منقولة
#اشواك_ناعمة
#حلقة_13
أميرة ( في حالة صدمة )
حاتم .. السلام عليكم
أميرة (ضاربة حولة ) .. وعليك السلام أتفضل شن تبي
حاتم ... مانبي شيء جيت بنشوفك
أميرة .. شن يلي خطرك عليا و أتجي أتشوفني ،،،ليك فوق من 8 شهور لا مكالمة لا رنة
حاتم .. لو قتلك في ها 8 شهور ما غبتيش علي بالي بتصدقيني
أميرة .. أصلا أنا معاش أنصدق فيك لأنك أنسان جاف أتغيب فجأة وترجع
حاتم .. بس أنتي عارفة موضوع مش في يدي
أميرة .. علاش مش في يدك نبي نعرف أمك ولا أنت يلي بيتزوجني وبعيش معايا و كان أتزوجتني بغصب علي أهلك أيجي يوم وترجع علاقتك بيهم
حاتم .. علاش ما تقدريش أنتي كيف نتزوج بدون رضا أمي عليا كيف فهميني
أميرة .. و أنت فهمني كيف أم توقف قدام سعادة ولدها ،،،،انا نبي نعرف حاجة وحدة بس أمك من وين مصنوعة شن ها قساوة يلي عندها علاش خيرها ما تبينيش مش بنت عيلة ولا شنو
حاتم .. والله يا أميرة ماهو بيدي عاطيتني قلة سماح لو نتزوجك و انا عييت و انا نقنع فيها وخواتي حت هما عييو يقنعو فيها مافيش فائدة
أميرة .. نعرف حاجة واحدة انا بس يلي يحب يضحي
حاتم .. باه أنضحي كان في سبب تاني بس كيف أنضحي برضي أمي عليا
أميرة .. توا لو أنا ما ننفعش أنقولك صح عندك حق بس أنا وعيلتي مافيناش عيب واحد ينذكر وناس يحكو بينا وبي سمعتنا
بالله عليك والله معاش خاطري حتي أنشوف لوجهك بالله عليك أطلع وخليني في حالي ارجوك
حاتم .. علاش معاش خاطرك أتشوفي حتي لوجهي أكيدة لاقية حد تاني أمفوته وقتك بيه
أميرة .. بالله عليك معاش تقلب طاولة عليا بديرني انا توا عندي شخص تاني سبحان الله أتغيب أتغيب و نفس جوك يلي أديرلي فيه في كل لقاء بينا ،،، و أنا شخص تاني في حياتي معنديش وأنت عارف ها كلام هذا غير تستعبط
و يوم تقنع أمك هذاك الوقت نستقبلك و لو سمحت لو سمحت أرجوك معاش أتجيني ولا توريني وجهك
حاتم .. هذا هو أستقبالك ليا بعد مدة قريب العام يا أميرة
أميرة (تجاهل ) .... !!!!!!
(خش زبون صيدلية ولهت فيه أميرة وحاتم خدي روحه وطلع )
(أميرة تغلي ودمعة في عيونها و حست أنه حاتم مافيش منه فايدة هكي أيغيب أيغيب ويرجعلها بلا حل ويعاود يرجع ويغيب بس لمرة هادي طول غيابه وأميرة مستغربة في روحها كيف صبرت علي حاتم 8 شهور لا كلمته لا بعتتله رسالة )
//////////////////////////
أروي .. تعرفو كان نقولك عليك تزليطة صارتلي مع ماما
