.. 😍 انني هنا.. من بعد ما فكرت مزياان قررت نكتب قصة .. ولكن بعيييدااا على كل القصص لي قريتو .. يعنيي مافيهاا تا حاجة من لخياال اي حاجة قريتووهاا حقييقية .. هاد القصة مبنية على احداث واقعية 100 % هادي شحال فكرت نكتبهاا مكتاابش .. و دب قررت نكتبهاا ح...
رجعات بيه الذاكرة لور .. تفكر اياام لي كل مرة فاش كطييح فباالو كيتجرح و قلبو كينزف لحد ساعة مقدرش ينساا .. #فلاش_باك سارة: ( باستو ففمو ) كنبغيك بزااف ايوسف.. همم بغيتي نقولك يوسف ولا جوزيف؟ يوسف: ( بضحكة جانيبة و دايب فعويناتها ) لي بغيتي احبي .. سارة: ( تخشات فصدروو ).. يوسف: كنتسناا غير امتاا تكوني حلالي و نجيب منك شي كتكوتة كتشبهلك.. سارة : امم و شي فنيكيش يكون كيشبهلك.. يوسف: ( باسها فخدهاا ).. هادا هو الحلم ديالي.. سارة : غنعيشو هنا ياك مغنمشيوش المغرب.. سارة : غنتسنااك تا تكملي قرايتك.. سارة : بغيت نبقاو هناا يوسف: را 9 سنيين ما شفت ميي .. سارة : صافي تا يجي الوقت و نهضرو فهاد الموضوع سارة بنت كازا تاهي .. فعمرهاا 21 عام مشات لايطالياا تكمل قرايتها تماا.. و فديك العمارة لي كانت كارية فيهاا كان كاري فيهاا تا يوسف.. بصدفة تلاقااو سارة اول مرة شافتو عجبهاا سطاها.. حيت زينو مختالف حرش.. و حرووف كحليين مع لحية خفييفة و عينيه ماتقدرش تفرز لونهم زرق مخلط مع لكري... و الوشاام لي زايدو جمال و روجولة.. كيفاش كيمشي واثق من راسو.. تغوبيشتو.. ابتسامتو الساحرة.... من شوفة فيه تعرفو قاصح عجبهاا حيت ماشي بحال الكاورين زينهم مبنت.. جاو صدف تلاقااو و هضرو مع لوقت بغاو بعضياتعهم ديك سااعة يوسف كان خداام فصناك صغيير.. شي لي كيتخلص بيه يلاه كيقدو للكرا و الماكلة و البراكة لي كيصيفطها لمو كل شهر.. بغاو بعضيااتهم لدرحة كبيرة.. كان مستعد يديير اي حاجة على ودهاا .. بدا يرسم مستقبالو معاها راسم صورة فبالو .. واخا مكانش بستطاعتو كيمشيي يسلف و يخرجهاا و يشري ليها لي بغاات.. مع لوقت تزير.. خسر خدمتوو.. بقا عايش غير بلفلوس لي كانت عندوو تا تسالاو هما لخرين .. مع لوقت تبدلات ولات وحدة اخراا.. مكدويش معاه .. و مكتعطيهش وقت و هو تابعها بحال شي كلب دل راسو ديال بصح..و هي تقوول غيير سحرو ليهاا تقلباات دغياا.. مع لوقت بعد منهاا ولات حالتو حاالة.. ديما شرااب و المخدراات خرجات ليه على حيااتو مابقا كيضحك ولا تا حاجة.. ولا كل لييلة يشرب باش ينساها ولكن والو كيمشي يغوت حدا بااب دارها.. تا تشكااو جيران و جرااو عليه من البرطمة.. ولا كينعس فالخلا مع شماكرية.. مع لياام تلاقا بيهاا خارجة من طوموبييل غاليية و كتضحك و شادة فيد داك راجل .. قرب لجهتهم و شاف خاتم الخطوبة فيدهاا تماا تصدم.. و هي مبدلة حالتها حالة لابسة غير الماركة.. هي شافتو معبراتوش بحالا ماكتعرفوش حس بشمتة و بنار شاعلة فقلبو .. مقدرش يزيد يصبر عطاهاا للحنك تا طاحت.. و نزل على هدااك كيضرب فيييه تا هرسليه نيفو خلاه كينزف تدخلات و بعداتو.. سارة: طلق منوووووو. طلق( كتغوت و تجر فيه ).. يوسف: ( خلاه و تقابل معاها شدها من شعرهاا زير عليهاا ) علاش هو و مااااشي انااا علاااااش ياك بغيييييتك و عطيييييييتك اي حاجة بغيتيهااا كنحيد من راااسي و نعطييييك.. هادشي باش تجازينييييي هاا سارة: .. كيفاااش بغيتيني نبقاا معاك و نتاا تا خدمة معندكش دويي.. كيفااش بغيتيني نعيش معاك و نربي معاااك ولادي سير قلب على البنت لي تصبر معااك اما انا لا.. شاف فيهاا بنضرة كلها انكساار.. و نزلات دمعة من عينييه.. على ود لفلوس بدلاتو اه يا دنياا الى معندكش فلووس ماتسواا والو حقد على جنس المراا و حلف لا باقي بغاا شي وحدة..مع لوقت ولا واحد اخور.. زنقة علماتو شلا حواايج.. خدم بزنااز تماا بضبط ف نابولي.. تلاقاا مع لعرب تما بزااف تعرف على مغربي سميتو حمزة كان خدام بزناز فداك لحي فعمرو 35 عام.. ولاو اصدقاء عيشو معاه و سكنو فدارو و خدمو معاه ووراه الطريقة دلخدمة ... دار علاقاات و خدم بزناز معاهم فواحد الحي.. مع لوقت ولا اكبر بزناز تما كان معرووف كيبييع الماريجوانا..و تما باش كيتعرفو البزنازة.. لدلك وشم ديك الوشمة فوسط صدروو ( مثلث وسطو فراشة ) كاع لزنازة فديك لبلاصة واشمينهاا معروفين بيها دهل يتريني رجع صحتو هادي شحال و فورمتو زادت برزات ..دار لفلوس شرا دار و طوموبيل .. راكم عارفيين فلخاريج دكشي كيجيب لفلوس ماشي بحال هناا.. حقق اي حاجة كان كيحلم بيها..و نهار كيتوحش .. كيمشي لعند شي قحبة كيحوي و يخلص.. و دبا قرر يرجع لعند ميمتو.. حيت ديك لبلاصة من نهار مشا ليها ماشاف نهار زوين.. غير تماارة و المشاكيل ( للملاحضة فقط.. كان بزناز يعني خداام هو و شي دراري كيبيعو لناس لكبار و يجمعو لعاقة.. ماشي خدام مع المافياا.. ) #الرجوع_للخاضر.. كان كيتفكر و منغامس تا فيقو امين بصوتو.. امين : فين سهيتي.. يوسف: اا لا والو هانا معاك..#يتب____ع #توقعاا__تكم؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
