منقولة
#اشواك_ناعمة
#حلقة_9
ندي مصدومه في شخص يلي جاي من بعيد
هاجر تنخص في ندي من تحت علي رجليه
عيسي مستغرب في تغيير يلي صاير لندي من لبس
عيسي .. السلام عليكم
هاجر وندي وخالد .. عليك السلام
عيسي .. كيف حالك يا ندي وحال أهلك
عيسي يشبح في ندي بس وكأنه خالد وهاجر مش موجودين
ندي .. تمام يا عيسي الحمد الله
خالد .. المهم زي ما قتلك يا ندي حافظي عليه الكتاب وان شالله تستفيدي منه لأنه مفيد و بحكم أنك ماشالله شاطر وحابه تخصص يلي تبي تخشيله و انا حاليا مش مستحقله بس ان شالله لم نستحقله نقولك تجيبهولي هيا نستاذنكم انا
امشي استاذ خالد وسيب ندي وهاجر مع عيسي
عيسي .. معليشي ممكن ناخذ من وقتك ربع ساعة يا ندي
(خالد كان طول وقت عيونه مع ندي وعيسي)
هاجر ..حي عليا بابا من بكري يشريني يا ندو هيا بيش بنروحو
ندي ... معليشي يا عيسي يلي بيناتنا تم و معنديش فيش نتكلم معاك
هاجر .. هيا هيا يا ندي فيسع بابا يكلم فيا
(هاجر كانت ملهوفه وتستعجل في ندي وخدت ندي وهاجر شناطيهم )
عيسي ... بس يااااا
(هو قاعد يتكلم مشو وسيبوه )
ندي .. تصدقي قلبي طاح في بطني من رعب
هاجر .. واك مرزن دمه شن ها دره هذا يا عليك عش
ندي .. عش وسكتي،،،،،،،،، بس تسلميلي حبيبتي ديما تنقدي فيا
هاجر .. بري توا فيسع غرفة الأنتظار و كلمي جدك وروحي و راك تخشي مبني ولا جهة الأقسام وقاعات خليك في غرفة الأنتظار
ندي .. ايه بنخشلها طول توا بنكلم جدي يروح بيا
هاجر .. هيا سلامات توا نتلاقو بعتالي علي نت
ندي .. تمام سلامات
خشيت الغرفة الأنتظار و انا مرعوبة كلمت جدي قالي أعطيني ربع ساعه ونجيك و اهو ماشي الأميرة بناخدها وبعدها مروا ونجيك ان شالله
روحت ندي واميرة ومروا مع بعض
///////////////////
أميرة ..اه علي صنة الفايحة شن غدي
حناي .. هذا حالك من تخشي من صيدلية وانتي شن الغدي ما تعرفيش تسألي شن حالكم توا
هناء .. مش قالها رضا قال أميرة تأكل مش طالع عليها
اميرة .. ماهو طالعه منكم صباح وجهي في وجوهكم
مروا .. ههههههه صدقت فيك يا حناي
