منقولة
#أشواك_ناعمة
#حلقة_15
ندي.. موافقة يا ماما فكرت في كلامك أمس و لقيت كلامك كله صح نتزوج من حد نعرفه ونعرف عيلتة خير ما نعرفاش يعني الوجه يلي تعرفه خير من ما تعرفاش و زي ما قلتي أنتي خير ما نطيح في راجل يطلعلي زي بابا
(خلاص كلميها أخويلة خديجة و قوليلها ندي وافقت و كلمي جدي حتي هو )
ماما .. والله كنت عارفة و متأكدة ح يكون جاوبك أنك موافقة و الحمد الله ما خابش ظني فيك يا أبنتي والله يربحك دنيا و أخره ديما و انتي أمبيضتلي وجهي وأمفرحتني الله يفرحك وربي يهنيك ويسعدك يا أبنيتي وحمد الله بنتهنأ عليك و أنتي قريبة مني و حدا أعيوني
ندي .. ماما عندي شرط حتي لم نتزوج نبي أنكمل قرايتي ره و أنتي عارفة قديش أنحب قرايتي
ماما .. أكيدة قرايتك اهم شيء و أنتي ماشالله ديما أمتياز مستحيل أيمن يرفض بحكم أنهم حتي عيت خالك يحبو قراية
ندي .. خلاص يا ماما بننزل أنا خالي مصطفي يراجي فيا
ماما .. خلاص حتي أنا بننزل أنفرح أمي و بويا و بنمشي لخديجة أنفرحها و أترجي علي أحر من الجمر
(ندي نزلت ودمعة علي أخدودها بس فرحانة أنها فرحت أمها وشافت ضحكة وفرحة أمها علي )
////////////////////////////////////////
أروي .. صباح الخير
ندي .. صباح نور
أروي .. بسم الله عليك علاش عيونك حمر يا ندو يوجعو فيك
ندي .. أيه والله يوجعو فيا
أروي .. أكيدة عين هادي بسم الله عليك
ندي .. ههههه علاش بتجيني العين
اروي .. والله العين حق و أنتي ماشالله عيونك أصل جمالك ربي يحفظك
ندي .. تسلمي أريوه ويحفظك يا ربي حتي أنتي
مصطفي .. صباح الخير
ندي أروي .. صباح النور
مصطفي .. هيا يا بنات أركبو خلي أنوصلكم
(ماما نزلت و كانت فرحة مش حاملتها )
حناي .. ماشالله فرحانة اليوم أن شالله خير
ماما .. والله قريب أنطير من الفرح ندي وافقت علي أيمن
جدي .. باهي ماشالله ربي يكملهم علي خير يارب وزي ما قتلكم ره عرسهم عليا انا
ماما .. يا بويا لكن ندي عندها شرط قرايتها حتي أتزوجت تبي تقرأ يعني قول لأيمن ندي تبي تكمل
جدي .. من ناحية أتكون هانية أكيدة ح يوافق حت ولو صار ضغط عليه من شركة في شغله و جامعة ندي نرفعها انا وأنجيبها توا أنقوله
