منقولة.
#أشواك_ناعمة
#حلقة_18
(ندي بخوف ما لبست شيء أني أهو شوفني و فتحت ضيء صالة )
(كنت لابسة توتة نص كم فضفاضة وشرط نص ساق يعني مستورة )
أيمن (بتكشيخ هو رأسه علي لابتوب ).. ضفي لخرأ و سقدي روحك شن تبي
(ندي بخوف طفت ضيء وجت قدمت و قعمزت علي صالون هو مقعمز علي فراشه علي لوطه )
ندي (بخوف) .. نبي أنقولك
أيمن .. سبحان الله باه شن تبي أتقولي هيا و أنتي أتلكلكي
ندي .. غدوا عندي جامعة ونبي نمشي و نبيك ترفعني
أيمن .. أن شالله من بكري و أنتي ماشيه جاية و مرتبكة كله علي خاطر تبي تمشي لجامعة
(ندي ساكتة وخايفة و أترجي في أيمن شنو أيرد عليها )
(أيمن يشتغل علي لابتوب حتي شبح ما يشبحلهاش )
أيمن .. باه ساعة كم عندك غدوا
ندي .. عندي8 صباح
أيمن .. تمام خلاص 8 أتكوني جاهزة وردي بالك تتأخري
(ندي فرحانة أنها بتمشي لجامعة علي أقل تتنفس شوية من ها ضيقة )
ندي .. أن شالله قبل 8 أنكون جاهزة وتصبح علي خير
(ندي خشت و هيا فرحانة أنها غدوا بتمشي جامعتها و بتتلاقي هاجر وبتحكيلها وتفرغ شوية علي قلبه)
(فقت صباح من 7 الأ ربع غسلت وصليت وطلعت حوايجي
ومشيت كوجينة وتيتله الفطور وفطرت و بعتالي فاق أيمن دوش و فطر و طيبتله قهوة ورجعت لبست حوايجي و كملت لبس و قعدت مقعمزة علي سرير أنرجي فيه)
(شرب أيمن قهوته في كوجينة و أنا طلعت قعمزت في صالون خش أيمن بيأخد شنطته وفتح ضيء صالة جت عينه علي لبستي و كانت قميص زيتوني و سروال أمريكي أزرق وشاح سكري وحذاء سكري وشنطة بيج داكنة)
أيمن .. شنو هذا يلي لبستيه
ندي ( بخوف) .. !!!!!!!!!!!!
أيمن .. أنكلم فيك أنا
ندي (متخلبطة مش عارفة شن أتقول) .. نعم أنراجي فيك بنمشي جامعة
أيمن .. أستعباط زايد عارفك أتراجي فيا و بتمشي جامعة نحكي علي لبستك
ندي (بخوف) .. لبستي بنمشي بيها
أيمن .. نوضي تحركي عندك 10 دقائق غيري فيهم لبستك و ألبسي عباية سوده و لبس في جامعة معاش تحلمي تلبسيه
ندي ( بخوف) .. حاااضر
أيمن .. نازل انراجي فيك في سيارة و بتزيدي علي 10 دقائق بنمشي و نسيبك
ندي .. حاضر
(نضت نجري غيرت لبستي و لبست عباية سودة
طبعا أنا أنقوله صباح خير و تصبح علي خير بس هو ما يردش فيها عليا )
(طول طريق و أنا ساكته لين نزلت الجامعة )
