.. 😍 انني هنا.. من بعد ما فكرت مزياان قررت نكتب قصة .. ولكن بعيييدااا على كل القصص لي قريتو .. يعنيي مافيهاا تا حاجة من لخياال اي حاجة قريتووهاا حقييقية .. هاد القصة مبنية على احداث واقعية 100 % هادي شحال فكرت نكتبهاا مكتاابش .. و دب قررت نكتبهاا ح...
#يوسف.. من بعد ما تافق مع صحابو يتبحرو اليووم عيط لامين يمشي معاهم مايقدرش يبقا بلا بيه حيت صاحبو الانتييم.. داز علييه بلاصا طوموبيل حدا القهوة و طالق ديسك بجهد كيتسناا فيه يجيي و الكارو فيدو مكيفارقووش سفيان جالس القدام و جواد لور.. حاضيين درب و كيفاش ناس و البنات كيشوفو فييهم بحال عمرهم ماشافو شي حاجة.. و هما كاع ما مسوقييين داك نووع كيبغييو غي بنات لييل و الزهو و كل لييلة مع وحدة اما دكشي دلحب و التصاحيب كيجيهم غا تخربييق حياتهم غا ضحك و لعب .. سفيان: شوف ديك خيتي غا كتشوف فياا جواد : لقيتيني حاضيهم تفو يا خوياا الحضية فالمغاربة نمبر واان.. يوسف: الحضية و صااف وولاد لقحاب.. جواد: حاقد على الوضعية.. يوسف: بزاااف.. سفياان : ويااه بلاد زبي لا خدمة ولا تا قلوة كلشي بلفلووس و باك صاحبي يوسف: مشيييت للخاريج و انا فعمري 17 كنسوفريي هاد البلاد ماعطاتني تا قلوة كون ماا الوالدة هناا بوحدها عمرني نحط رجلي هناا .. سفياان: اوا الحمد الله و بنادم يسلك تا حد مالقاها كيف بغاهاا.. يوسف: ويااه .. ( قال هاد الكلمة و نتر معاها من الكاارو ).. كان لابس تيشورت فيهاا ناايك كحلة مع شورط ديال دجيين و داير ساعة ديال دهب فيدو مع خااتم .. و صحابو لابسين نفس ستيل كيبانو بحال شي خوت.. جا امييين لابس صوفيطمة فلكري مع شورط دلبحر و هاز فوطة فوق ضهرو باين حاقد على الوضعية و معصب.. ركب فطوموبيل لور مع جوااد تسالموو.. و يوسف نقص من لفوليم و عرفهم ببعضياتهم.. يلاه غيكسيري و هي تبان لييه سمر غادة ضاحكة .. و يسرى حداهاا كتضحك فييها.. كتبان بحال شي طفلة كتضحك بعفوية و بنيتهاا .. لحضة جات عينيها ف عينييه .. دغياا جمعات عينيهاا و ضحكتهاا و تخطاات طوموبيلتوو.. و قلبهاا كيضرب بجهد.. امين كان لور ماشافهومش.. كسيراا خرج من درب و هو حاضيها من زاج مراية طوموبيلتو ما حيد عينيه تا مابقاتش كتبانلوو.. زاد فلفولييم كان طالق ديسك دياال شوفي بنت مادارت فيياا غاديين محيحيين و صحابو كيسنابييو و يشطحو.. وصلو للبحر بلاصاا طوموبييل فلباركينغ هزو صيكانهم و كيتمشااو فلرملة .. وصلو لواحد لبلاصة كيكونو فيهاا غير ناس لهااي و الكاورييين و لبنات غييي المقزباات و لي جاييين مع صحابهم و باينة فييهم ناس لعاقة.. جلسو تماا كل واحد فكرسي بيض و براسوول ديال الخشب و طبلة .. طلبو ريدبوول و شرااب الغالي و باكيات دلكاروو دكشي ديال لقصاارة .. حيدوو حوايجهم بقااو غير بشورط دلبحر يوسف داار نضااضر و ليكيت فوذنييه و متكيي مغمض عينيه كيتجنب شمش.. و دراري لي معاه حاليين فمهم ف المغربياات و طرووفة .. امين كاع ما مسوق متكيي و داير يدو وراا راسو ..#يتب____ع #توقعاااتكم؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
