منقولة
#اشواك_ناعمة
#حلقة_40
حسين .. هيا غيري حوايجك خلي نتعشو برا
أميرة (بأبتسامة) ..هيا شوية بس
حسين .. تمام اهو أنراجي فيك ما تعطليش
(مروا صحت خلاص بس جو حوش راح كأيب ومش حلو من دون وجود أميرة وأروي ،، طول الوقت وهيا مكسدة بروحها وهناء في شغل و ماما وحناي طالعات و حسام مسافر واك حوش علي كبره هدوء بالله خلي أنكلم ندو بالك اتجي تخطم اتهدرز وخديت نقالي وشرينت علي ندي )
مروا .. الو كيفك أوخيتي كيف حالك
ندي .. مش تمام والله قالقة وخلوقي ضايقات ونفسيتي تحت صفر
مروا .. خيرك شن فيك بالك من حمل
ندي .. مش عارفة والله انتي شن جوك اكيدة مكسدة
مروا .. مش غير أخيه الحوش بارد مصقع هدوء ،،شن حال غزالي
ندي .. غزالك اليوم ضربته ههه
مروا.. يعطيك كصرة في مكصيرك يا بقرة علاش تضربي فيه صغير ما يفهمش
ندي .. والله كان تحصلي عيل زي ولدي تقتليه مولي بينكلب و يمرد و كل شيء يجبدلي فيه ومعاها عياط و عاد أيمن ما تضربيشي وسعي بالك معاه ،،حمودي يشبح لأمه و يتلحق في نقال ،، تعرفي جاني يمرد اتقول زابط دوه عليه هههههههه
(ندي وانا نهدرز نسمع في مفتاح باب شقة ،، اهو شكلة ايمن جي )
مروا .. باهي قولي لأيمن أيجيبك يا ندو والله مكسدة وقالقة
ندي .. مش عارفة والله ساعة توا قريب 8 ونص نسأل ايمن قبل
(أيمن تعالا يا بابا هيا حمودي فيسع وحمودي يضحك لايمن و جاه يجري)
أيمن (شاد حمودي).. علاش بتسألني
ندي .. مروا قالتلي تعالي كسدي أمكسدة بروحها وماما وحناي طالعات والحوش فاضي
ايمن .. قوليلها تعالينا انتي ماناش طالعين صقع علينا ههه
ندي .. تسمعي فيه شن قالك ،،ندي فاتحة سبيكرا
مروا .. هههه قوله بلا براده ورأسك ياايمن شن بتجيبهم علي رجليك انت بتجيبهم في سيارة
ايمن (يضحك).. هههه نقصي لسانك قبل
مروا .. هههه هيا ورأس ندو وحمودي ههههه
ايمن(أيكلم في ندي) .. خاطرك تمشي انتي يا ندي ،،و بعتالي يا مروا ما شبعتيش منهم أسبوع يلي فات قعدو حداك
ندي .. سمعته هههه
مروا .. غير هيا اهو بنحط حليب علي نار ونراجيكم ره
أيمن .. حطي ،، يعطيك ما يغليك في قدر سخون معبي ميه هههه
ندي .. هههه خلاص أماله صكري هيا علي ما لبست عبايتي ولبست حمودي
