منقولة
#أشواك_ناعمه
#حلقة_7
مروا .. حبيبي حتي انا استاحشتك
زياد .. ماشالله هايمه وعايشه لحظه
(مروا ارتبكت وخافت كان مكان ظلام شوي من رعشة انخلعت وتلفت )
زياد .. شدها من يدها وقاعد يخض فيها هاتي نقال في من تكلمي توا عقابات ليل 1 ونص
مروا .. (تبي تفك روحها )..نحي يا خرأ ونقال مش عطيتهلك
زياد .. جيبي نقال قتلك ما طلعيليش جنوني ره ويخض فيها
مروا ..(بحركه منها نفضت روحها )من زياد وبحركة سريعه حذفت نقالها في مكان معلوم
مروا .. قتلك مانكلم في حد بعتلي صاحبتي يلي نكلم فيها
زياد .. (بعصيبه وعيونه يقدحو في نار ).. انتي تبي تفوتيها عليا قصدك بالك تحسابيني عيل يفوت عليا طروحات مراهقات يلي زيك قتلك طلعي نقالك ره والله ما يصير خير
مروا ..(بهزة من كتوفها ).. نقالي اهو عندي كان قدرت تاخده تعال خوده
مروا كانت لقطتها استفزازية وجرئية وزياد استغرب من حركتها يلي دارتها معاش قدر يدير حل ولا يقرب منها
زياد.. (بعصبيه بصوت واطي )شدلها يديها و يخض فيها تعرفي يلي تكلمي فيه هذا والله الأ ما نجيبه مدام حطيتك في دماغي دوري من يطلعك توا نشوفو يا مروا والايام بينا
وبصبعه يخبطلها علي راسها تعرفي اعنادك هذا وتصكير راسك نعرف دواءه عندي وكان ما نكصرلك راسك انا ما نبداش اسمي زياد حطي الكلام هذا كويس في دماغك
مروا .. نحي يدك يا مريض واعلي ما في خيالك اركبه شن بديرلي يعني ولا من اعطك الحق تتدخل فيا اصلا بالك تحسابني اروي اختك ولا اميرة ولا ندي حتي انا مروه ره
زياد .. تمام توا نشوفو يا مروا
(فاتها وطلع من تالي خش طول لحوشهم ما باش يرجع لسهرية )
ندي حست في حاجة صايره ولقت زياد ومروا مهناكش وكذلك اميرة حست في شيء صاير كانت اميرة خايفه هلبا من مشاكل يلي بتصير في جرت مروه وعنادها
اميرة .. اختك وين مشت
ندي .. مش عارفه بس خدت نقالها وانسحبت
اميرة .. ايه هيا انسحبت من هنايا وزياد دقيقه وانسحب بعدها
ندي .. حي عليها من ماما ما نعرفش علاش اتجيب في مشاكل ودوه لعمرها
اميرة .. بكل كلا مروا تعرفي انا من شن خايفه عليها يكبسها اتكلم و زياد مستحيل يفوتها كان ما شهدر بيها ولد خوي نعرفه
اختك ع اساس فالحة بتقدره
ندي .. انا ما دخليش بيها بس خايفه من مشاكل وعلي ماما هيا شيء ما تقدرش في ماما واتقول ع خاطرها نهني روحي
