منقولة
#أشواك_ناعمة
#حلقة_45
أيمن(فرح بطلعة ندي) .. خيرك داهشة بشوية اهو حمودي عندي
(ندي أرتبكت وقلبي بيطلع وحسيت روحي كأنه أول مرة أنشوف فيها أيمن وحسيته زايد في حلاوة أو لأنه انا أنحبه نشوف فيه بزيادة حلو قدمت منه بنأخذ حمودي وحمودي متعنكش في بوه )
ندي(مرتبكة ) .. تي هيا يا ماما نلبسك بس
أيمن ..برا لماما هيا أتلبسك ونرفعك معايا تتغذا هيا يا بابا
(حمودي معنكش في رقبة ايمن)
(ندي قلبي بيطلع لم أنقدم لأيمن ونفسي تغرق وحسيت بحرارة و أرتبكت كان واضح عليا وجهي أتغير)
أيمن(أستاحشتها وتمنيت ضميتها وحضنتها ) .. خيرك مرتبكة أنتي وجهك أتغير اتقول شفتي عدوك
ندي (مرتبكة) .. لا بس
ايمن .. شن بس قصدي ندي حافظك بامليئ يعني علاش تنكري وصايرة فيك حالة ،، ايمن حس بيها تلخبطت حب أيغير موضوع منفخة هلبا رايحة
ندي .. أيه تنفخت هلبا
أيمن .. في ثامن توا ولا
ندي(أستغربت من ايمن حافظ موعدي أكثر مني ) .. ايه في ثامن كيف خشيتله ،،تي هيا يا محمود درهت كبدي ره ره أيديرها عليك
ايمن .. ههههه حقه يا بابا بري خشي انتي و توا نلحقك بيه
(ندي انصدمت معاش عرفت حت نتصرف و قعدت ملخبطة،، وايمن بيخش بحمودي يعني بيراجيني لين انغيرله هو أحديا لين بيأخده )
(ندي خشيت وخش أيمن في جرتي في يده حمودي)
ايمن .. كيف حالك يا حناي
حناي .. أجعنه ماهو حالك من ولدك مكلوب ولد هناء
ايمن (شادحمودي ) ..ههههه خزي كلهم يشكو منك
حناي .. تي وينها هادي ندي أن شالله مزال ما لبستلاش أشماله
ايمن .. اهو يا حناي بنخششولها ما بش أيجيها
(رهف جت تجري و حضنت ايمن من رجليه )
ايمن .. هوفي سمحة خيرها زعلانه حمودي ضاربك ،،حمودي يعيط غاير منها
ماما .. كيف حالك يا ايمن
أيمن .. الله يسلمك يا عمتي ،،والله من امبكري هو رواد يكرشولها في شعرها يا يناري
(خش أيمن لدار ومدلها محمود وندي أتغير لحمودي وقلبها بيطلع و ايمن طول ماهيا أتغير لولده ما نحاش غعيونه منها وهيا مرتبكة)
(قدم ايمن من ندي بيأخد حمودي منها قدم علي وذنها علي فكرة محلوه اكيدة عايشة علي راحتك واخدة راحتك و افتكيتي من نكدي )
