منقولة
#أشواك_ناعمة
#الحلقة_(3)
رتبناا أمورنا وانتقلنا لحوش جدي خلال أسبوع من كلام جدي وفسخت خطوبتي و خشينا حوش جدي ما كنتش نتخايله هكي صراحة مكان جميل حوش ماشالله كبير من حوله حياش خوالي ماشالله صور كبير وحياش كبيرة كان استقبلهم فينا في قمة روعة
/////////////////////
خشينا شقتنا شقة تهبل كبيرة
مروه ..محلاها دارنا يا ندو مش مصدقه كانا في حلم
ندي .. وانا أحرف منك اقسم بالله
مروه .. قصدي انا مستغربة في ماما كيف كانت عايشه في ها العز ورضت بعيشه مع بابا
ندي .. يا مروه الفقر مش عيب ولا حرام بس عيب وحرام في المعاملة زفته في الاهانات وذل مسكينه ماما قديش تحملت عذاب من حناي وبابا وعماتي مع هذا ماتجوز عليه كان رحمة
مروه .. ايه والله
ماما .. اأن شالله انتم قاعدات فايقات ارقدي انتي وياها غدوا جمعة ره نظام خوالك يوم جمعة الغدي مع بعضهم لوطه
ندي .. باهي يا ماما اهو خلاص بنرقدو
مروا .. ايه خلاص توا 1 ونص حت انا نعست بنرقد
ماما .. خلاص هيا ارقدة ماله
ندي .. ماما راك تنسي و تصكري علينا الباب عارفتينا لا انا ولا مروه نتحملو ظلام
ماما ... الله يسامحك يامحمد قريب ركبتلهم حالة نفسيه البنات
مروه .. ايه يا ماما ضفي ضيء دارنا و افتحي بابها وخلي ضيء حمام مفتوح يا ماما
ماما .. خلاص هيا تصبحو ع خير حبيباتي
ندي مروه .. انتي بخير ياماما
/////////////////////////
ماما وئام فاقو ساعة 8 صباح
ماما الله علي راحة نفسيه وعلي حوش الأهل مافيش زيه قديش ليه عليه خلي ننزل نفطر مع امي وبويا
نزلت ماما تحت لقت حناي وجدي فايقين و حناي حاطه شاهي ع نار
ماما .. صباح الخير جمعتكم امباركه
جدي وحناي .. صباح نور انتي يا جموله جمعتك ابرك
وئام .. صباح الخير جدو
جدي .. صباح نور يا غلايا هيا تعالي خلي نجيبو أخبيزة ساخنة علي ما حناك وامك وتو الفطور
ماما .. مافي حد غيركم نايض
حناي .. هذيما ما يعرفو ينوضو ديما انا وبوك اول وحدين في حوش نوضو هناء صغارها يقلقو فيها في ليل وسهرو فيها واميرة خميرة نوم حتي صيدلية ما تنوضلها لين اذوبلي كبدي بوك في شتيء كان ناض الفجر 6 يصلي الفحر ونفطرو ويمشي المزرعة كان متأخر شوي مع 10 وبيمشي مزرعة نمشي معاه حت انا ،،،،،،، مرات يجي مصطفي ولا محمود ولا خديجه يفطرو معانا خاصتا كان فرشت برا في جنان صوت يوضح وهما هوينا بايبان أحياشهم خوتك يفتحو في جنان وعندهم بايبان تانيات يفتحو علي شارع الأ مجدي لوحيد صكره باب يلي يفتح في جنانا بعد كثرت مشاكل بينه وبينا وبين هناء وخاصتا بعد اختك أطلقت وعارفه طبع مجدي انتي من زبيبة يسكر ومرته أحرف منه وهناء صغارها علي رؤاس بعض شواطين
