتو وراه )...غريبة امي تضحك من عند ها صباح ...زعمة اش صار في دنيا ...وين هزيتي بوزك الي ديمة ممدود شبرين ...
_ ( تلفتت  وراها تقحرلو )...لم ثعابينك ها صباح ... منيش حابة نفسد جوي ... خليك انت هكاكة موطي راسك الايهم لين يجي نهار الي يقصلك فيه راسك ... زايد حد ماهو حاسس في ها دار بجمرة كان انا ...
_ نهار من نهارات حقدك و سمك باش يحرقك و يقتلك قول سميح ما قلهاش ... باش ضرك الراجل ... الي تطلبي تلقيه اما انت شي ما يعبي عينك ...( جبد صب قهوة و شعل سيقارو )
_ امك كلامها صحيح ... كان عاطي ربي راك انت و بوك الآمرين الناهيين في ها دار ... ( شهيرة ديمة تحت جناح نجوى )
_ انت سكر فمك و ما تدخلش ...الواحد تسد ( حدف مغرفة و قام )...زايد الجيعان جيعان .. تراب صحرة ما يشبعوش
_(قامت شهيرة لصقت جنب نجوى تسقصي..) اش عندك فيه ... قولي حطتلها في القهوة و لا ...
(غمزتها و شاورتلها على مهرة ... )..ساي شرباتها ... ووصيت زينب تحطلها كل ما تطلب قهوة ...
_ تعرف يا حماتي ها الفكرة ما تخطرش في بال ابليس بصراحة حابة نقوم صفقلك على مخك ( تترشف في القهوة )..
تمرفقت نجوى تشوف لمهرة و تلعب بصوابعها على طاولة ...