منقولة
#اشواك_ناعمة
#حلقة_32
حناي..شن تهدرزو حاشيات رؤسكم في بعضكم شكلا في موضوع
ماما .. لا والله أنهدزو علي حال والأحوال يا أمي
حناي.. زعمك بوك تعشا ديما هكي الحاج ما يدورش في روحه تلقي لاهي في معازيم
زبيدة .. أمبدري شفته يأكل يا حاجة
أميرة .. واك رجليا تعبت
حني .. يعطيك صحه يا بنتي عقبال عرسك يارب
اميره .. سلمك يا أمي ،،،و قلتلههم كنايناتك عطيكم صحة حتي هما ولا غير فالحة في بناتك هههه
حناي .. مصح الله وجهك من بكري و انا نشكر فيهم لي أمهم بعتالي خديجة وزبيدة ماني حسبتهم كناين انا حسبتهم بناتي
ماما .. ههه قالتهم حرام عليك يا ميرو
زبيدة .. يا حاجة أتبصر عليك وتحفرلك بس هههه
خديجة .. أنعدتي من مروا ياأميرة ههههه
هناء .. من عاشرا قوما أصبحا منهم ههههههه
ندي ... خيركم تتخصمو هههه
مروا .. شن فيه برسمي داعكة بين حناي وأميرة ههه
اروي .. حتي أنا هكي حسيت ره هههه
حناي .. خالتك تشعللي فيها مع كنايني يا مروا
ميرو (نضت حضنتها وبستها ).. بصارة يا أحويجه يا عسل أنتي
حناي .. أن شالله نتهنا عليك يا بنتي و نحضر أسابيع صغارك ياااارب
اميرة( بفيس حزين) .. أن شالله يا ماما
(خديجة وجميلة زبيدة يشبحو لبعض)
مروا .. خيركم شبحتو لبعضكم كأنه في شيء بيناتكم يا ثلاتي أنتم
ماما .. مافي كان كل خير كلا أنتي يا بنتي طالعة لعماتك في لسانك طويل غير باهي مش حرفة زيهم هههه
حناي .. بكل كلأ بنتك هادي ما أتقوليش أختها أنديوه بعتالي أنديوة جاياتك انتي ياجمولة ياودي مزال أنقول ندي أهدء حتي منك ندي زي خالتها سميرة أهويديه بكل غير باهي سميرة طاحت في ناس كويسين مش زي طيحتك انتي يا جميلة
أميرة .. ايييي سمورة خيرها ما جتش حقه
زبيدة .. علي ما أعتقد ماشين االامالي راجلها مش قاعدين هنايا كمهذا راهو جت
أحلام .. ايه والله صح مزال ما روحتش من حوش أمالي راجلها
ندي .. حلومه بالله عليك حمودي راقد باهي لو فاق أعطيه لهية بنمشي نلبس عبايتي عندي مراجعة
خديجة .. خيركم توا متأخر قريب 10 ونص مش من بدري قتلك يبيك أيمن
ندي .. هذا هو نحساب أيمن لاهي في زحمة ما عودش كلمني ولا قالي نبيك
