منقولة
#أشواك_ناعمة
#حلقة_53_الأخيرة
أيمن (بصدمة أيشوف في جده بيطيح).. بسم الله عليك يا جدي خيرك
جدي .. دايخ يا ولدي
ندي(برعشة) .. بالك هبوط سكر يا أجديدة
ايمن(مرتبك) .. غير تسند عليا بس وهيا نرفعك العيادة أدير تحاليل خلي نطمنو عليك
جدي (وجه أصفر).. لالا ما فيا شيء يا ولدي غير وصلني لمربوعة ما تقولش لحد عليا نبيش أنرعشهم
أيمن .. بري يا ندي نادي علي بويا تلقيه في مربوعته
ندي(طلعت من مربوعة) .. حاضر
خديجة .. خيركم مزال ما طلعتوش أنتم وروحتو
ندي .. لا خاشة نبي فردة أسبيدرو حمودي شكلها في مربوعتكم لأنه حمودي كان مع خالي
حناي .. أها
ندي( طقطقت باب وخشيت ).. خالي يبيك ايمن جدي تاعب شوية بس ما توضحش ما يبيش حد يعرف قاعد في مربوعة
محمود (أنخلغ وناض يجري) .. وينه هو
ندي .. في مربوعة خوالي قاعد
(محمود خش ولقي اغيمن مع جدي)
أيمن .. من بكري نتجدأ فيه نرفعه وهو مصكر رأسه يا بويا
محمود .. نوض هيا يا بوي خير ما أنخبر فيك الحاجة
جدي.. والله مافيا حاجة يا محمود شكله سكر هبطلي بس و اتصيرلي عادي
أيمن .. واك يا جدي علي عنادك
محمود .. غير هيا تحرك يا حاج
جدي .. مافيا شيء يا ولدي تربح برا روح انت يا ايمن والله مافيا حاجة أهو خديت حبتي سكر و حالي بدي باهي
محمود .. متأكد حالك تمام
ايمن .. هيا غير نرفعك بس يا جدي
(ندي واقفة و شاده حمودي )
ندي .. برا يا جدي حتي نطمنو عليك بس أكثر
جدي .. والله مافيا حاجة برو روحو انتم
محمود .. خلاص برا روح يا ايمن توا نقعد انا عنده
(طلعت ندي وأيمن وحمودي وركبو سيارة)
جدي .. ما أتخبر حد يا محمود والله مافيا حاجة أموري الحمد الله بالله ما نوصيكش علي عيلة من بعدي نبيك كان صارلي شيء انت تكون كبير عيلة واتلمهم
محمود( مصدوم وراعش) .. بعد عمر طويل يا بوي خيرك تتكلم هكي
محمود .. هيا يا بوي خلي نطلعو في جنان أمقعمزين بناتك وكناينك
خديجة .. شن حالك يا حاج وين كنت ،، كاين أيمن يسأل عليك
الحاج .. تلقيت معاهم وانا نازل من سيارة
