منقولة
#أشواك_ناعمة
#حلقة14
زياد متعصب خش كافي وركب فوق ويشوف في مروا والمعتصم يضحكو ويهدرزو
يقدم وشرارة طالعة من أعيونه
زياد .. ماشالله منسجمين علي الأخر عارفة هذا يلي أمقعمزة معاه توا هو يلي بعتالي رسالة و قالي تعالا كان أبتشوف مروا طالعة معايا
مروا مصدومة وبدت ترعش مع بعضها
مروا .. زززززياااد بشوية بس أنفهمك
زياد .. ما نبيش نفهم وين يا هانم ره سرحتي هلبا ما تحسابيش وراك رجالة يا حقيرة
زياد يقدم ويجبد فيها من يدها
مروا مصدوووومة و معاش قادرة تتحرك وزياد ( بأعلي صوته)
زياد .. أوقفي يا أمسخة يا ساقطة
(رحمة مصدومة من بعيد و تتفرج و معاش قدرت أتقدم ومعتصم يضحك )
مروا .. بالله عليك بشوي بس يا زززياد اسمعني بلا فضايح قدام ناس
زياد (بأعلي صوته )... أنزلي قدامي توا ولا نقلب أم قهوة فوقي لوطي ولا نزلك بطريقتي
(كان صوت زياد عالي جدا في كافي والعمال قهوة يتفرجو بس ما كانش فيه هلبا زبائن)
(مروا ترعش معاش قادرة حتي توقف .. بالله عليك بس نقص صوتك )
(زياد قدم وخر و يعطي واحدة رأس المعتصم وبونية علي خنفورته)
مروا (تبكي).. بالله عليك يا زياد أعطيني فرصة بس
( يارربي شن درت أنا نهاري الأحرف )
(معتصم مصدوم وطايح علي الأرض ومش عارف علاش ردة فعل زياد فيه هكي )
(زياد أيكر في مروا وينزل فيها من دروج )
زياد .. عابيين عليك تقري يا حقيرة و انتي أديري في مواعيد
مروا (ترعش زي جريدة وتبكي) .. بالله عليك خليني نفهمك
(زياد كان يكر في من يدها وركبها لسيارة وعلق علي D)
مروا .. بالله عليك يا زياد أنبوس علي رجليك خليني أنفهمك أنت فاهم غلط والله ما ركبت معاه ولا مشيت معاه
(زياد عيونه نار ودخان و بكل عصبية يشرين مروا كف )
مروا (تبكي وترعش) .. يااربي شن درت أنا في عمري
زياد ... صكري فمك والله ره نفتح باب سيارة ونحذفك منه
مش طايق حت نسمع كلمة منك يا ساقطة
(مروا تبكي وتشهق بعبرتها)
(زياد وصل لحوش جده وقعد ينزل فيها ويكر في مروا )
(ومروا متعنكشة ما تبيش تنزل حست با زياد ناوي يفضحها ومش ناويلها علي خير)
زياد .. انزلي يا وسخة خلي يعرفوك وين لقيتك اخرتها والله أتفضحي بينا ياريتها غير مع راجل مع فرخ تي هو مش مهنيء علي روحه بيهنئ عليك
