منقولة
#أشواك_ناعمة
#الحلقة_1
جميلة .. ندي نوضي نهارك احرف توا يجي بوك يلقاك مش واتيه يفوتك وقت علي محاضرتك
ندي .. (مخلوعه فاقت) واوه ياماما ساعة كم توا ؟؟؟؟
جميلة .. 9 ومعاها يا فالحة نوضي فيسع البسي علي سريع
ندي .. هيا يا ماما نايضه نايضه
ناضت مخلوعة نجري كله جري خشيت حمام غسلت توضيت صليت ولبست ونظمت شنطتي لبست عباية سوده وشاح نمري
(طبعا مع بابا باهي يلي عايشين نتنفسو )
ماما .. ندو ما تطلعيش هكي اهو ديره سحلب خودي طاسة ادفيلك مصارينك
ندي .. حاضر ماما
قعمزت علي كرسي مطبخ نشرب في طاسة سحلب ونراجي في بابا يجي يرفعني محاضرتي 10 و انا شاده طاسة سحلب وسارحه في خيالي في دكتور خالد هو كيف يشرحلي امس في مكتبه وفجأة شبحت في يدي لقيت دبلتي في يدي أضيقت حطيت طاسة في حوض شبحت لساعة لقيتها 10 الأ خمسة استغربت بابا عطل عليا و محاضره مزاللها 5 دقايق تبدأ و مزال مسافة طريق وزحمه العاصمة .. طلعت البلكونه تع مطبخ لقيت ماما تغسل في حوايج في هذاك صقع قعدت نشبحلها ونهدرز وجعني حالنا
ماما .. مزال بوك ما جاكش وقت عليك
ندي .. مزال يا ماما حت انا استغربت
ماما .. باه خشي تحركي من بلكونه توا بوك يشوف ظلك في بلكونة يعذمك في مكانك
ندي ... استغفر الله ياربي حت النفس كان يلقا يشده علينا
(رجيت ساعة 10 ومعاها فاتت محاضره بابا ما جاش قلت معليشي نراجي كمهذا لعتلي بابا ينزل معايا حت نزول بيش يخششني دكتور المحاضرة
قعمزت ع كرسي ممر نراجي فقدت الأمل)
ماما .. مزال ما مشيتش ان شالله
ندي .. مزال بنمشي نغير حوايجي خلاص
ماما .. باه خلاص نديوه ديرنا الغدي ماله انا شارقه في الغسيل
ندي .. حاضر يا ماما شن ندير باه في لحم
ماما .. في عظمين ديري بيهم مكرونه وخلاص توا غدوا نقول لبوك يجيب لحم هذا كان جاب
ندي .. خلاص انا خاشه نغير حوايجي توا نضم شقة نشف نشفط بمكنسه كهربائية مع 12 ونص نحط مكرونه
ماما ... اجعنك ديما رابحه يا بنيتي
////////////////////////////////////
واك يا لطيف شن ها الحادث الشنيع هذا يا ودي شكله صاحبه مايت سياره
راجل .. ايه مات صاحب سياره توا رفعوه الطبي بنأخذ نكلم اهله
جمال .. الو اهلين يا محمد كيف حالك
راجل .. خويا معليشي انا مش محمد
جمال .. قصدك صاحب رقم مريح نقاله كان مريحه راهو انا جارهم اعطيهلي قولي وين نتلاقو
