نتي ليا و نديك بسيف

البارت 41

.♡بارت:41♡..

💔 انا وياك و الزمان طويل 💔

يسرى ناضت طافجة .. دوشاات و خرجات غي بدوبيااس كتنشف فشعرهاا لبسات كسوة كحلة طويلة و عريضة شوية مع صندلية .. و دارت ميكااب خفييف ركزاات على فمهاا .. 
يسرى: عيطي شوفي فينهم
سمر: اوكي
عيطات ليوسف قاليها بلي دباا غيخرج من دار و يدوز على اميين..
سمر: زيدي يالااه نلقاوهم تماا..
خرجو من دار كيتسيلفااو و ولاد درب حالين فيهم فمهم حييت هما لي كيتجرأو و يلبسو دك لبس.. وصلو لخرجة ددرب كان يوسف تما مبلاصي طوموبيل .. ركبو معاهم لور.. سمر متبعالو لعين و عايق بيهاا هو.. وصلو لصونطر ريحو فواحد لقهوة طلبو لبنات غير قهوة بغاو يبينوو راسهم من ناس لهاي.. 
يوسف: ( دباا عاد شافها اش لابسة قرب ليهاا و قرصها فكرشها تا قفزات و ناس شافت ناحيتهم ) تبتي ناس كيشوفوو
سمر: جهلتي ولا شنو هادي را سميتهاا تاحمارييييت
يوسف: تاحماريت هي لي غنوض نديرهالك الا ماجلستييش
ولات تجلس بلاصتها و هو مخنزر فيهاا جبد سيكاار كينتر منو بشوية و حاضيها بنص عيين ..
يوسف: ( عياا يبقاا صاابر ماتحملش جمع الوقفة و شدهاا من مرفقهااا مخرجها من لقهوة و هي تابعااه مافاهمة تا حاجة )..
يسرى : ( بغات تنووض تتبعهم ) 
امين : فين غادية خليهم يبقااو بوحدهم
يسرى: داك صاحبك مكنتيقش فيه
يسرى: ماتخافيش مغيدير لها والو..
مجاوباتوش .. كتشرب فكاس قهوتها .. اما لكوبل تاني فكسيرا سي يوسف بطوموبيلتو غادي بسرعة ما وقف تال دارو .. نزلات مافاهمة والو دبا كان ضاحك ناشط دغيا تقلب تبعاتو بلا ما تهضر دخلات لدار و هو سد.. لباب دوز على شعرو بقلة صبر .. جلس كيهزز فرجليه و هي بقات واقفة..
يوسف: عارفة علاش جبتك هنا ولا ماعارفاش؟..
سمر: لا علاش؟
يوسف: باش نحطو نقط على الحرووف 
سمر : كيفاش زعماا مافهتكش شبغيتي تقصد 
يوسف: شنو بغييت نقصد انا ماشي دمدوومة ديري دكشي لي كنقولك مرحبااا ماديريهش قوليهااا من دبااا بااش نعرف راسي فين غادي
سمر : لحد الان باقي معرفتك شنو باغي تقصد ؟..#يتب___ع