"P'Tihn"...
Nong Pin ရဲ့ အသံကြောင့် ကျနော် အိပ်နေရာမှ ဆတ်ခနဲ နိုးလာခဲ့သည်
"P'Tihn ...မနက် ၈နာရီ ထိုးခါနီးပြီ ... ထတော့လေ"
ဘယ်လိုု ....
ကျနော့် တစ်ကိုယ်လုံး စိတ်လှုပ်ရှားမှုကြောင့် တုန်ခါသွားသည်
မျက်လုံးကို ဖွင့်လိုက်တော့ အခန်းထဲက မီးချောင်းတွေဟာ ညကလောက် လင်းထင်းမနေတော့ပေ
နေ့အလင်းကြောင့် သူတို့ရဲ့ စူးရှမှုများ လျော့နည်းလျက်ရှိသည်
ကျနော် မနိုးသေးရင် ထပ်နှိုးဖို့ အနားသို့ ကပ်လာသော Nong Pin၏ မျက်နှာလေးက မြင်ကွင်းထဲသို့ ဝင်လာသည်
ဘေးဘီကို သေချာကြည့်မိတော့ ကျနော်ဟာ ညကအတိုင်း တာဝန်ခံ ဆရာဝန် အိပ်ခန်းထဲမှာ ရှိနေပြီး နံရံကပ် နာရီကတော့ ရ နာရီ ၅၀ မိနစ်ကို ပြသလျက်ရှိသည်
'Yes!!'
ကျနော် ဘယ်လောက် အပျော်လွန်သွားလဲ ဆိုရင် ထအော်မိတဲ့ အထိပဲ
ဒါဆိုရင် ပြီးသွားပြီပေါ့
နောက်ဆုံးတော့ စိတ်ပျက်စရာ စက်ကွင်းကြီးထဲက ငါ လွတ်သွားပြီကွ..
ကုတင်ဘေးမှာ ရပ်နေတဲ့ Nong Pin ကို ဝမ်းသာအားရနဲ့ ကျနော် တအား ဆွဲဖက်ထားမိပြန်သည်
"P'Tihn .. အဲဒါ ဘာလုပ်တာတုန်း .. နာတယ် .. လွှတ်ပါဦး"
Nong Pin က ကျနော့် ပုခုံးကို တွန်းကာ ရုန်းနေသောကြောင့် အမြန်လွှတ်ပေးလိုက်ပြီး..
"ညကလေ .. Phi တော်တော်ဆိုးတဲ့ အိပ်မက်ကြီး မက်နေတာ
မနေ့ညက ညဆိုင်း တာဝန်ချိန်ကြီးမှာပဲ အချိန်က ရပ်နေပြီး Phi ဒီလူနာတွေချည်း ပြန်ကုနေရတာ သုံးလေးခေါက်လောက် ရှိမယ်
နောက်ပြီးတော့ အိပ်မက်ထဲက အချိန်က အပြင်က အချိန်ထက် ကုန်တာ ပိုနှေးတယ် သိလား
တစ်နာရီ ကုန်ဖို့ဆို အကြာကြီး .. အိပ်မက်ထဲ ရောက်နေရတာ Phi သိပ်ပင်ပန်းတာပဲ"
Pinက ကလေးဆိုးတစ်ယောက်ကို မိခင်က ကြည့်သလို အကြည့်မျိုးနဲ့ ကျနော့်ကို ပြုံးပြီး ကြည့်လိုက်ကာ...
"Phi အဆိုင်းတွေ ဆက်ပြီး အရမ်းပင်ပန်းနေပြီ ..
ဒါပေမယ့် Phi အခု ထမှ ဖြစ်မယ်
ဒီမနက် Professor က Phi ကို သူနဲ့ လာတွေ့ဖို့ ခေါ်ထားတယ်
ညကတောင် Phi သူ့ကို ပြဖို့ Presentation Slideတွေ ပြင်ရင်း မိုးလင်းခါနီးမှ အိပ်ရတာဟုတ် "
KAMU SEDANG MEMBACA
TRIAGE (Myanmar Translation)
Misteri / ThrillerSummary "လူနာ တစ်ယောက်ရဲ့ အသက်ကို မကယ်နိုင်ခဲ့ဘူး " ဆိုတဲ့ အခြေအနေဟာ အရေးပေါ်ခန်းကို ကိုယ့်အိမ်ကိုယ်ရာလို နေသားကျနေတဲ့ ဆရာဝန်တစ်ယောက်အတွက် သာမန်ပဲ ပြီးသွားတာမျိုး မဟုတ်လား တစ်ခေါက်မှာတော့ သူဟာ လူနာတစ်ယောက်အတွက် လက်လွန်သွားပြီးသား အခြေအနေတစ်ခုကို...
