منقولة
#أشواك_ناعمة
#حلقة49
أميرة (تلفت وأنصدمت ولقيته حاتم حسيت بشعوري عادي جدأ صح في رهبة من صوتة وخشته وحسيت بربكة بس رديت السلام وانا بكل فخر وشموخ) .. وعليك السلام
حسين .. السلام عليكم
أميرة .. وعليك السلام حبيبي كنت اترجي فيا
حسين .. ايه أنكلم فيك وخشيت أنتظار عليك من بكري أنراجي فيك يا حلو
حاتم .. معليشي يا أبلة نبي تست حمل
(شوية و خشت بنت تانية يلي معايا)
أميرة.. زهور بالله شوفي زبون شن يبي انا بنطلع حسونتي جاني أبنروح
(حاتم أنقهر وحس بحرقة وهيا طالعة مع راجلها وكانت بطنها ذوب ما طالعة واضح عليها حمل لأنه حافظ أميرة وتفاصيل جسمها )
زهور .. أتفضل خويا هذا تست
حاتم (منقهر ومحروق).. بكم يا أختي
زهور .. 5 دينار يا خويا
أميرة (ركبت انا وحسين في سيارة حسيت بشعور الأنتصار و شعور لذة وحسيت روحي باردة جدأ ) .. حبيبي بترفعني الأهلي ولا
حسين .. حبيبي ديما هو جوش أهلك
أميرة( بشبحة دلع) .. أممم حبيبي عاد حوشنا فيه عرس ره مفروض بايته انا توا ههههه
حسين .. أتباتي عينك مش تباتي انا من بيا يا عمري
أميرة .. هههه ماهو أنوتو يا حبيبي قصدي ضروري من أنعاونهم
حسسن .. باه حبيبي ما تكدريش روحك وتعبي روحك باهي
ءميرة . حاضر يا عمري أنت يسلملي يلي خايف عليا
أميرة (نزلت وخشيت و لقيتهم كلهم ملتمين وسلمت عليهم ) .. كيف حالكم يا غزلان
أحلام .. ههههه مرة حبايب ومرة غزلان يا غزالة
أميرة .. ههههه مقعمزين أتقرمو وأتهدرزو وتسمسمو هههه و انا مقايله لحسين بنمشي انوتو معاهم هههههه
أحلام .. حتي انا كاذبة علي فيصل و كان يندري عليها مأكلة وهدرزة معاش أيجيبني
مروا ... تعالي أعطيني ذوقك يا ميرو في فيلو صورته
اميرة .. ايهبل يا عسل محلاه و أكيدة القالب غالب
ماما .. طيحت رجليا انا و بويا علي ها فيلوات وهيا تشرط
الهام .. معليشي يا أعميمة حقها تفرح فرحة العمر
سميرة .. لكن والله عندك ذوق يا فرخة مروا
ماما .. عقبال نفرحو بانور يا سمورة
حناي .. ياسرها يا سميرة كان جاك فيها حد أعطي بلي ما تاخذيش رأيها
