منقولة
#اشواك_ناعمة
#حلقة_44
مروا (بخلعة) .. منوووووووو
ايمن( يهبك بأعلي جهد عنده في باب).. افتحي باب يا مروا والله نقفعه ره أفتحي
(مروا من قوة تخبيط وصوت ايمن يلي أيخوف ارتبكت مش عارفة كيف أندير وخشيت نجري علي ندي ولقتها وترعش واترف زي جريدة وتبكي )
مروا(ترعش) ..نهار مغبر يا ندي ايمن علي باب ويخبط قريب يكصر لباب تسمعي فيه شن حل مافي حد الحوش كلهم مهناش
ندي( مايتة من رعب ودموع علي خدودها وحمودي في عيطة واحدة).. يحليلي يا مروا بقتلني حتي جدي مهناش وحناي ولا حد نهاري بنموت انا
مروا(خدت حمودي وترعش) .. واك علينا نهارك يا ندي غير شن درتي بس الباب بيتقلع بنمشي نفتحله وخلاص
ندي(ترعش) .. لا يا مروا والله يعدمني نهارات الحرف حي عليا
(أيمن زي مهبول أفتحو باب ولا نهد لباب عليكم ويقرفع في باب)
مروا(بتموت من خوف) .. بنمشي نفتح اصلا كان ما فتحتلاش بيقلع لباب ما تسمعيش فيه قالب دروج بصوته بنفتحله انتي صكري علي روحك باب دار
(حسام مخلوع و كان في شقته و يسمع في صوت تخبيط وصوت ايمن العالي و كان كيف منحي حوايجه بيخش يدوش حس انه صوت يعلا اكتر وتقربيع باب قعد يسأل في روحه زعمك شن فيه خلي أنرد حوايجي ونطلع أنشوف شن فيه)
(مروا قررت تطلع تفتح باب يلي بيصير يصير حمودي قالب دنيا عياطات وندي ترعش جت وراء باب دارها وصكرته)
(مروا فتحت لباب أيخش ايمن زي مهبول و يدف مروا )
أيمن (بيطير و بيهبل بينجن) .. وينها هادي وخش يجري وقعد يدف في باب دار وندي وراء باب تبكي وترعش بس فاقدة توازنها معاش لقت جهد اتشد باب
(مروا بتموت من رعب )
(أيمن دف باب بكل قوته وجبد ندي وندي طايحة علي ركابيها )
ايمن (انجن منهبل علي الاخر) .. يكر فيها من شعرها طالعة من شقة ولامه حوايجك يا حقيرة يكر فيها اطلعي
(حمودي في عيطة واحدة ،، ومروا تسكت في حمودي ومعاش عرفت كيف تتصرف و شدت نقالها بتكلم زياد خافت من ايمن يقتل ندي ولا يدير فيها عاهة و شوية وخش حسام)
حسام (مخلوع) .. شن ها صوت العالي هذا شن فيه خيركم
مروا( ترعش مش قادرة تتكلم)..بالله يا حسام أيمن جان علي الأخر ومصكر علي ندي دارها وصوتها عالي
(حسام خش يجري ويدف في باب دار وفتحه ولقي أيمن شاد شعر ندي)
حسام .. شن أدير ياراجل سيبها حرام عليك لمراة حامل خيرك انت بتهبل و قعد حسام ايفك في ندي من ايمن وندي داهشة
