منقولة
#أشواك_ناعمة
#الحلقة ...(.2) ...
زياد ... السلام عليكم
الكل .. عليك السلام
حناي ... زويده وين يا اوليدي ليك وحشه ره
زياد .. الله يسلمك يا حناي انتي اكتر والله
زبيدة .. وين لا تقول عندي أم وحنه نسأل عليها ،،،،،،،،،خيرك من ثالث يوم العزي معاش شبحتك
زياد .. والله هذا هو الحق شغل ما فضيتش
ماما .. زويده نجيك ياربي ماشالله كبرت وليت راجل الله علي الأيام ما يجرو كيف ها الوقت كأنه أمس نذكر فيك في حجري ونزازي بيك كنت عياط بكل
زبيدة ... توا كبر بدي نقراز وحزار مش عياط هههه
زياد .. ايه يا عمتي والله الايام فيسع ما يفوتو وعمر في ثواني يجري يلي يفوت يفوت من ايامنا وسنينه
حناي .. هناء خيرهم جابهم صغارك يجري
هناء .. أيه تتمرعش بعتتهم الاربعة أكيده اشبح شن عندها الاسبوع هذا
سميرة .. بكل كلا عزوزك مش عارفه من شن مصنوعه
أميرة .. العيب مش من عزوز العيب من ولدها بوذينة يمشو فيه خواته وأمه
حناي .. مش غير أخي ع راجل يشوف في الغلط من امه خواته و يسكت ،،،، هيا كان ما خدته ره طلعت فيها نخلة
هناء .. استغفر الله ياربي و أنتي شدتهلي عزار
خديجه .. باهي ياسر يا حاجة خلاص علاش تحرجي فيها
حناي ... هذا حالكم انتم كلام الحق ما تبوشي
ماما .. باهي يا أمي خلاص فكينا عاد نصيبها
حناي ... ياريته غير ما جبتش 4 منه
زياد .. تي خيركم قلبتوها حلبه انتم خلاص ياسر
مروه ... توا بينوضو يزاقدو مدام قلبوها الحلبه هههههههه
أروي ... هههههههههه
زياد .. دمك بالله ولا قطران هذا
مروا .. لالا سحلب ههههههه بصوت عالي
زياد بأشمئزاز .. ربي يتبت العقل
مروا ...(بتكشيخه) .. علينا وعليك
أميرة .. خلاص يا مروه فوتي كان يلبسك توا تكرهي روحك اخطي خلاص
اروي .. فكينا مروا خيرك هذا غير اول لقاء بيانكم مزالتو في تعارف ههههه
مروا .. هههههه انا نوعية خوك نحبهاش مانهضمهاش
نور ... مروا انا احرف منك هههههههه ديما هو يدخل حاشي خشمه في كل شيء
أروي ... باهي انتي وياها كانكم خديتو راحتكم هلبا ره راكم تغلطو راهو خويا انا خويا ع ابن العم وانا وابن العم ع غريب ايوه ههههههههههههه
