منقولة
#أشواك_ناعمة
#حلقة17
أيمن .. تعالي يا ندي قعمزي
(ندي بخوف جت وقعمزت)
(أيمن يدخن ويتكلم و حتي لوجهي ما يشبحش)
أيمن .. أسمعي زواج هذا أعتبرية علي ورق يعني زي الخوت فاهمة شن معنا الخوت يعني مستحيل يصير بياتنا شيء ولا تحلمي أني أنعاشرك أو أنجيب منك صغار
(ندي من قالي ها الكلام وكان لقيت الأرض أنشقت و بلعتني يعني أنا كان تفكيري كله صح و أحساسي )
(وكان كلامه ليا ينزل زي سم )
أيمن .. يعني الحال هذا بيقعد لعند سنة لين أتجيني بعتة تع السفر و أنطلقك وكل واحد يمشي في حاله يعني انا بنسافر و أنشوف حياتي
(يعني نظامك حاليا بيكون وكأني عايش مع احلام أو ألهام معايا في حوش )
(وردي بالك تفكري تلبسي جو أرواب تع عرائيس او أتحاولي تغريني بلبس يعني لبسك يكون محتشم و مستور )
(ندي قطعت عليه بكلمة )
ندي .. بس
أيمن .. أششش ردي بالك أتفكري مرة تانية اتقصي علي كلامي وقت أنا نحكي نكمل كلامي و بعتالي أتكلمي
ندي (بخوف) .. حاضر
أيمن .. طبعا جو تع أطلوع و مناسبات و صديقات(لأ) جو كافيهات ومنتزهات (لأ) و بنسبة لجامعتك تمشي تقري معنديش أي أعتراض برغم أني مش مقتنع بمرأة متزوجة وتقرأ بس زواجنا أحني يختلف مش ح يستمر لو قعدولك مواد وما صفيتيهمش يعني معاش تحلمي ترجعي لجامعة رد بالك اديري جو لبناويت تع هذا صديقي و توقفي معاه وت و تضربهلي هدرزة و انتي محسوبة عليا وعلي ذمتي في نهاية ناس ما تعرفش شن بينا الأ انتي متزوجة ومحسوبة علي ايمن وعندي أصحاب ومعارف هلبا و أولهم مسجل تع كليتك صاحبي ونعرفه كويس و أنتي علي ذمتي ،،،،،،، بنسبة لطبعي صعب شوي وعصبي يعني الكلمة ما نحبش أنعاودها مرتين وصوت عالي نكرها فلهذا رد بالك أتفكري في يوم وتعلي صوتك عليا او حتي علي حاجة ثانية وانا موجود بنسبة حوايجي نلقاهم محددات قهوتي أتكون واتية قبل لا نطلع لشركة جو قعاد في جامعة بعد محاضرات و أستعراض أنثايات (لأ) بنسبة النوم ح يكون أنا هنا في صالة و أنتي في دار نوم و باب شقة ما ينفتحش الأ بأذن مني أن شالله يلي يخبط علي باب أمي ولا أمك رد بالك تفتحي ،،،،، جيران (لأ) خلطة وبلطة زايدة ما نحبهاش
(وردي بالك دوه هادي تطلع من ها صالة و اقسم بالله العظيم نعذمك وندفنك في ها صالة تسمعي فيا ولا )
ندي (ترعش من خوف وربكة) .. حاضر زي ما تبي أنت
ندي .. نقدر نسألك توا
أيمن .. شنو تبي قولي ؟؟؟
ندي .. باه علاش أتزوجتني ما دام ما تبينيشي في حد غاصبك عليا ولا أتزوجتني لأنه حبيبتك أتزوجت
