منقولة
#اشواك_ناعمة
#حلقة_26
أيمن (بعصبية وعيونه يفنصو) .. علاش حذفتي جهازك شن كنتي أديري
ندي (بخوف بربكة و رعشة) .. ما كنت أندير في شيء
(أيمن بعصبيه قدمتلها و طبست عليها بناخد منها نقال سبقتني عليه وخدته هيا و شدتلها شعرها) .. اتكلمي شن اديري شن فيه نقالك مع منو كنتي تهدرزي
ندي .. أيييي رأسي حرام عليك سيبني والله ما نهدرز مع واحد بالله عليك ما تضربنيش
أيمن (ضربتها كف وشدتلها شعرها و يتكلم بعصبية) .. هاتي نقال خير ما نقتلك
ندي (تبكي وبخوف).. نقالي معنديش فيه شيء خااص عييت أنا من ضرب من الأهانات
أيمن( شاد ندي ويخض فيها بعصبية ونار بتطلع من عيونه) .. شن عندك فيه جهاز ره نقتلك يا ندي ما تخليش جنوني يركبو هاتي نقال
(قعد يجبدلي في شعري وشدلي يدي و يكر في نقال وانا داهشة بين أيديه ما نبيش نعطيله ما نبيشي يقرأ شن كاتبة لهاجر و انعيط حرام عليك سببني ومديتله نقال ايمن خدي نقال )
ندي (أنفجرت في وجه وأنخبط علي صدره).. هاك خوده نقال وسيبني جسمي تعبانة حرام عليك هذا نقال معاش نبيه بكل خوده تبي تعرف علاش ما عطيتهاكش تبي تعرف مع من كنت أنهدرز فتحته وريتله هدرزة مع هاجر كنت نبكيلها ونشكيلها منك أنت ومن معاملتك ليا كنت أنقوللللها كيف بندير وانا حامل منك
(أيمن سمع كلمة حامل سيبني وقعمز علي سرير وبدي عرق )
ندي .. أهو نقال تفرج شن كنت نشكيلها كيف بنواجه حياتي يلي دمرتهلي حرمتني منها وبطلتني من قرايتي ومن أبسط أحلامي وحقوقي و حلم دراستي من دون ما تسمعلي ضربتني و اغتصبيتنيو ذليتني مرضتني و كرهتني في حياتي حرام عليك شن ذنبي تتزوجني ما تبينيش علاش تزوجتني شن ذنبي نمشي ضحية حبك فاشل مع واحدة فاتتك وباعتك علي سبة فلوس شن ذنبي تحرمني من طعم زواج وحلاوته شن ذنبي تحبسني بين 4 حيوط شن هو يلي درتهولك انا شن ذنب ها العيل يتربا بعيد علي بوه شن ذنبي تقررلي أمتي نطلق ،،،ومعاها شاك فيا تحسابني أنهدرز مع ولد انا يا أيمن ماما ربتني أحسن تربية انا وخواتي مش انا يا ايمن يلي أنخون شرفك ولا نصاحب عليك مش انا يلي نمشي ونفشي أسرار حوشي مع هذا ياريت غير أمقدرني و ديرلي قيمة ،،،عرفت توا سبب علاش معاش رديت عليك و تغيرت عليك عرفت توا تريحت حتي اليوم سغلتني ماما وعرفتني حامل تسأل فيا ما خطرش في بالي نقوللها أغتصبني وحملت باالأغتصاب من ولد خوك يلي شك في شرفي وهني وضربني وعلم علي جسمي زي ما كان بابا أيديرلك شن دنبي مش حرام عليك مع هذا ماتسمعش مني الأ في كلمة حاضر ونعم ركبتني الخوف ورعب ورعشة
أنهرت و قعمزت علي الأرض و بديت نبكي بعبرتي وشهقة
(أيمن مصدوم مقعمز ع سرير )
ندي لعند أمتي وأنا هكي خلاص قصرلهلي وريحني وطلقني الله يربحك ره عيييت من نفاق قدام أهلك و أهلي عييت من من كثر ما تحملت (نبكي منهارة )حبيتك يا أيمن مع كل شيء درتهلي تعودت علي صوتك و طلتك ما قدرتش نكرهك برغم أنك عارفة معنديش مكان في قلبك معمركش عطيت لروحك فرصة و تتقربتلي توا مش طالبة منك حتي حاجة الأ حاجة واحدة ما تحرمنيش من يلي في بطني انا لو ماما أتصيرلها شيء ولا جدي من بيا بعد ربي ما تحرمنيش من نعمة يلي ربي عطهولي بالله عليك حرمتني من قرايتي وكسرتني ما تحرمنيش من ولدي والله متنازلة علي كل شيء
( نبكي وانا مقعمزة شاده في رجل أيمن)
