منقولة
#أشواك_ناعمة
#حلقة_8
زياد يتقرب من مكان و مستغرب هادي خيرها عقلها مضروب شن طلعها لمربوعة شن رفعها اصلا اقسم بالله كلا بنت هادي متليطه رسمي ماله لكن فضول بيقتلني نموت ونعرف شن ا أدير هادي كلهم يأكلو وهيا ماشيه تدحنس لمربوعة مناسبات
مشي زياد بشوي ولقي باب مردود مش مصكر و قعد زياد يدف فيه بشوي بدون صوت بيشوف شن ادير مروه لقاها كيف بتصكر شباك مربوعة يلي علي شارع
زياد (بصوت عالي ) .. شن أديري شن عندك علي شباك شارع برا
مروا أنخلعت ورعشت وردت عليه بكل قوه
مروا .. انت شن دخلك فيا خير بلاك لحقني زي خيلي
زياد (بأعلي صوته).. يقدم منها شن أديري قولي علي شباك في من كنتي تكلمي
مروا .. ما كنتش نكلم في حد كنت نصور في ستارات تع مربوعه عمتي تبي زيهم
زياد ..( يقدم منها ومتعصب ).. شن تقولي انتي قصدي هادي كذبه هيا بتمشيها عليا ولا كيف علي شن ناويه انتي
مروا .. انت شن دخلك فيا نبي نعرف شن ليك علاقة بيا
زياد .. ليا علاقة بيك مدامك خشيتي الحوش هذا بتحترميه وبتحترمي نفسك وبتحترمي حرمة هالحوش غصبن عنك تحبي ولا تكرهي
مروا .. شن قالولك عليا انا يعني ما ننفعش
زياد .. والله لو بتمشي في جو يلي ديرتيه لعمرك مش بعيد عليك اتولي ما تنفعيش
مروا حست كلام زياد زي سم
مروا .. احترم نفسك وتكلم باهي
زياد .. لم انتي تحترمي نفسك وتبطلي من حركاتك يلي اديري فيهم ولبسك يلي زي وجهك وضحك زايد وتسهويك مع هذا وهذا هذاك الوقت نديرلك قدر ونحترمك
مروا .. اصلا ما تهمنيش انت ولا يهمني رأيك فيا
زياد .. تم يا مروا توا تعرفي لفرخ يلي تتوعدي فيه كيف نجيبه كيف نشهدر بيك شوي بس راجي عليا كان ما خليتك تندمي علي اليوم يلي انجبتي فيه ما نبداش زياد وحطي ها كلام دماغك
مروا .. نحي من عليا ترا ناقصني ناس مريضه زيك بعتالي كان حبيت و كلمت شن مشكلة علاش انت معمركش كلمت بنت
زياد .. تعرفي بجد متأسف لحالتك وصلت لعند هكي
مروا .. اتأسف علي حالتك انت يا مريض يا متعقد
طلعت من حدا وصرفقت باب
ندي .. نايضه بتجيب مسير من مطبخ
مروه خشت من باب مطبخ يلي يفتح ع جنان
ندي .. وين كنتي انتي نحسابك فوق انا حتي ماما سألت عليك
مروا .. ايه كنت فوق كيف نزلت
ندي .. كيف كنتي فوق ونزلتي هادي كيف اتجي يعني نزلتي من سمي طول مافيش باب ينزلك من شقتنا ع كوجينة طول
مروا (بصوت عالي) ...واك واك واك
خشت من كوجينه وركبت فوق بكل عاودت كلمت معتصم
