STUCK BETWEEN TWO BLUE-HAIRED GUYS ( #wattys2020 ) [UNEDITED]

BLUE-HAIRED FIFTEEN

NO

Hinayaan ko lang si Alyzza na hilahin ako palayo sa college building. Gulat at pagkadismaya ang tanging nararamdaman ko. Ni hindi ako nakabigkas ng kahit isang salita nang marating namin ang dorm.

Tahimik akong nahiga sa kama ko nang mapansin ko ang pagtabi saakin ni Alyzza. Naupo ako saka humarap sa kaniya upang pantayan ang tingin niya.

"I know what you are thinking. Hindi niya 'yon girlfriend." Aniya.

Tamad ko siyang nginitian bago tanguhan.

"Matutulog na muna ako." Tanging nasabi ko na lang.

Aapela pa sana siya pero sa huli, hindi na rin siya nagsalita nang nagtalukbong na ako ng kumot.

Kusang tumulo ang kanina ko pa pinipigilang luha nang maramdaman ko ang pag-alis niya sa gilid ko.

Sobrang bigat nang nararamdaman ko at hindi ko alam kung bakit. Sa pagkakaalam ko kasi, simpleng crush lang nararamdaman ko kay Jack. 'Yon lang.

Posible ba talagang masaktan ka kapag nalaman mong may girlfriend na ang crush mo? Kasi ako, sobrang nasasaktan ako.

Mas lalong tumulo ang luha ko nang sumagi sa utak ko ang imahe ng babae kanina.

Sobrang ganda niya. Ayaw ko man aminin pero bagay silang dalawa. Sobrang bagay nilang tingnan dalawa.

Anong laban ko do'n? Highschool lang ako, sila, college na. Ka-level na nila siya. Kahit anong pilit ko, iba pa rin ang mundo nila sa mundo ko.

We're not compatible. At 'yon ang masakit.

Suminghot ako saka ko binawasan ang unan ko. Mas mabuti pang itulog ko na lang 'to.

Marahas kong pinikit ang mata ko para piliting makatulog, ngunit wala pa rin. Nagpaikot-ikot pa ako sa higaan, pero sadyang ayaw makisama ng mata ko.

Napasimangot na lang ako nang masulyapan ko ang katabi kong kama. Sarap na sarap sa tulog si Alyzza, tila ba walang kapro-problema sa mundo.

Kung sana ganoon na lang din ako. Tamang sigaw at kilig lang. 'Di tulad ng sitwasyon ko ngayon, crush pa lang, iniiyakan na.

Suminghap ako nang mawalan na ako ng pag-asang makatulog. Hinawi ko ang kumot ko saka maingat na tumayo.

Dahan-dahan akong naglakad patungo sa may pintuan. Sinulyapan ko muna ang lagay ni Alyzza bago ko tuluyang buksan ang pintuan.

Nakahinga ako nang maluwag nang matagumpay akong nakalabas na hindi siya nagigising.

Malamig na hangin ang sumalubong saakin. Niyakap ko ang sarili ko habang palingon-lingon sa paligid. Nang masiguro kong wala ng tao ay saka ako nagsimulang maglakad.

Alam kong bawal lumabas ng ganitong oras, sa kadahilanang may curfew kami pero gusto kong maglakad-lakad muna. Pampa antok lang.

Tahimik lang akong naglalakad sa walang katao-taong hall way. Alas dose ng madaling araw ngayon kaya hindi na nakapagtataka kung lahat ay tulog na.

Abala ako sa pagmumuni-muni, nang may narinig na lang akong kaluskos. Saglit akong tumigil para pakinggan kung saan nanggagaling ang ingay.

Dinala ako ng aking mga paa sa isang puno malapit sa kinatatayuan kong building.

"Dito ko naririnig, eh." Bulong ko sa sarili.

Takot at pangamba ang naramdaman ko nang nasa madilim na parte ako.

"Ahh!" Napasigaw ako nang may kumaripas ng takbo na isang kulay puting pusa. "Bwesit kang pusa ka!"

"Stay still."