منقولة
#اشواك_ناعمة
#حلقة_6
أستاذ خالد بأستغراب
خالد .. ياساتر ياساتر ندي أنستي نورتي
ندي (بخجل ).. الله يأنسك أستاذ خالد
خالد ... غير شوفي قميصك ما ناشتكش نسكاافي
ندي .. لالا شوي مش باينه
خالد .. عظم الله احرك في الولد يا ندي
ندي ... اجرنا واجرك علي الله بارك الله فيك
خالد .. شن مديرا يا ندي ماشالله زايده حلاوه وشكلها تبزيعت ها نسكافي عين وطارت
ندي ( بخجل ).. ^^^^^^^^^^^^
(ندي طبعها لم تتحشم ولا تخاف تقعد ساكته)
هاجر .. شنو بنقعدو هكي في فم باب كافتيريا
خالد .. عندكم حق عطلتكم علي كل حال اي شيء تبيه يا ندي انتي و هاجر أتفضلي تلقيني في غرفة التدرييس في طابق العلوي
ندي .. شكرا استاذ والله عندي مادة في مجموعه و موعدها بايخ نبي نغيرها
خالد .. ولا يهمك توا نستأذنكم ساعة تانيه اركبولي ونظملكم اموركم
ندي .. حاضر استاذ
خشت ندي وهاجر كافتيريا طلبو كافي وخدو كيكات قعمزو يهدرزو
هاجر .. ريته المعفن علي اساس بيخدمني انا ههههه قالك تبو اي حاجه قولولي يا هاجر وندي هو متحشم يقول اسمك بروحه هههههه
ندي .. تعرفي تحشمت منه بكل حي ع صنة برفان متاعه قريب دوختي
هاجر .. نهارك يا بنت شكلك حبيته ره ههههههه
ندي .. زعمك هذا هو الحب
خلاص بيغمي عليا انا ره ههههههههههه
//////////////////////
سكرتيره ... استاذ ايمن هديل برا تبي تخشلك
ايمن .. قوليلها مش فاضي
سكرتيره .. ان شالله
طلعت سكرتيره قلت لهديل استاذ ايمن مش فاضي
هديل .. انا نبي نخشله نحي من عليا ترا
دفرت لباب وخشت
ايمن (مطبس راسه يخدم ع لاب توب ).. نعم شن تبي
شن عندك جايه
هديل .. جايه بنهدرز عليك بنأخد ونعطي معاك بعقل
ايمن .. من قالك نبي نهدرز انا معاك و ماشالله تعرفي العقل انتي
هديل .. ايمن اسمعني بس
ايمن ناض من مكانه هو متعصب ومتنرفز قدم لهديل وشدها من يديه زوز من فوق وقعد يخض فيها انتي علاش جايه هنايا شن عندك تبي تحرقيني اكتر ما انا محروق ولا كيف
وعيونهم في عيون بعض و كان الحب يلي بيناتهم قوي يشبحلها و هيا عيونها دموع
هديل .. ايمن اطلقني بالله عليك وجعتلي يديا حرام عليك
ايمن زاد ضغط عليها قعدت هديل تبكي ودفها علي حيط هديل تبكي وجها لوطه في الارض
