نتي ليا و نديك بسيف

البارت 6

♡بارت:6♡..

💔 انا وياك و الزمان طويل 💔

سمر: طز علييك صحابك حماار و يعطيني بلا ما يح**ويني تي رااك مريضة فكغك..
يسرى: بففف على كاع لي مصاحبة مع شي قواد كيحويهاا عرفي كيفااش ديري تصيدييه و بروفيتي فيه حيت هادشي لي يصلاح مع زامل بوهم..
سمر: خفت غيير نجيبها فكري فلخر
يسرى: و صاافي تانتي تزيديش فيييه ..
كملو ماكلتهم خلصو و خرجو من لكافي هبطو للكورنيش.. كيتسيلفااو مرة مع لبحر مرة مع شجرة.. بقات تماا تا ضرباات 6 شدو طاكسي و رجعو لدرب .. قبل ما ينزلو من طاكسي مسحو داك لعكر لحمر .. و دخلو مخنزرين لدرب.. دازو من حدا دار امين كان جالس هو و يوسف ف بااب دارو.. و ريدبول حداهم كيشربو فيه.. امين لمح يسرى بقا كيشوف فيهاا .. و مدواش و هي مخنزرة فييه.. يوسف بقا كيشوف ف سمر مطلعها و منزلها و شمس ضاربة فعويناتو الزورق..متبع ليها العين تا مشاو .. يسرى دخلات لدارهاا و سمر تا هي.. دخلات لقات مهاا مستفة جلاباتها فصالون..
نادية : هووف ابنتي جيتيي و اخيراا اجي ختاري معايا شنو نلبس نتي عندك مع الموضة..
سمر: (جلساات و جمعات شعرهاا حيدات صباطها).. علاش بسلامة فين غادية..
نادية : سعاد دارت صدقة فليل على قبل ولدهاا لي جا من الخارج و راكي عارفة كاع الجيران غيكونو بغييت نلبس شي حاجة تليق..
سمر: بفف على النفااق.. لبسي ديك زرقة جدييدة و زوينة..
نادية : تانتي سيري قلبي على شي حاجة زوينة تلبسيها .. ماعرفتي تعجبي ولدهاا و يتزوجك
سمر: ( خنزرات فيها ) الالة شكون قالك انا بغييت نتزوج سيري غيير نتي..
نادية : حماارة و غتبقااي لمك حمارة سيد بورااااقو الخااريج .. و نتي بقااي لاصقاني كييف الحزقة
سمر: انا غنبقاا مع بااا شداني لشي صدقة .. غيجيني الملل
نادية: بااك ما كيجيي تا ل 2 دليييل شغاديريييي فدار بوحدك..
سمر: واااااا ناااادية وااااا مييييي واماباغاش نمشي شغاندير فوسط ربااعة دلعيالات ..
نادية : را كاينة يسرى ..
سمر: بصح.. 
نادية : ايااه غتكون عرضات عليهم.. 
سمر: هانا غنشوف..
دخلات لبيتها بدلات حوايجهاا لبسات بيجامة بلا كمام .. و هزات تلفون كتصاوب فتصااور و تحطهم فلفايس و صطوري دلانسطا و الواتس.. عيطاات ل يسرى جاوباتها دغياا..
يسرى: قحبتي
سمر: جاوبي دغياا را دباا غتكملي التعبئة.. واش غتمشي فلييل لعراضة 
يسرى: ويااه الى غتمشي نمشي الى ماتمشييش ماعندي ما ندير تماا..
سمر: ميي را منخلاني. غنجي..
يسرى: مشاات..
#عند_فاطمة..
فلكوزينة هي و خواتاتهاا كيصاوبوو العشاا و يحسبو شحال دلموناضاا و الخبز مابغااو تكون تا حاجة ناقصة و يحلو فمهم جيران.. جمعات دار و سيقاات و صايبات الصالون.. تا ضربات 8 العيالات بداو يجييو تلاقات ليهم فلبااب كتسلم عليهم.. و تشد الميكات.. جلسو فصالون.. و سعاد كتعيط ليوسف جاوبهاا..
سعاد: وافينك ناس راه جاو..
يوسف: شوية و نكون عندك
سعاد: ماتعطلش..
#يتب____ع
#توقعااااتكم؟؟