منقولة
#اشواك_ناعمة
#حلقة_39
ندي.. منو
زياد .. انا زياد
ندي .. شوية بس (لبست مصليتي و فتحت باب)
زياد .. كيف حالك يا ندي وحال حمودي
ندي .. الله يسلمك يا زياد حمد الله أتفضل
زياد .. والله أنا جايب نقال مروا معايا كان عندي تبيني أنصلحهولها
ندي .. تمام ،،بس مروا مريضة قاعدة في دار خشلها بمرة أعطيها عصير ،، وأنا عندي ما أندير
(ندي خشيت لدوش وزياد خش لمروا في دارنا)
زياد .. السلام عليكم خيره الحلو مريض
مروا (بخجل و متحشمة من يلي صاير معاها أمس و كيف قضت ليلو هيا في حضنه و مش قادرة تتحرك و ذوب ما تتكلم) .. و عليك السلام أتفضل
زياد (قرب منها ) .. ألف لباس عليك
مروا(و هيا دوب ماتتكلم و عيونها ذبلانات ).. الله يسلمك ما يوريك باس يارب
زياد (جبدت كرسي وقعمزت قريب عليها وحطيت يدي علي جبهتها وخدها أنشوف في حرارتها) .. مرضتي من جو أمس مصقع و جاية شعرك مبلول مفروض جففتي قبل لا تجيني نوضي نرفعك مستشفي هيا
مروا (حسيت بشعور دافئ و هو حاط يده عليا) .. مانحبهاش مستشفي نحسها اتزيد أتمرض فيا،، زياد أول مرة أنحسك حنون معايا
زياد .. ههههههه ماهو لأنك مش متقربة مني قبل ديرتيني عدوك
مروا .. باهي عادي تعتبرني أختك ونتقرب منك و أي حاجة أضيقني نحكيهالك
زياد( مش عاجبته كلمة زي أختك ).. أيه عادي أي شيء يضيقك ويتعبك أحكيهولي ،، خلاص عاد أمس ضربت صدري وقتلك أي حد يضيقك ولا تضيقي كلمني بس و معاش أدوري أعتبري موضوعك تم
مروا .. مش عارفة كيف نشكرك بجد صحيت هلبا
زياد (يتسهوك).. يسلملي أزويق أبو عيون ذبلانات ههه
مروا (هيا دوب ما تضحك).. هههه زياد تفتحلي عصير عطشانة
(زياد هو قريب منها فتحلها عصير و سعدها علي تقعميز وشربهالها)
مروا (متحشمه) .. شكرا
زياد .. يناري علي أسلوب وذوق وهدوءة هههههه بس مش معقولة ره تقعدي هكي ما تمشيش مستشفي
مروا(تضحك) .. هههه خزي عليك علي أساس أني شيطانة هلبا ،، توا أنصح أهو ماما بكري جبتلي دواء
زياد .. أسمعي انا عطلت و توا ندي تطلع تلقاني قاعد معاك مش حلوة لقطة المهم هذا نقالك و معاش تفكري في شيء و تبي أي شيء أبعتيلي علي فايبر ،،راهو مش في مشاكل بس حتي فلوس تنقصك أو أي شيء
