منقولة
#أشواك_ناعمة
#حلقة_10
أيمن .. أمي نبيك في موضوع
خديجه .. ان شالله خير
أيمن ...أمي موضوع هذا انتي من زمان اترجي فيه
خديجه .. تبي تتزوج
ايمن .. ايه يا أمي نبي نتزوج
خديجه .. يالله يا عليك يوم مبروك ومسعود يا و أوليدي هذا اليوم يلي نراجي فيه من زمان
يا فرحتي بيك يا و اوليدي و نشوفك عريس وبصغارك
(باهي وفقت الهانم بيش نمشو نخطبوهلك لم كنت نقولك يا اوليدي حوشك كبير مزال شن بيكمله واتزوج توا واجر بعتالي ساهل لين يكمل حوشك كنت مصكر رأسك علي كلامي )
خديجة قاعده تتكلم
قص عليها أيمن
شن أتقولي يا أمي انتي من هيا يلي وافقت ما وافقت و بعتالي يا أمي تعرفي ولدك أنتي مش انا يلي مراه أتمشيني علي ذوقها راهو ولدك راجل من ضلع ترأس بعتالي انا وهديل سيبنا لينا فترة وهيا انخطبت و بتتزوج ومعاش يهموني أخبارها
خديجه من صدمة مش أمصدقه كيف صار يا ولدي غريبة كأني من فترة مش بعيدة سمعتك أتكلم فيها وطايرتلك
ايمن( يضحك )..ههههههه صار تصنتي فيا أنتي
خديجه .. لا والله غير يومها ننشر في حوايج سمعتك ههههههه
أيممن .. ايه ايه صدقتك
المهم يا أمي نبيك تخطبيلي بنوته علي ذوقك
خديجه .. لو بتجي لذوقي انا عاجبتني بنت جميلة ندي ماشالله عليها بنية أدب و اخلاق و هداوه حتي صوتها ما تسمعه ديما في فمها حاضر ونعم
ايمن .. تعرفي يا أمي مستغرب فيكم اتقولو هادئة و انا مرتين سامع صوتها عالي هههه
خديجه .. ندي صوتها ينسمع هيا ،، شهادة الله يا اوليدي متمنيتهلك من وسط خاطري سماحة ونزاكة واأسلوب والحق يا اوليدي تمشي معاك وتقدر تلايم طبعك
شن جاب لجاب بينها بين هديل من ناحية سماحة الحق معندي ما نقول عليها حتي هديل سمحه بس كا معاملة وطبع شن جاب لجاب
أيمن .. بالله يا أمي معاش أتجيبي سيرتها هديل خلاص أنخطبت و مشت علي حالها من قبل لا تنخطب فايتها انا وربي يسعدها ويبعدها
خديجة .. يعني خلاص نكلم بوك يكلم جدك
أيمن .. انتي مش عاجبتك ندي وتبيهلي تتمنيلي فيها
خديجه .. خلاص ان شالله باذن الله نقول لبوك وحناك وجميلة اكيدة موفقين غير بيلقو زيك
ايمن .. هيا انزلي يا أمي وأنتي شدتيتي معاش طلقتي هههههه
خديجة .. مش مني من فرحتي يا اوليدي وبلأخص بتكون ندي
أيمن .. أمتي نجيك يا أمي
