نتي ليا و نديك بسيف

البارت 14

♡بارت:14♡..

💔 انا وياك و الزمان طويل 💔

كملو حصصهم كلها ضحك و تقشاب خرجو مع 6 مع التلامذ بحال لحج يسرى طويلة على سمر.. سمر قصيرة .. شعرها فايتهاا دازو من واحد الحانوت شراو لاكلاص و كملو طريقهم لدرب.. 
يسرى: غير كندخل فهاد.درب شهية عندي كتسد
سمر: بحالك والله غي الوجوه لي تسد ليك نفس..
يسرى: سمر هادي شحال ما درناا شي زبلة 
سمر: وقت لقراية دباا و مي حلفاات لا جات معاياا للادارة
يسرى: ولا القلاوي سمعيني.. زعما نجربو شي حاجة فهمتي..
سمر: كيفااش هاد الحاجة شنو هي؟
يسرى: تسنااي ( جبدات تلفونهاا من صاكها و دخلات لواحد لكروب خاص بدريات و وراتها واحد الفيديو ) شوفي مزياان ناس لي عايشة 
سمر: شيشة ازبي بغيتي نادية تحويني من ودني و نزيدك راني 0 درهم..
يسرى: بفف كطيري وسمعيني هانتي غتمشي لداار غتقولي لمك غنبات مع يسرى و هي مغتسولش حين كتيق فياا و انا غنقول لماما غنبات عند سمر مغيشكوش فينا اوا وحنا نتقودو..
سمر: اولالا براافو دباا عرفت طبونمك اكبر حماارة .. اوا الالة فاش نجرجعو بلييل فين نبااتو ها فطبونتمك؟
يسرى: ايااه هادي مافكرتش فيها
سمر: زيدي زيدي كون غير خريتي و مقلتيش هاد الهضرة..
يسرى: تسنااي لقيتها.. نبقاو تالصبح .
سمر: ايااه و منيتك غيدخلوناا حناا تا كارط ناسيوناال معندنااش 
يسرى: ولا ازبي لا را غي عند جابر ولد سي مصطفى لي فاتح قهوة دشيشية مورا شارع دليسي.كاع بنات دليسي من سابعة تماا و حنا لي شرفناا عمرنا حطينا رجلنا تما..
سمر: شوفي هاد لبلان را مغيصدقش الى عرف شي واحد غنتحوااو دبصح
يسرى: مالك الخراا وليتي خواافة غنعيط لمحمد را كيريح تماا ندخلو معاه..
سمر: و فين غنباااتو
يسرى: يا ربيييي داك راس اش فيه خرية لا ؟ وغنبقااو تا يسدوو و نجييو نجلسو فجردة تا يصبح لحال و كول وحدة تقود لدارهاا. و الجردة را فيهاا العسااسة مكاين مناش نخافو..
سمر: اهااه و الصرف؟
يسرى: كنت مخبية واحد 150 درهم نشوفو واش تكفينا..
سمر: شوفي الى تجبدلي صدااع را نتي لي غتفكييهاا فهمتي..
يسرى: بفف و صافي ترجلي شوية ازبي مغيوقع والو فاش غنشرفو غنبقااو عاقليين غير على هادشي..اللهم ندوزوها مزياان..
سمر: اوا صافي هي هاديك. ولكن خليها تالغداا 
يسرى: وعلاش تلغداا
سمر: اوا باش نكون على باال و ندبر شي صرييف 
يسرى: صافي واخاا اه نيت بااش نهضرو مع محمد.. 
وصلات لدار يسرى و سمر كملات طريقهاا لدارهم وصلات دخلات حيدات صباطها لول و دخلات ترمات فصالون رمات صاكهاا و مبزعة رجليها.. 
نادية: تكعدي بدلي حوايجك
سمر: تسناي امي راني عياانة
نادية: لي يسمعك يقول خدامة فجبل تهزي سيري بدلي حوايجك و اجي ندير كسكروط
سمر: هاهي غادة..
طلعات لبيتهاا بدلات حوايجها لبسات بيجامة بلا كمام و حد لفخاذ فبسميطات.. و رجعات لصالون لقات نادية موجدة كسكروط كبات اتااي.. يدات تسخن فيه من كاس لكاي..
نادية : شي نهار غتجلطينييي داخلة ف 18 عاااام و باقي كتبردي فاتاي بحال شي برشوهة.. 
سمر: فينو بابا 
نادية: فلخدمة علاش بغيتيه
سمر: عيطيلو فاش يجيي يجيبلي معاه روشارج را تقادات لي الكونيكسيون
نادية: ايااااه سيري غبري من قداامي قبل ما نووض نقجك ...#يتب____ع
#توقعااتكم؟