كرونيك💕 #العشق_الأسود💕

62

الحلقة 62
_(دخل رجب ...حط الفرد قدام ايهم ...)..شبيك  رجب شنية هاذا ... هبلت ياخي. .. باش تبطل الخدمة ...
_( رجب واقف مهبط راسو )هذاكة حد الخبزة سي ايهم ...انشاء الله نتلاقو في الخير اما قبل ما نمشي نحب نعطيك حاجة ... ( مدلو الباكو )
حلو ايهم حاير وين شافو ... لقى تاست متع حبالة و صباط بيبي ...هبل في مخو ...بقى يشوفلو ... و يرجع يشوف لصندوق ... كنو كلى كف على وجهو ... هزو و خرج يجري ...
دخل  للبيرو ...لقاه فارغ ... سأل سكريتار قاتلو مجاتش ...مشى لدار يلوج عليها ..شي ...كلم وائل قالو ما شفتهاش ... حس روحو باش يهبل ...يدور بلكرهبة للقهاوي الي تعرفهم حتى بسمه صحبتها مشالها تعدت ساعتين و هو دايخ يطلب تلفونها مسكر فجأة جاه مساج منها ...
" نستنى فيك في دار عين دراهم "
معرفش كفاش وصل ...دخل لقاها حاطة الرجل على رجل على رجل راسها في سماء ... كيف النخلة ... ظهرها ما يتحناش صامدة ...قاسية و باردة ...
_ مدام لوجت عليا كان عرفت بلي انا حبلة ... ( تضحك بخبث و برود مش طبيعي )
_( لقفها من زندها يخض فيها )... اش عملت بولدي تكلم ...حل ***** فمك ... اش عملت فيه ... مهرة ...لو تظهر عملت الي نخمم فيه اليوم باش يكون اخر نهار في حياتك ... تكلللللللم ...
بكل برود حطتلو قدامو دبوزة معبية بدم ( بطبيعتو البيبي في الاشهرة لولا يكون مزال مجرد نقطة )
_( نترتلو ايدو ) تفضل هاو ولدك ... ( دارت تشوفلو تقحرلو )
_ لااااااااا..( قلب طاولة )...لااااا تكذب ... تكذب عليا .... مهرة قول تكذب قول ولدي مزال حي ....نقتلللللك ...نقتلللللللك ....( رفنها على الحيط خنقها بإيدو )
_ انت قتلت امو ... من وقتاش الميت يجيب حي ... انت قتلتني و انا قتلتو ... شوفو ثبت فيه مليح ... ماااات. ...ماااااااات... و انت متت معاه ... تعرف لاش خاطرك تستهلش الحب ...عايش في دور ضحية ...بوك قتل امي و انا قتلتلك ولدك ...( تخرج في الحروف بسيف تلقط في نفس )
_ما نقتلك  يا عااااااهرة ...ما نقتلك .... اااااااه ... ما نقتلك ... ( ترخف شوي و طاح على ركابيه)
_( دزاتو بكل جهدها )تعرف خسارة فيك حتى شفقة ... كول منفوع ايدك ...و ابلع دموعك بكل كلمة خرجتها من جلغتك البارح ... بنت لحرام شواتك ...و الي ما  عندهش  اصل طيحاتك عند رجليها ...انت الي بديت و انا الي كملت ... من اليوم معادش نحب نشوف منظرك ...و الي بعثتو رجعتهولك بزايد ... اعتبرو بدل متعة ....ههههههه
خرجت ضحكتها ترن في دار ... خلاتو على بلاصتو ... مش منجم حتى ينطق ... عينيه معلقة في دبوزة الي قدامو ... وجهو مدخن و دموعو سايلة ...ميعرفش قداش بقى متحجر ... قام ... حفر في جردة ... ودفن دبوزة... بقى ماد رجليه يبكي بشهقة كيف الغشير الصغير ... يمسح على تراب ...كنو يحنن على ولدو ... حس روحو فارغ من داخل ...ميت و مقهور  ...
هز تلفون و كلم رجب ... قالو يتبع مهرة كيف خيالها و يجيبلو كل تفصيلة عليها