STUCK BETWEEN TWO BLUE-HAIRED GUYS ( #wattys2020 ) [UNEDITED]

BLUE-HAIRED NINE

CURIOSITY

It took minutes before we parted our hugs. Ako lang pala, bigla ko kasi siyang naitulak mula sa pagkakayakap dahil may biglang napadaan na tatlong grupo ng mga babae.

Nagmadali akong maglakad paalis, kinakabahan man ay dumiretso pa rin ako sa tabi ni Alyzza na kausap pa rin si David, mukhang nagkakatuwaan. Maayos na ata silang dalawa.

Hindi nila napansin ang pagdating ko.

"Ano ng ganap dito?" Tanong ko kay Alyzza.

"Oh, nand'yan ka na pala," medyo gulat niyang lingon saakin.  "Saan ka ba pumunta?"

"D'yan lang, nag cr." I lied.

Thanks god at wala atang nakapansin sa paghila saakin ni Daniel kanina.

"Kayong dalawa ni King? Wala rin siya kanina, eh." May bahid ng pagdududa sa boses.

"So, 'pag wala siya, ako agad kasama?"

"Aba! Malay ko. Kayo lang naman dalawa ang wala dito. Who knows, magkasama nga talaga kayo sa cr." Then she laughed.

"Ikaw!" Umilag siya nang kukurutin ko na sana siya sa gilid. "Tigilan mo nga 'yang nasa isip mo. Ang bata-bata pa natin, eh," pangaral ko. "Hindi kami magkasama, okay?"

"Kalma," itinaas ang dalawang kamay bilang pag-surrender. "You sounds defensive."

Jusme! 'Di 'ko na alam ang gagawin ko sa babaeng 'to. Eh ba't ba saakin hinahanap ang mukong na 'yon? Well, oo magkasama kami pero magkamatayan muna bago ako umamin. Kung ito nga, binibigyan na niya ng ibang meaning, what more kung malaman niyang nagyakapan kami do'n? No way.

Hindi na lang ako nagsalita at hinayaan kong magkulitan ang dalawa. Sa likod ako ni Alyzza habang kaharap naman niya si David.

Iginala ko ang paningin sa venue. Maganda ang ginawang decor dito. Halatang professional ang nag-organize. From a plain pool area to an enchanted place. Wow.

Naagaw ng pansin ko ang mga balloon at petals na nakapaibabaw sa tubig ng pool. Nilingon ko si Alyzza na busy pa rin sa pakikipagkulitan kay David. Hindi ko na lang siya inabala at dumiretso na ako sa tabi ng pool.

Ang ganda naman dito. Parang gusto ko tuloy maligo, kaso baka isipin nilang may sira ako sa utak kung bigla na lang ako tatalon. Maybe next time.

Humalukipkip na lang ako saka tiningnan ang paggalaw ng tubig, kasabay nang mahinang pag-alon ng balloons at petals.

Gustong-gusto ko talagang nakakakita ng tubig, nakakarelax. Lalo na kapag marami akong iniisip, sobrang nakakagaan ng loob.

May mga oras kasi na nadadatnan kong nag-aaway sina mommy at daddy tungkol sa isang bagay kaya ang ginagawa ko, sinusubsob ko na lang ang sarili sa bath tub. In that way, medyo gumagaan na ang pakiramdam ko.

Magmamartsa na sana ako paalis, nang may pumatong na braso sa balikat ko.

"You like it?"

Mabilis kong inalis ang pagkakaakbay niya sakin. Tiningnan ko ang paligid, nakahinga ako nang maluwag nang makitang walang nakatingin saamin.

Binalingan ko siya saka tiningnan nang matalim.

"Bakit ka ba nang-aakbay? Baka may makakita. Ayaw ko ng issue."

Hindi siya nagsalita, sa halip ay umakbay ulit sya. Seryoso at diretso lang ang tingin niya sa pool. Masyadong mahigpit ang hawak niya kaya hindi maalis nang sinubukan ko ulit hawiin.

"You know what I can do with your love letter, right?" Tumingin siya saakin habang may pilyong ngiti sa mga labi.

"Ano bang pinagsasabi mo d'yan?" Naguguluhan kong tanong.