منقولة
#أشواك_ناعمة
#حلقة_12
زياد .. لمنو نقال هذا
(أروي أصفصفت في مكانها و قريب اتموت معاش قادرة حتي توقف )
(زبيدة كانت واقفة بتحط طاجين علي رخامة
فكاته من زياد بحركة عفوية هات خلي أنكلم حناك )
زبيدة .. يا ودي هذا نقالي يا أزويده نقالي جلاكسي معاش يشدلي في شحن
زياد .. اها باهي هيا با أمي بنركب انا ره بنغير ونلقا انصافي واتيات
زبيدة .. باه يا أوليدي علي ما غيرت أحوايجك ودوشت تلقا عشاك واتي
(أروي مصدومة من أمها و من موقف يلي نقذتها منه )
(زياد ركب فوق و اروي وجها ما يتفسرش من رعب )
زبيدة (بتكشيخة.). لمره هادي فلتي من خوك شوفي روحك مره جاية كيف بتجيك وحذفتلها نقال علي وجهها
(أروي من صدمة مش قادرة حتي اترد علي أمها و أستغربت من أمها وكيف أمها تعلم بنقال)
زبيدة .. عجلي روحك هيا وكمليلي تطيب ها طاجين خلي ندير لخوك عشاه
أروي .. تمام
///////////////////////////
(ندي ركبت لشقتهم وفتحت نت وقبلت طلب صداقة طول)
(لقت خالد فاتح يراجي فيها )
خالد .. السلام عليكم
ندي .. . وعليك السلام
خالد .. ندي وينك عطلتي ره من بدري و انا فاتح نراجي فيك
ندي( فرحانة ).. اسفة والله كيف فضيت
خالد .. باه ربي يعاونك
ندي .. الله يسلمك أستاذ
خالد .. بالله عليك يا ندي فكينا منها كلمة أستاذ
ندي .. ههههههه أوك خلاص يا خالد
خالد .. ايوه هكي نبيها حاف خالد
ندي سكتت .. تمام خلاص
خالد .. وينك
ندي .. موجودة
(خالد يبي يفتح موضوع مش عارف كيف عاود سألها علي كتاب )
خالد .. شن قريتي منه شيء الكتاب
ندي .. أيه قريت وعجبني هلبا و فيه معلومات ماشالله
خالد .. ماشالله نحس فيك أتحبي هلبا قراية والعلم شن طموحك ان شالله
ندي .. طموحي أني نحضر دكتوراه أن شالله
خالد .. ان شالله حتي انا قريب بنحضر دكتوراه و عندي بعثة مأجلها
ندي .. وعلاش مأجلها شن يلي مانعك
خالد .. والله الولدة تبيني نتزوج بيش تتريح عليا عارفة نظام ليبين أنتي لم تبي تسفر يتمنو يتزوجك بيش ما تتزوجش أجنبية ههههه
