كرونيك💕 #العشق_الأسود💕

40

الحلقة 40 
_(رجب كان واقف ...شدت فران قدامو و حلتلو الباب ...) اركب ...
_ ( ركب و هو مستغرب )... وين مدام ...
_ هزني لايهم و رد بالك تقول ما نعرفش ... متأكدة انك عارف هو وين ... انطق يا رجب راني عفاريت دنيا كل تتنطط قدامي ....
وصلت دقت الباب قريب تكسرو ... حلتلها الباب وحدة لابسة من غير هدوم ...دزتها و دخلت لوحت صاك و مشت تلوج من بيت لبيت ... لقاتو مبطوح راقد مش حاسس بدنيا ... زادت شعلت قريب باش يخرج دخان من وذنيها ... تنطرت لكوجينه جابت دبوزة ماء قلاص و صبتها عليه ... قام يفرفت شي من الفجعة و شي من البرودة ...
_ ( نقز جاء قدامها )...شبي ***** ... هبلت ...هبلت في مخك ... اش مجيبك هنا   ( عينيه تقدح نار ...بطبيعتو مزال متغشش من البارح )...
_ اي هبلت ( دز فيه و صيح )... اش تعمل هنا ...اه ...تكلم ... متنجمش تنضاف ...تنجمش تكون عبد لو مرة في حياتك ... ديمة تحن للوسخ ( عينيها قريب تخرج )
_ ااااه صار انت المدام ( دخلت صاحبتو على الخط )
_ اي انا المدام و انت زعما تتطلعش  ق**** متاعو  ( من غير لا احم و لا دستور بركت مهرة فوق طفلة ) ... فرحانه بروحك راقدة مع واحد معرس يا مسبوعة يا عرة النساء  ... ( هابطة عليها بلكف و ايهم يخبي في ضحكة بسيف ).. تحب تعرف المدام هاي المدام ... عجباتك المدام ولا لا يا ملهط  ( نتفتلها شعرها  ايهم يجبد فيها و هي ترافس و تضرب ...مزال قلبها شاعل )
_ (جبدها للباب ... دزها البرة و رمالها صاكها ) اقلب وجهك روح يزي من لفضايح ...
_ وانت شفت فضايح ...
دارت للكرهبة خرجت دبوزة ايسونس كبتها في كرهبتو شعلت فيها نار و مشت   ... ما لبس وخرج كان الكرهبة ولت فحمة ... حط ايدو على راسو و بقى يكفر  و يسب فيها ... جاء راجع لدار صاحبتو رمتلو دبشو و سكرت في وجهو  الباب ...شد تكسي و لحقها ...
دخلت لدار تتهز ووتتنفض ... عروقها باينه من غزول ... تمشي و تجي مخها باش يطرشق حابة تنحي تصويرتو من مخها مش منجمة ... دز الباب و دخل
_ اش تحب ...اه ...اش تحب **** ...اش تحب ...فهمني ...شنوا ها شو الي عملتو ...اش تحب تثبت روحك...اه ( جبدها من ايدها وجعها ) ... وين تحب توصل بتفوريخ متاعك ...
_ مش من حقك تعرف حتى وحدة بخلافي ... مش من حقك ...مش انت الي رديتني مرتك ...مالة زادة من حقي نتصرف معاك كراجلي ... (تطلع و تهبط قدامو ) كيفاش امس تقربلي و تحسسني بيك و في ليل تبات مع وحدة عاهرة ..شبيك بارد وجه لدرجة ...
_ مش انت الي قتلي انها لحظة ضعف ..مس انت الي قلتي ما يجمعني بيك كان الكره ... صاحلي بالك غالط ... و لا انت ولى عندك انفصام ... ( جبدها ليه حتى ولت شفايفو تلمس في رقبتها )... ثبت روحك مهرة ... انت تحبني و لا تكرهني ... انت حاجتك بيا و لا لا ...تكلم ...شبيك ساكته ...
_ ( سرطت ريقها بسيف  ).. ططط...طول ما انا مرتك لازمك تحترمني ... بسياسة بلغصب لازمك تحترمني ...و كان نشوفك مع وحدة اخرى يا ايهم مش نشعل الكرهبة ...نشعل دنيتك الكل فهمت و لا ( جبداتو من الكول متاعو )
_ نرقد مع الي نحب و نعمل الي نحب و كان عندك ريح ذر عشرة ...مش ايهم الرصاوي الي يتهدد  ( خرج و خلاها ترعش بكلها )
هبطت تبكي على سعدها كانت تتمنى تقلو نحبك على طول صوتها ... لكن ديمة فما حاجة شدتها و كبتتها ... يمكن خوفها من  روحها  ...و لا خوفها من الكذبة لكبيرة الي عيشتها ...