كرونيك💕 #العشق_الأسود💕

63&64

الحلقة 63 &64
(بعد ثلاثة شهور )
(دخل وائل يجري) مهرة اجري ... مصيبة ... مصيييببة ...
_ ( لوحم فسدلها خلاقها ) نعم ان شاء الله خير ... لمصايب ديمة في جرتي ...
_ ايهم ... ( واقف ينهج)
_ شبيه خراااا...شبيه زفت ... اش زاد عمل ...كل نهار وهو عامل مشكلة في الخدمة ...هاو  مش عاجبو لقماش ...هاو يحب يبدل الخدامة ...شبيه تو ... يحبني انا نهبط نقعد على المكينه ...( تضرب في ايدها على طاولة )
_ اش خص ... عمل حاجة ما اعظم ...خرج كولكسيون جديدة لبوتيكات منال ... كلمني صاحبي قالي سلعتها حضرت و جماعة المركيتينغ عندها يدورو بلكتالوڨ....( مدلها كاتلوق )...
_ اش تحكي ... اااااااش تحكي ... لا هاذا هبل ... انا سكتتلو برشا ... يعني هو كان يعطل فينا باش هي تكمل قبلنا ... ( هزت ساكها و قامت )
_ وين ماشية و مخليتني واحل في ها لمصيبة ( لحقها )
_ لا مصيبة لا شي حل وذنيك وائل تو تمشي تتفاهم انت و جماعة الماركتينغ ...نحب اشهار كولكسيون يهبط جمعة هاذي يتصرفو سي نو كلهم مطردين ... المعمل من اليوم يخدم ثلاثة شيفتات دبر بنات كفماش نوم و من هنا لين نرجع نحب تقرير كامل من جماعة الانتاج و المالية يحددو فيه اقل صوم نجمو نبيعو بيه و نربحو في نفس الوقت ...( صرفقت الباب و خرجت )
بقى وائل لحظة يبربش في عينيه ..وقتاش خممت في هاذا كل ... و المصيبة كفاش الخدمة هاذي كل تكمل ...
رفنت الباب و دخلت ... طلع راسو يشوفلها ...رغم الجو المتوتر لكنو يشكر في ظروف الي جابتها عندو ... بالك يروي وحشو منها حتى ثواني ... كانت راكزة ايديها على طاولة ...عينيها نار تقدي ... وجها مكبوس ...لوح لستيلو من ايدو و تكى لتالي
_ تفضل ( هز حاجب و حط حاجب و بقى يهز فيها و يحط )
_ انا كيف نضرب ...نضرب في الوجه مش نطعن في الظهر يا ولد الاصل ... تسرق خدمتي و تعطيها لغيري يبطى شوي ...نهبط كيف سخطة على راسك و راسها و نردمكم تحت تراب ... تحت تلعب العب ميف رجال و لا فك عليك ... ( هزت ساكها و جت خارجة )
_ راجل ...راجل بسيف عليك ...و ظاهرلي في الحرب كل شي مباح ...و انا ناوي نحاربك حتى في نفس الي تتنفس فيه ...( شدها من زندها )...انت وصلتني هنا ...
_ هههههه انت عمرك كل هكة ( تضحك عليه )غير كنت تلوج على شماعة و لقيتني انا قدامك ...علقت عليا ضعفك و جبنك ... علقت عليا وسخ دار الرصاوي و قلت يلا تو هي تهز و انا نبقى نظيف لعفيف ...مسكين كل يوم تزيد طيح من عيني اكثر ..و الحرب اخلاق يا سي اش اسمك ...( نفضت ايدها وومدت ايدها تحل في الباب )
_ ظاهر دم الرصاوي كل مسخ  يا بنت عمي ..كلنا ظلام و كلنا قلوبنا سودة ...وريني كفاش باش تخرج من المشكلة هاذي ...( وقف يتفرج عليها حاط ايدو في جيبو )
_ ههههه مزلت غادي انت ... مبعدك على الواقع ...مهرة التونسي راني ...مش الرصاوي.. ( رفنت الباب و خرجت )
شدت قلبها كانت تحكي معاه لكن من داخل عايشة حرب كبيرة ... تحاول تروض قلبها على قد ما تقدر ...لكنو كان يحبد فيها ليه ... كسر ثلج الي داير بيه و رجع ينبض اول ما شاف ايهم ... تعكزت على الكرهبة ...تكت على كرسي الكرهبة تنهج ...كلمت وائل طمنت على الخدمة...روحت لدار ترمت فوق سرير ... تمسح على كرشها ... نحت ريدو بشوية شافت رجب كيف العادة شاد جرتها ...تبسمت على شيرة ...خرجت من الباب تلياني ...مشت لموعدها عند طبيبة اليوم تعرف جنس البيبي...لكن فما حاجة من داخل تقلها الي هي بنوته ...