منقولة
#أشواك_ناعمة
#حلقة_35
أيمن (خش والع و دف باب دار بقوة وحذف نقاله علي زيانة)..وين لتوا يا لتوا متمرقدة 2 قريب ونص ماتقوليش عندي راجل يخدم ويبي غدي
ندي(بخلعة و ترعش) .. أييي ساعة كم توا هيا و شبحت نقالي لقيته قريب 2 ونص
أيمن(بصوت عالي ومتنرفز) .. لا مزال بدري كان بترجعي ترقدي
ندي(بخوف ورعشة).. باهي حبيبي والله خداني نوم ما نندريش علي وقت حمودي بعد طلعت أنت لشركة شدهلي عياط
أيمن( بعصيية وصوته عالي )..نوضي نشطي روحك و ديريلي طياح سعد نسمسمه وأنتي مفوتهلي نوم وبس
ندي (بخوف خديت لفيت شعري).. باهي أهو نايضة ،، صوتك عالي فيقتلي
(انا نايضة كرني أيمن من يدي )
ندي .. أيي خيرك يا أيمن
أيمن (بصوت عالي ومتعصب ويخض في ندي من يدها).. تكلمي أنا أخر من يعلم بقصة حملك وبعتالي علاش لم أنقولك شكلك حامل تكذبي فيا
ندي (بخوف رعشة وحمودي قلبها عياط )..باهي بشوية أتكلم خيرك معايا أنت أتقول حالم بيا
ايمن ( بصوت عالي )..علاش ما قلتليش يوم قتلك حامل كدبتيني
ندي (بخوف )..مافيش قصة أصلا انا أبروحي مش فاهمة لم هدرزت مع أحلام في فضانية قتلي شكلك حامل و حكيتلها وكلمتك لقيتك مقفل نقالات زوز وبعتلك رسالة و كتبتلك فيها جيبلي تست حمل ما جبتليش و انا معاش دورت علي أساس اليوم أبنقولك أرفعني بمرة العيادة أندير تحاليل
ايمن( يخض فيا) .. أما رسالة ما وصلني شيء معاش تكدبي بيش أتبرري غلطك
$ندي( بخوف ودموع) .. سبحان الله خيرك أنت معايا باهي غير سيبني الولد أيعيط من صوتك وبعتالي والله ما كذبت (وخديت نقاله و جيت بنفتحه لقيته داير بسورد و ايمن بخلعة فك نقاله مني أهو أفتح نقالك شوف أخر رسالة مني بعتالي أنت علاش ليك يومين فاش غل خدمتك فيا و تكشخ عليا وبس
أيمن (طلقت يديها ).. بري من وجهي توا شواطين أننطو قدامي
ندي (بخوف رعشة ودموع) .. أففف صبر ياربي
أيمن .. ندددددي تعااااالي
ندي( بخوف وتبكي) .. نعم
أيمن .. سكتي ولدك و أرفعي معاك
ندي .. بس هو مش ح يسكت و بعتالي بنخش أنديرلك حاجة تأكلها كيف بنشده انا شده انت
ايمن (بعصبية).. دبري رأسك بنخش ندوش أنا ولا بتخلي يعيط وتسيبيه
ندي(بخوف ونمسح في دموعي ) .. حاضر تعالا يا ماما وقعدت نسكت في حمودي وأنطيب وحمودي معاش يبي يسكت من قبل عياط يبال ناض علي صوت ايمن عالي أفففف ياربي قشرت بطاطا درت طباهج وسفرة جافة علي خفيف وانا وخلاص فاشلة من حمل ولدي في يدي أيعيط وأيمن زيدهم عليا وخلوقي زي زفت
