منقولة
#اشواك_ناعمة
#حلقة_33
حناي .. زيدي عيطي وسمعي عيت عبد الجليل يلي ورانا زيدي يا أمسخة يا كلبة يلي ما تحشمي تحسابي روحك صغيرة هذا ماهو بوك مدلعك يرفع ويجيب فيك ومخليك علي حل شعرك كان واحدة تانية هلها مسودين عيشتها ره عطوها من 12 سنة
مروا .. خلاص ياأحنينة بالله عليك
ماما .. خلاص يا أمي الله يربحك ياسر خيرك توا محمود ومططفي علي خشة تربحي
زبيدة .. أييي علي أصواتكم ياسر أجبدي أمك ياجميلة وطلعها وأنتي يامروا و أروي أطلعو
(أميرة تبكي و منهارة )
ماما .. هاكي يا زبيدة أرفعيها وطلعها معاك أمي و أنتي يا مروا و أروي أركبو فوق توا محمود ومصطفي يخشو ،، و كان أيخش محمود و يسمع صوتنا عاليات أيدير فينا حالة
زبيدة .. هيا ياحاجة أطلعي تربحي
حناي .. دهشتني أه يا عمري ضايع جيبيلي مية يا فرخة مروا
مروا .. حاضر
أروي .. أيييي ما نحبمهش مشاكل أنا
هناء (متنرفزة ).. ما تبيش تتزوج مش بسيف
حناي .. صكري فمك أنتي يلي تزيدي أتايدي فيها عاجبتك قعدتك أحديا وصغارك متشتتين بين أمهم وبوهم وكان بطلتي منها خدمتك شن بيصيرلك عبرج نساوين
زبيدة .. اهنيوة ورأسك فوتيها ما تردي عليها عرفتيها الحاجة ديما تتدوي
هناء .. خدمتي مش أمبطلة منها ويوم أتزوجني عارفني نخدم وكان شرطي اني نخدم بعتالي وين قاعدة انا في حوش جيران ماهو قاعدة في حوش بوي وسلم بوي
حناي .. أصلا مافي واحد مكبر رؤاسكم غير بوكم
زبيدة .. ورأس صغارك بري خشي لدراك حس رهوفة تعيط بالله عليك ياسر من دوه
ماما( خشت لي أميرة وقعدت تسكت فيها وحضنتها وتمسحلها في دموعها).. خلاص يا روحي معاش تبكي صدقيني ره بويا مستحيل يكرر غلطتي ويعطيك بسيف والله مستحيل يعاودها و بعتالي كلام أمي مش جديد عليك من قبل أديرلك فيهم الأفلام هادي يعني مفروض أتكوني متعودة
أميرة (بشهقة ودموع ).. ماهو قبل بابا مايسألش فيا و يقول لا و خلاص لأنه عارف أنا شن تفكيري في زواج و رافضة موضوع نهائي
ماما .. ماهو يا روحي بيقول بالك البنت غيرت رأيها و خاصتا بعد أتزوجت ندي و أروي أنخطبت يمكن كان بويا تفكيره غير و أنتي تحسستي هلبا و قعدتي تعيطي خليتي أمي تركب معاك في دوه
أميرة (حسيت كلام جميلة ريحني نوعا ما ).. يعني بويا مستحيل يعطيني ولا
ماما .. أبدا مستحيل يعطيك بسيف بس ياأميرة انا توا نتكلم معاك و أعتبريني مش أختك كبيرة أعتبرني صديقتك يلي ديما أتفضفضيلها و ما تفكريش في فرق عمر يلي بيني و بينك باهي ،،، وتوا بنحكو كلام من الواقع وخليك عايشة معايا الواقع توا أنتي تراجي في حاتم ولا و أتحبيه بس حاليا ليك فترة طويلة منقطعة علاقتكم ببعض لأنه أمه ما تبيكش و مش متقبلاتك أتكوني مرت ولدها
