.. 😍 انني هنا.. من بعد ما فكرت مزياان قررت نكتب قصة .. ولكن بعيييدااا على كل القصص لي قريتو .. يعنيي مافيهاا تا حاجة من لخياال اي حاجة قريتووهاا حقييقية .. هاد القصة مبنية على احداث واقعية 100 % هادي شحال فكرت نكتبهاا مكتاابش .. و دب قررت نكتبهاا ح...
#عند_يوسف كان جالس و مرجع راسو لور بتعب .. تا حس بقرصة طالعة معاه و غوات كان غيصمك لو وذنيه.. سعاد: ويليييي ويلي ولد لحراااام ( كتقرص فييه و تغوت فوجهو ) فيييين ندير وجهي انا فييين جاي عندي بحاال شيطان.. يوسف: مييي را دبااا دخلت راني عياااان ماتبدااايش تاني.. سعاد: كيفاااش شوووف حالك وااااااشم و حراااام .. يوسف: ( تنهد.. بقا غير ساكت مكيجاوبهااش مخليها كتغوت ).. سعاد: ادويييي اداك لمسخوووط هادشي لاش حركتييي باش ترجعلي كيف شيطاان علاش وشمتييي ..( كتشوف فيدو ) شوف حالتك.. تفووو يوسف: و صااااف صافي دبااا جييت باقي ما سخنت تا بلاصتيييي هادشي عاجبني و ماسوق تا واحد فيااا و را وشام و صاف مافيه والو .. خلاها كنتغر و تعاير فيه و دخل لبيتوو.. الباليزة كان حاطها فوق ناموسيتو.. حلهاا و جبد حوايجو كلهم خدا شورط فدجين مع تيشورت كحلة.. دخل لحمام دوش و حيد لعيا لي كان فيه.. خرج نشف راسو و لبس حوايحوو.. تيشورت جاتو لاصقة و بينات فورمتو من لفوق .. تمشا جهة المراياا.. مشط شعرو مرجعو لور.. و دار ساعة فيدو.. و خرج سعاد.كانت كتقلب فلباليزات و تشوف لي كادو لي جايب من لخاريج غير لمحاتو و هي تمشي عندو.. سعاد: اربي اولدي غير قولياا دكشي كيتحيد ياك .. يوسف: الوالييييدة را جاااااي باش نرتااااح ماشي تزيديها عليااا صافي عاجبني راسي هاكة و مدخليييش فيااااا و اخر مرة تجبدي هاد الموضوع ولا غنقود نرجع بحالي.. خرج و خلاها غتاكل جنابها فلفقصة .. جمعات دوك لباليزات داتهم لبيتها و شي لاخر داتو الكوزينة.. غادي مخنزر و داير يديه فجيبو و لي داز من حداه يسلم علييه و يصافحو وصل لدار صاحبو الانتيم امين: ( خرج عندو عريان من لفوق حل ليه لباب و تصافحوو بقوة ).. فوقاش وصلتي.. يوسف: مع ال 10 ديال صباح.. امين: رجعتي لهاد لموغريب ديال لويييل.. يوسف: ههههه و ياااه و ماناويش نرجع بيني و بينك.. امين: تا راك مخور فعقلك شغادير فهاد المغريب مكااااين واالو غير المشاكل.. ونتا را عفا عليك الله و خرجتي منو.. يوسف: خلينا دبا من هادشي . نتا شكتعاود.. دخلو لداخل.. جلسو فصالون يوسف سرح رجليه و جبد كارو يكمي.. امين بقا حاضيه.. امين: وشام واعر اسااط.. يوسف: ههههه ياك #عند_سمر سمر: هووووف ناري ياختي شحفت شحفت.. يسرى: زيدي لمك را باقي ما وصلناا سمر: لا ياختي ولاهيلا صافي .. ( جلسات قدام واحد دار كتسترجع انفاسهاا و شعرهاا الطوييل البني كيديه الريح.. هادشي لي كيميزهاا ).. يسرى: وازيديييي اصاحبتي مابقا والو.. سمر : بربي لا زدت خطوة وحدة لا.. را الساعة تانية عدنا حصة ولا نسيتي.... #يتب_____ع #توقعااتكم؟ ♠ نتي ليا و نديك بسيف ♠
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
