منقولة
#أشواك_ناعمة
#حلقة_16
مروا تسمع في صوت عياط ندي وهيا غامة وجهها بورغان
مروا نحت ورغان من علي وجه ندي
مروا .. ندو حبيبتي علاش أتعيطي خيرك
ندي .. مضايقة يا مريوه مضايقة
(حضنت مروا ندي و قعدت أتسكت في أختها و أتهدي فيها )
مروا .. أنتي ما تبيش تتزوجي باه علاش وافقتي
ندي .. وفقت علي خاطر ماما
مروا .. شن علي خاطر ماما مهبولة أنتي هذا زواج مش لعب صغار
ندي .. أنا مش عابية علي زواج بكل يا مريوا مش في بالي و بعتالي هو علاش مش كان يحب واحدة ويبيها شن غير رأيه
مروا .. قالو كان يحب و سيبو بعض و بعتالي أنتي و ايمن ما كنتوش علي تواصل أو بينكم أعجاب و حب
ندي .. ولا عمري هدرزت معاه حتي هدرزة نتلاقو بس لوطه عند حوش جدي مافيش أي تواصل بياتنا
مروا .. باه لم سألتك مرة قلتيلي ساهل مع وقت توا أنخبرك
ندي .. كنت نهدرز مع أستاذي و معجبة بيه وبيناتنا أعجاب قوي
مروا .. يعني بيناتكم حب و علاقة
ندي .. لا ما بيناتنش علاقة بس أعجاب قوي مالياش هلبا نهدرز معاه
مرزا .. يعني مافيش كلام رسمي في حب بيناتكم
تعرفي يا ندو لو أنقولك معاش عندي ثقة في شباب بعد يلي دارهلي الحقير معتصم يا ندي مش أي حد أتصدقي ره لا أتحبيه ما تندريش عليه مرات يكدب عليك هذا أستاذك وبلعكس وين تندري مرات أيمن يسعدك و يهنيك بعتالي ايمن ماشالله عليه هو الحق من ناحية عريس ما يتعوضش بس لو مش متريحة ومش متقبلتية كا زوج ليك تقدري تتراجعي علي قرارك وترفضي و ما تفكريش أنه بيصير مشاكل أو حساسيه في العيلة و هذا نصيب و مفروض مافي حد يزعل منه ما تضغطيش علي روحك و اتقولي علي خاطر ماما بعتالي مش بسيف هو لو تبيني أنا أنقول لجدي عادي أنكلمه
ندي(برعشة) .. لالا خلاص هذا نصيبي شن بعد ما شريت حوايجي ولبسي
/////////////////////////////
(مشي أسبوع نوتو ونشرو وشارقين وجري من هنا وهنا )
أميرة .. ندي انحس فيك مش متريحة
ندي .. لا عادي والله
اأميرة .. أنا فاهمة و نعرف ره لو ما تبيشي تقدري تتراجعي علي قرارك
ندي .. لا عادي بس خايفة منه من معاملته ليا انحس فيه ديما جدي
أميرة .. هو عصبي صح واعر بس أحنين ره غير أنتي أتقربي منه وما تعانديشي وحاولي أنك تختزليه
(أميرة كانت متأكدة أنه ايمن بيتزوج ندي بونتو في هديل بتمشي ندي ضحية وتمنت أنها ندي رفضت وكانت شاده في ندي أنها تترجع علي قرارها وحاسة با ندي مش متريحة وخاصتا عارفة ان ندي أنسانة مطيعة وهادية وخوافة )
