منقولة
#أشواك_ناعمة
#حلقة_41
هناء (كيف خاشة من شغل)..شنو لحلو أمكسد بروحه
مروا.. أنستي هنو مش غير كساد هو يا اخويلة ملل والله بنموت من الوحدة و انتي في شغل
هناء .. هههه خيرهم رهف و رواد مش معبين عينك أمطايرن كسادك هههههه
مروا.. هههههه اهو أطيرو في كساد عليا صبح رواد ورهف خاصتا كان فاميليا مشو مزرعة
هناء .. اليوم قعدولك صباح شنو مهبلوكش ولا عادي
مروا .. لالا اصلا تعودو عليا رواد عيط شوية يبي يمشي مع ماما وجدي بس حناي قتلهم ما ترفعوشي صقع ويهبلنا هههههه
هناء ههههه
مروا .. خيرك عطلتي انتي اليوم
هناء .. زحمة شوية نقابة وشغل دسم
مروا .. أخويلة أنقولك علي شيء ما تزعليش مني
هناء .. قولي عادي خودي راحتك ههه
مروا .. الحق يا هنو أتعطلي هلبا في شغلك والله تبي حق عنده الحق حمزة و أمه هههه قصدي صغارك أغلب وقتهم ما يشبحوش فيك يعني حتي ءنتي لو خدمتي فترة صباحية خير أقل ساعات
هناء .. هههه حي عليك كان يسمعك حمزة أيحطك في قائمة بيضة و يديرك صاحبته لأنه حكيتي الكلام هذا ههههه
مروا .. والله حقه ره يا أخويلة
هناء .. تبي الحق حتي انا تعبانة من شغل و صغاري معاش لقيتلهم وقت بس خسارة أنا قرايت وتعبت وحضرت بيش أنكون محامية ليها سمعتها انجي توا انسيب خدمتي ،،مصيبة يا مروا لم حبني عارف هدفي وحلمي و قالي مستحيل نحرمك منها خدمتك بعد حصل عليا وتزوجني زبكني في صغار علي رؤاس بعض قالي يا انا يا شغلك
مروا .. ماهو حياة أختلفت يا هنو وانتي قلتها جبتي صغارك علي رؤاس بعض اتنين عنده واتنين عندك يناري والله تبهديل انا نحكيلك مش قالقة منهم صغارك اني أنشدلك فيهم مرات باهي ناقصي ساعات عملك و مش لازم عليك فلاحة زايدة هههه
هناء .. يا بقرة هههه قريب اقنعتيني،، أسمعي أمكسدة انتي أسبوع جاي عندي حفلة في صالة تمشي معايا
مروا .. ياريت ترفعيني معاك
هناء .. تمشي معايا خلاص أماله نروح بكري شوية من شغل بيش أنوتي روحي و نمشي انا وياك بس من بيرفعنا
مروا (خاطري أنقوللها قولي زياد بس أنخاف تكشفني من لهفتي ) .. جدي يرفعنا بس أتخافي من سيارته
هناء .. لالا مستحيل أنفكر فيه بويا مكانها بعيد صالة ومستحيل أنجازف بي بويا توقف بينا سيارته في نص طريق بالله انا وانتي ولابسات قفاطين توا حكاية أتخوف محمود مصطفي مانقدرش انقوللهم و خاصتا مرواحة ليل طريق صعبة خوتي زوز في ليل ما يفرزوش كويس ورضا حيوان بايع سيارة و ايمن معاش أنقدر انقوله عنده خدمة وحوش ايكمل فيه ماليناش الأ فرخ زياد يرفعنا توا أنقوله
